ສສກ ແລະ ສູນແລກປ່ຽນວັດທະນະທຳທຸລະກິດຈີນ ຫາລືແຜນການຮ່ວມມືວຽກງານວິຊາຊີບ ແລະ ອາຊີວະ

ສຶກສາ

Written by ບຸນທະວີ

ສສກ ແລະ ສູນແລກປ່ຽນວັດທະນະທຳທຸລະກິດຈີນ ຫາລືແຜນການຮ່ວມມື

ວຽກງານວິຊາຊີບ ແລະ ອາຊີວະ

26909900 1298223900279759 1196487561 o

   ຄະນະນຳກະຊວງສຶກສາທິການ ແລະ ກິລາ ສປປ ລາວ ແລະ ຄະນະນຳສູນແລກປ່ຽນ
ວັດທະນະທໍາທຸລະກິດ ສາກົນ ສປ ຈີນ ໄດ້ຮ່ວມປຶກສາຫາລືການຮ່ວມມືທາງດ້ານວຽກ
ງານວິຊາຊີບ ແລະ ວຽກງານອາຊີວະສຶກສາໃນຕໍ່ໜ້າ ແນໃສ່ເພື່ອເຮັດໃຫ້ການກໍ່ສ້າງຊັບພະ
ຍາກອນມະນຸດ ສອດຄ່ອງກັບວຽກງານການພັດທະນາເສດຖະກິດ-ສັງຄົມ ຂອງຊາດໃນ
ແຕ່ລະໄລຍະໃນວັນທີ 15 ມັງກອນຜ່ານມາທີ່ສໍານັກງານກະຊວງສຶກສາທິການແລະກິລາ,

ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີ ກະຊວງສຶກສາທິການ ແລະ ກິລາ ໄດ້ໃຫ້ກຽດຕ້ອນຮັບການເຂົ້າຢ້ຽມພົບປະຂອງ ທ່ານ
ຫຼີ ອີ້ ໂຈ ຮອງເລຂາທິການສູນແລກປ່ຽນວັດທະນະທໍາທຸລະກິດ ສາກົນ ສປ ຈີນ ພ້ອມດ້ວຍຄະນະ, ມີຫົວໜ້າກົມ,ຮອງຫົວໜ້າຫ້ອງການ,
ກົມ ແລະ ຜູ້ຮັບຜິດຊອບວຽກງານກ່ຽວຂ້ອງທັງ 2 ຝ່າຍເຂົ້າຮ່ວມຢ່າງພ້ອມພຽງ.

      ການເຂົ້າພົບປະໃນຄັ້ງນີ້, ກໍ່ເພື່ອປຶກສາຫາລືກ່ຽວກັບການຮ່ວມມືວຽກງານວິຊາຊີບ ແລະ ວຽກງາອາຊີວະສຶກສາໃນຕໍ່ໜ້າໂດຍສະເພາະ
ແມ່ນບໍລິສັດ ທີ່ເຮັດວຽກກ່ຽວກັບຂະແໜງການສຶກສາ, ສ້າງບຸຄະລາກອນ, ເຝິກອົບຮົມໃຫ້ພະນັກງານສືບທອດ ໃຫ້ສາມາດຕອບສະໜອງ
ໄດ້ຕາມຄວາມຮຽກຮ້ອງຕ້ອງການຕາມຕະຫຼາດແຮງງານ ໂດຍສະເພາະແມ່ນວິສາຫະກິດທີ່ເຂັ້ມແຂງໃນທົ່ວໂລກ ແລະເຊື່ອໝັ້ນວ່າໃນອະນາ
ຄົດ ຈະສາມາດປະກອບສ່ວນເຂົ້າໃນການສຶກສາອົບຮົມວິຊາຊີບ ແລະ ບຸຄະລາກອນເຂົ້າໃນການພັດທະນາຂົງເຂດວຽກງານການສຶກສາໃນ
ສປປ ລາວ.

      ໂອກາດດັ່ງກ່າວ, ທ່ານ ນາງ ແສງເດືອນ ຫຼ້າຈັນທະບູນ ກໍ່ໄດ້ກ່າວສະແດງຄວາມຕ້ອນຮັບຢ່າງອົບອຸ່ນໃນການເຂົ້າຢ້ຽມພົບປະໃນຄັ້ງນີ້
ພ້ອມໃຫ້ການຮ່ວມມືກັບພາກສ່ວນດັ່ງກ່າວ ທັງລາຍງານສະພາບການສຶກສາທາງດ້ານວິຊາຊີບ, ວຽກງານອາຊີວະສຶກສາ ແລະ ການສຶກສາ
ຊັ້ນສູງຂອງ ສປປ ລາວ ແລະວາງແຜນວ່າຈະມີການຮ່ວມມືກັນແນວໃດເພື່ອພັດທະນາບຸຄະລາກອນຂອງປະເທດໂດຍສະເພາະແມ່ນຢາກ
ເນັ້ນພັດທະນາໃນຂະແໜງກະສິກໍາ, ເຕັກນິກ ແລະ ວິຊາຊີບຕ່າງໆໃຫ້ສາມາດຜະລິດສີມືແຮງງານໃຫ້ມີຄວາມຊໍານິຊໍານານເຂົ້າໃນການພັດ
ທະນາເສດຖະກິດ-ສັງຄົມໃຫ້ຈະເລີນຂຶ້ນ