ສະຖາບັນພັດທະນາການບໍລິຫານການສຶກສາ ຈັດກອງປະຊຸມການສ້າງແຜນປະຕິບັດງານປະຈໍາປີ 2018

ສຶກສາ

Written by ຕຸ່ນຄຳ

ສະ​ຖາ​ບັນ​ພັດທະນາການ​ບໍລິຫານ​ການ​ສຶກສາ ຈັດ​ກອງ​ປະຊຸມ​ການສ້າງ​ແຜນ

​ປະຕິບັດ​ງານ​ປະ​ຈໍາປີ 2018

26937510 1298224200279729 1709778319 o     ສະ​ຖາ​ບັນ​ພັດທະນາ​ການ​ບໍລິຫານ​ການ​ສຶກສາ ກະຊວງ​ສຶກສາ​ທິການ ​ແລະ ກິລາ  ​ໄດ້
​ຈັດ​ກອງ​ປະຊຸມ​ການ​ສ້າງ​ແຜນ​ປະຕິບັດ​ງານ ປະ​ຈໍາປີ 2018 ເພື່ອ​ໃຫ້​ແຕ່​ລະ​ພາກສ່ວນ​ສ້າງ​
ແຜນ​ປະຕິບັດງານ  ປະ​ຈຳປີຂອງ​ຕົນ  ​ໂດຍ​ອີງ​ໃສ່​ແຜນວຽກຈຸດ​ສຸມ​ທີ່​ຮັບຮອງ​ໃນ​ກອງ​ປະ
ຊຸມ​ຜູ້​ບໍລິຫານ​ການ​ສຶກສາ ​ແລະ ກິລາ ໃນ​ວັນ​ທີ 15 ມັງກອນ ຜ່ານ​ມາ ທີ່ຫ້ອງ​ປະຊຸມສະ​
ຖາ​ບັນ​ດັ່ງກ່າວ (ຫຼັກ 8) ​ເມືອງ​ຫາດ​ຊາຍ​ຟອງ ນະຄອນຫຼວງ​ວຽງ​ຈັນ,

ໃຫ້​ກຽດ​ເຂົ້າ​ຮ່ວມຂອງ ທ່ານ ຮສ.ປອ ຄຳຜາຍ ສີສະຫວັນ ຮອງລັດຖະມົນຕີ ກະຊວງສຶກສາທິການ ແລະ ກິລາ ແລະທ່ານຈັນສະໝຸດ
ແກ້ວສຸດທາ ຫົວໜ້າສະ​ຖາ​ບັນ​ພັດທະນາ​ການ​ບໍລິຫານ​ການ​ສຶກສາ ພ້ອມ​ດ້ວຍ​​ຫົວໜ້າກົມ, ຫ້ອງການ​ທຽບ​ເທົ່າ​ກົມ, ສະ​ຖາ​ບັນສູນພະ
​ແນ​ກສຶກສາ​ທິການ ​ແລະ ກິລາ​ແຂວງ/ນະ​ຄອນ​ຫຼວງ​ວຽງ​ຈັນ​ ແລະ ພາກສ່ວນທີ່ກ່ຽວຂ້ອງ.

​      ໂອກ​າດດັ່ງກ່າວ, ທ່ານ ຮສ.ປອ ຄຳຜາຍ ສີສະຫວັນ ​ກ່າວວ່າ: ກອງ​ປະຊຸມ​ຄັ້ງ​ນີ້ ​ແມ່ນ​ກອງ​ປະຊຸມ​ທາງ​ວິຊາ​ການ ຈຶ່ງ​ຢາກ​ເນັ້ນ​ໜັກ
​ໃຫ້​​ແຕ່​ພາກສ່ວນ​ທີ່​ເຂົ້າ​ຮ່ວມ​ກອງ​ປະຊຸມ ຈົ່ງ​ພ້ອມ​ກັນ​ຈັດ​ຕັ້ງ​ປະຕິບັດສ້າງ​ແຜນ​ງານ ​ໂດຍ​​ໃຫ້​ແຕ່​ລະ​ພາກສ່ວນ​ສ້າງ​ແຜນ​ປະຕິບັດງານປະ
​ຈໍາປີ 2018 ຂອງ​ຕົນ ​ໂດຍ​ອີງ​ໃສ່​ແຜນຈຸດ​ສຸມ​ທີ່​ຮັບຮອງ​ໃນ​ກອງ​ປະຊຸມ​ຜູ້​ບໍລິຫານ​ການ​ສຶກສາ ​ແລະ ກິລາ  ກິລາ ທົ່ວປະເທດ  ປະຈໍາປີ
2017 ທີ່​ໄດ້​ສໍາ​ເລັດ​​​ໄປເມື່ອ​ບໍ່​ດົນ​ຜ່ານ​ມາ. ຄຽງ​ຄູ່​ກັນັ້ນ, ການ​ສ້າງ​ແຜນ​ດັ່ງກ່າວ ​ແມ່ນ​ເປັນ​ການ​ທັດສະນະ ຫຼືສິ່ງ​ທີ່​ຢາກ​ກ້າວ​ໄປ​ເຖິງ​ໃນ​ໄລ
ຍະ​ຍາວ, ​ເຊິ່ງ​ເປັນ​ຈຸດ​ເລີ່​ມຕົ້ນ ​ແລະ ຂອບ​ວຽກ​ສໍາລັບ​ການ​ກໍານົດ​ບຸລິມະສິດ, ຄາດ​ໝາຍ ​ແລະ ຍຸດ​ທະ​ສາດ ​ແລະ ການ​ສ້າງ​ແຜນປະຕິ
ບັດ​ງານ ປະ​ຈໍາປີ 2018 ​ແມ່ນ​ຢາກ​ໃຫ້​​ແຕ່​ລະ​ພາກສ່ວນ​ເບິ່ງ​ວຽກ​ງານ​ທີ່​​ໄດ້​ຈັດ​ຕັ້ງ​ປະຕິບັດ​ໃນ​ໄລຍະ​ຜ່ານ​ມາ  ທີ່​ມີ​ຜົນ​ສໍາ​ເລັດ ​ແລະ ​ເບິ່ງ​
ແຜນ​ວຽກ​ງານ​ທີ່​ເປັນ​ວຽກ​ຈຸດ​ສຸມທີ່​ຕ້ອງ​ໄດ້​ສືບ​ຕໍ່​ຈັດ​ຕັ້ງ​ປະຕິບັດ ​ເປັນ​ຕົ້ນ​​ແມ່ນ ວຽກ​ງານ​ສາມັນ​ສຶກສາ, ວຽກ​ງານ​ຈັດ​ຕັ້ງ ​ແລະ ພະນັກ
ງານ, ວຽກງານ​ການ​ສຶກສາກ່ອນ​ໄວ​ຮຽນ, ວຽກ​ງານ​ການ​ກວດກາ ​ແລະ ອື່ນໆ​ທີ່​ປິ່ນ​ອ້ອມ.

