ຫຼວງພະບາງ ເປີດແຂ່ງຂັນກິລາເຂດ 4 ເມືອງພາກໃຕ້ຄັ້ງທີ 4 ຊົມເຊີຍປີທ່ອງທ່ຽວລາວ 2018

ສຶກສາ

Written by Super User

ຫຼວງພະບາງ ເປີດແຂ່ງຂັນກິລາເຂດ 4 ເມືອງພາກໃຕ້ຄັ້ງທີ 4 ຊົມເຊີຍປີທ່ອງທ່ຽວລາວ 2018

27721035 1318276898274459 1287902651 n   ແຂວງຫຼວງພະບາງ ເປີດສາກການແຂ່ງຂັນກິລາເຂດ III, 4 ເມືອງພາກໃຕ້ ຄື: ເມືອງຊຽງເງິນ, ເມືອງນານ,ເມືອງພູຄູນ ແລະ ເມືອງຫຼວງ
ພະບາງ ຄັ້ງທີ 4 ທີ່ເມືອງຫຼວງພະບາງ ຮັບກຽດເປັນເຈົ້າພາບ ເພື່ອສ້າງຂະບວນການຊົມເຊີຍປີທ່ອງທ່ຽວລາວ 2018  ແລະກຽມຕ້ອນຮັບ
ພິທີປະກາດການສ້າງຕັ້ງນະຄອນຫຼວງພະບາງ. ເມື່ອວັນທີ 6 ກຸມພາ ຜ່ານມາ ທີ່ສະໝາມກິລານາຫຼວງ ແຂວງຫຼວງພະບາງ  ໄດ້ມີພິທີເປີດ
ການແຂ່ງຂັນກິລາເຂດ III, 4 ເມືອງພາກໃຕ້ ຄັ້ງທີ 4 ທີ່ເມືອງຫຼວງພະບາງ ແຂວງຫຼວງພະບາງ ເປັນເຈົ້າພາບ ລະຫວ່າງວັນທີ 6-8 ກຸມພາ
2018, ໂດຍມີ ທ່ານ ສຸກັນ ບຸນຍົງ ເຈົ້າເມືອງຫຼວງພະບາງ ທັງເປັນປະທານຈັດງານ ແລະ ທ່ານ ຊາຍສະຫວັນ ຈັນມານິດ ຮອງຫົວໜ້າພະ
ແນກສຶກສາທິການ ແລະ ກິລາແຂວງຫຼວງພະບາງ, ມີຄະນະນຳຈາກ 4 ເມືອງ,ຄະນະຮັບຜິດຊອບຄູເຝິກ ແລະ ນັກກິລາ ພ້ອມດ້ວຍແຂກ
ທີ່ຖືກເຊີນ ຕະຫຼອດຮອດອຳນາດການປົກຄອງບ້ານເຂົ້າຮ່ວມຢ່າງຫຼວງຫຼາຍ.

      ໂອກາດນີ້, ທ່ານ ນາງ ອິນຖະວອນ ພົມມະຈັນ ຮອງເຈົ້າເມືອງຫຼວງພະບາງ ລາຍງານໃຫ້ຮູ້ວ່າ: ສຳລັບການແຂ່ງຂັນກິລາເຂດ III, 4 ເມືອງພາກໃຕ້ ຄັ້ງທີ 4 ແມ່ນງານແຂ່ງຂັນກິລາລະ
ດັບທ້ອງຖິ່ນ, ຈັດຂຶ້ນເພື່ອສຸຂະພາບ, ມິດຕະພາບ ແລະ ຄວາມສາມັກຄີ ກຽມພ້ອມຮັັບໃຊ້ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ຕາມແນວທາງປ່ຽນແປງໃໝ່ຂອງ
ພັກ. ຄຽງຄູ່ກັນນັ້ນ, ຍັງເປັນສ້າງຂະບວນການສະເຫຼີມສະຫຼອງປີທ່ອງທ່ຽວລາວ ທີ່ແຂວງຫຼວງພະບາງ, ບຸນປີໃໝ່ລາວ ພສ 2561 ແລະ ກຽມຄວາມພ້ອມໃນການປະກາດການສ້າງຕັ້ງນະ
ຄອນຫຼວງພະບາງ.

      ສຳລັບການແຂ່ງຂັນຄັ້ງນີ້ ປະກອບມີ 6 ປະເພດກິລາ ຄື: ເຕະບານ, ບານສົ່ງ, ກະຕໍ້, ແລ່ນ-ລານ, ໜ້າເກັກ ແລະ ເປຕັງ. ໂດຍມີຄະນະນຳ ແລະ ນັກກິລາເຂົ້າຮ່ວມທັງໝົດ 425 ຄົນ,
ຍິງ 178 ຄົນ, ມີນັກກິລາ 234 ຄົນ, ຍິງ 61 ຄົນ. ພ້ອມນັ້ນ, ໃນພິທີເປີດຍັງໄດ້ຮັບຊົມການເດີນສວນສະໜາມຂອງແຕ່ລະກ້ອນກຳລັງ, ນາງສາວຖືປ້າຍຄຳຂອງຂວັນຂອງແຕ່ລະເມືອງແຕ່
ລະໂຮງຮຽນມັດທະຍົມພາຍໃນເທສະບານເມືອງຫຼວງພະບາງ, ກອງດຸລິຍາງເຍົາວະຊົນ, ກ້ອນກຳລັງນັກຮຽນ-ຊາວໝຸ່ມ, ກຳມະການຕັດສິນ, ຊົມການສະແດງບົດຟ້ອນ, ຮ້ອງເພງ, ການ
ສະແດງສິລະປະມວຍລາຍລາວ ແລະ ເຕັ້ນແອໂຣບິກ.

      ທ່ານ ສຸກັນ ບຸນຍົງ ກ່າວວ່າ: ເພື່ອເຮັດໃຫ້ການແຂ່ງຂັນກິລາຄັ້ງນີ້ ປະສົບຜົນສຳເລັດຕາມຈຸດປະສົງ ແລະ ລະດັບຄາດໝາຍ, ມີຄຸນະພາບ, ຮັກສາມິດຕະພາບຄວາມສາມັກຄີ, ທັງມີ
ບັນຍາກາດຟົດຟື້ນ ແລະ ມ່ວນຊື່ນຮັບປະກັນຄວາມເປັນລະບຽບຮຽບຮ້ອຍໃນເວລາແຂ່ງຂັນ ຈຶ່ງຮຽກຮ້ອງໃຫ້ຄະນະຮັບຜິດຊອບ, ບັນດາອະນຸກຳມະການຕ່າງໆ,  ນັບທັງກຳມະການຕັດ
ສິນ ແລະ ນັກກິລາທຸກພາກສ່ວນຈົ່ງຊ່ວຍກັນຍົກສູງຄວາມຮັບຜິດຊອບ, ຕັ້ງໜ້າເອົາໃຈໃສ່ຈັດຕັ້ງປະຕິບັດໜ້າທີ່ຂອງຕົນດ້ວຍຄວາມຮັບຜິດຊອບສູງ, ມີຄຸນສົມບັດ, ມີຈັນຍາບັນ, ຄວາມ
ໂປ່ງໃສ ແລະ ຍຸຕິທຳ ຕາມກົດລະບຽບຂອງການແຂ່ງຂັນ.

ໂດຍ: ແຈັກກີ້ ສກຂ ຫຼວງພະບາງ.

ຮຽບຮຽງ : ອຳ​ໄພ​ວັນ