ຊາວໜຸ່ມຮາກຖານສໍານັກກະຊວງ ສສກ ສ່ອງແສງວຽກງານ ປະຈໍາໄຕມາດ 4

ສຶກສາ

Written by ຕຸ່ນຄຳ

ຊາວໜຸ່ມຮາກ​ຖານສໍານັກ​ກະຊວງ ສສກ ສ່ອງ​ແສງວຽກງານ ​ປະ​ຈໍາ​ໄຕ​ມາດ 4

26772099 1293609680741181 664192611 o

   ຄະນະ​ບໍລິຫານ​ງານຊາວ​ໜຸ່ມ​ ປະຊາຊົນ ປະຕິ​ວັດ​ລາວ ຮາກ​ຖານສໍານັກ​ກະຊວງ​ສຶກສາ​ທິ
ການ ​ແລະ ກິລາ (ສສກ) ​ໄດ້​ຈັດ​ກອງ​ປະຊຸມ​ສ່ອງ​ແສງ​ວຽກງານປະ​ຈໍາ​ໄຕ​ມາດ 4 (​​ຕຸລາ ຫາ
ທັນວາ 2017)ເພື່ອຕີ​ລາຄາ​ສະພາບ​ການຈັດ​ຕັ້ງ​ປະຕິບັດ​ວຽກງານ 3 ​ເດືອນຜ່ານ​ມາແລະສືບ
​ຕໍ່​ຈັດ​ຕັ້ງ​ປະຕິບັດ​ແຜນການ​ປະ​ຈໍາ​ໄຕ​ມາດ 1 ປີ 2018 (ມັງກອນຫາມີນາ)ແນໃສ່ສືບ​ຕໍ່ເຄື່ອນ
​ໄຫວ​ວຽກ​ງານ​ໃນ​ແຕ່​ລະ​ດ້ານໃຫ້​ບັນລຸ​ຕາມ​ເປົ້າ​ໝາຍ​ທີ່​ຕັ້ງ​ໄວ້.

      ກອງ​ປະຊຸມ​ດັ່ງກ່າວ, ​ໄດ້​ຈັດ​ຂຶ້ນ​ເມື່ອ​ວັນທີ 9 ມັງກອນ ຜ່ານ​ມາ ທີ່ຫ້ອງ​ປະຊຸມສໍານັກງານກະຊວງສຶກສາທິການ ແລະ ກິລາ, ພາຍ
​ໃຕ້​ການ​ເປັນ​ປະທານ​ຂອງ​ ສະຫາຍ ສຸພີ ເພັດດາວົງ ເລຂາຄະນະບໍລິຫານງານຊາວໜຸ່ມປະຊາຊົນ ປະຕິວັດລາວຮາກຖານສໍານັກກະຊວງ
​ສຶກສາ​ທິການ ​ແລະ ກິລາ,ມີ​ສະຫາຍເລຂາ-ຮອງ​ເລຂາໜ່ວຍຊາວໜຸ່ມອ້ອມຂ້າງຮາກຖານສໍານັກກະຊວງ ສສກ ພ້ອມ​ດ້ວຍ​ບັນດາ​ສະມາ
ຊິກ​ຊາວ​ໝຸ່ມ​ເຂົ້າຮ່ວມ​.                     

ກອງ​ປະຊຸມຄັ້ງນີ້, ໄດ້ຕີ​ລາຄາ​ສະພາບ​ການຈັດ​ຕັ້ງ​ປະຕິບັດ​ວຽກງານໃນໄຕມາດ 4 ຂອງປີ ຜ່ານມາ(​ຕຸລາ ຫາ ທັນວາ 2017) ​ແລະ ສືບ​ຕໍ່
​ຈັດ​ຕັ້ງ​ປະຕິບັດ​ແຜນການ​ປະ​ຈໍາ​ໄຕ​ມາດ​ 1 ຂອງປີ 2018 (​ມັງກອນ ຫາ ມີນາ)  ​​ແນໃສ່ການສືບ​ຕໍ່ເຄື່ອນ​ໄຫວ​ວຽກ​ງານ​ໃນ​ແຕ່​ລະ​ດ້ານໃຫ້
​ບັນລຸ​ຕາມ​ເປົ້າ​ໝາຍ​ທີ່​ຕັ້ງ​ໄວ້. ນອກຈາກ​ນັ້ນ, ​ໃນ​ກອງ​ປະຊຸມ ຍັງ​ໄດ້​ປຶກສາ​ຫາ​ລື ​ແລະຄົ້ນຄວ້າ​ເພື່ອ​ກຽມ​ຄວາມ​ພ້ອມ​ໃນ​ການ​ຈັດ​ກອງ​ປະ
ຊຸມສ່ອງ​ແສງວຽກງານປະ​ຈໍາ​ໄຕ​ມາດ 4 (​​ຕຸລາ ຫາ ​ທັນວາ 2017) ແລະ ວາງ​ແຜນ​ປະ​ຈໍາ​ໄຕ​ມາດ​ 1 (ມັງກອນ ຫາ ມີນາ 2018)ຂອງ​ຄະ
ນະ​ບໍລິຫານ​ງານ​ຊາວ​ໜຸ່ມ​ປະຊາຊົນ ປະຕິວັດ​ລາວ ກະຊວງ​ສຶກສາ​ທິການ ​ແລະ ກິລາ ທີ່​ຈະ​ຈັດ​ຂຶ້ນ​ໃນ​ວັນ​ທີ 12 ມັງກອນ 2018 ທີ່​ຫ້ອງ​
ປະຊຸມ 425 ສໍານັກ​ງານກະຊວງ ສສກ  ​ໃນ​ເວລາ 13:30 ​ໂມງ ​ເປັນ​ຕົ້ນ​ໄປ.

 ສໍາລັບ​ທິດ​ທາງແຜນການ​ຕໍ່ໜ້າ ຈະ​ສືບ​ຕໍ່ລະດົມທຶນຊ່ວຍເຫຼືອປຸກສ້າງສ້ອມແປງອາຄານໂຮງຮຽນມັດທະຍົມຕອນຕົ້ນນາມົນ-ໂພນແຍງ
ເມືອງເຟືອງ ແຂວງວຽງຈັນ, ສືບຕໍ່ສ້າງຂະບວນການກິລາເພື່ອຄໍານັບຕ້ອງຮັບວັນສໍາຄັນຂອງຊາດໂດຍສະເພາະແມ່ນວັນສ້າງຕັ້ງຊາວໜຸ່ມ
ປະຊາຊົນ ປະຕິວັດລາວ, ເຊິ່ງຄາດວ່າຈະຈັດໃນໄລຍະເດືອນເມສາ ແລະ ສືບຕໍ່ຍ້ອງຍໍບຸກຄົນດີເດັ່ນຜູ້ທີ່ມີຜົນງານໃນການປະກອບສ່ວນ
ວຽກງານຕ່າງໆ ຊຸດ 2.