      ຂະນະ​ດຽວ​ກັນ, ທ່ານ ສີ​ທອງ ສີຂາວ ຫົວໜ້າ​ພະ​ແນ​ກ​ແຜນການ ກົມ​ແຜນການ ກະຊວງ​ສຶກສາ​ທິການ ​ແລະ ກິລາກໍ່ໄດ້​ລາຍ​ງານ
​ຂະ​ບວນການ​ສ້າງ​ແຜນ​ພັດທະນາ​ການ​ສຶກສາ ​ແລະ ກິລາ ​ໃຫ້​ຮູ້​ວ່າ: ການ​ສ້າງ​ແຜນ​ງານ​ດັ່ງກ່າວ ​ແມ່ນ​ອີງ​ໃສ່​ເປົ້າ​ໝາຍ ​ແລະ ນະ​ໂຍບາຍ,
​ເຊິ່ງການ​ກໍານົດ​ຈຸດປະສົງ​ອາດບໍ່​ສະ​ເພາະ​ພຽງ​ແຕ່​ໄລຍະ​ເວລາ​ໃດ​ໜຶ່ງ​ຂອງ​ການ​ສ້າງ​ແຜນ​ເທົ່າ​ນັ້ນ, ​ແຕ່​ອາດ​ຈະ​ຂະຫຍາຍ​ແລະສືບ​ຕໍ່​ໄປ​ໃນ
​ໄລຍະ​ຍາວ​ກວ່າ​ດວລາ​ທີ່​ແຜນ​ກໍານົດ  ແຕ່ຈຸດປະສົງນັ້ນ  ແມ່ນຢາກໃຫ້​​ມີ​ລັດ​ສະ​ນະ​ສະ​ເພາະ​ກວ່າ​ເປົ້າ​ໝາຍສໍາລັບຂັ້ນ​ຕອນ​ໃນ​ການ​ສ້າງ​
ແຜນ ພັດທະນາ​ການ​ສຶກສາ ປະກອບ​ມີ: ການ​ວິ​ໄຈ​ສະພາບ​ການ​ສຶກສາ (ວິ​ໄຈ​ຂໍ້​ມູນ), ກໍາ​ນົດຈຸດປະສົງ, ຜົນ​ໄດ້​ຮັບ ​ແລະຄາດໝາຍກໍາ
ນົດ​ວິທີ​ແກ້​ໄຂ ຫຼື ກົນ​ໄກ​ໃນ​ການຈັດ​ຕັ້ງ​ປະຕິບັດ ​ເພື່ອ​ໃຫ້​ບັນລຸ​ຈຸດປະສົງ ​ແລະ ຄາດໝາຍ, ຂຶ້ນ​ແຜນ​ງົບປະມານ  ​ແລະ  ຈັດ​ສັນ​ງົບປະ
ມານ ​ໂດຍ​ອີງ​ໃສ່ບຸລິ​ມະ​ສິດ, ສ້າງ​ແຜນ ​ແລະ ດໍາ​ເນີນ​ການຈັດ​ຕັ້ງ​ປະຕິບັດ​ແຜນ ​ແລະ ຕິດຕາມ ​ແລະ ປະ​ເມີນ​ຜົນ.