ສສກ ​ລົງຕິດຕາມ​ຊຸກຍູ້ວຽກງານ 4 ບຸກທະລຸ, 3 ລັກສະນະ ແລະ 5 ຫຼັກມູນຂອງຂະແໜງການສຶກສາ-ກິລາ

ສຶກສາ

Written by Super User

ສສກ ​ລົງຕິດຕາມ​ຊຸກຍູ້ວຽກງານ 4 ບຸກທະລຸ, 3 ລັກສະນະ ແລະ 5 ຫຼັກມູນຂອງຂະແໜງການສຶກສາ-ກິລາ

     

27835499 1318276694941146 228247238 o  ຫ້ອງການ​ຄະນະ​ພັກ ກະຊວງ​ສຶກສາ​ທິການ ​ແລະ ກິລາ (ສສກ) ​ໄດ້​ລົງຕິດຕາມ​ຊຸກຍູ້ວຽກງານ 4 ບຸກທະລຸ, 3 ລັກສະນະ ແລະ 5ຫຼັກມູນຂອງ
ຂະແໜງການສຶກສາ ແລະ ກິລາ  ເພື່ອ​ເກັບກໍາຂໍ້ມູນໃນການຈັດຕັ້ງປະບັດວຽກງານດັ່ງກ່າວ ໃຫ້ສະມາຊິກພັກ, ພະນັກງານ, ຄູ-ອາຈານ, ນັກຮຽນ
ແລະ ມະຫາຊົນທົ່ວໄປໃນໄລຍະຜ່ານມາ  ​ໃຫ້ມີ​ແຜນການຈັດຕັ້ງປະຕິບັດໃນຕໍ່ໜ້າ  ຕາມແນວທາງນະໂຍບາຍ ແລະ ແຜນນະໂຍບາຍການສຶກສາ
ແລະ ກິລາ ກໍ່ຄືວຽກງານຈຸດສຸມທີ່ວາງອອກ ເພື່ອສ້າງບາດກ້າວບຸກທະລຸໃນການພັດທະນາຊັບພະຍາກອນມະນຸດ ແນໃສ່ເຮັດໃຫ້ປະເທດເຮົາຫຼຸດ
ພົ້ນອອກຈາກຄວາມດ້ອຍພັດທະນາ ໃນປີ 2020.

​​   ໃນລະຫວ່າງ​ວັນ​ທີ 7-8 ກຸມພາ ຜ່ານ​ມາ ທີ່​ຫ້ອງ​ປະຊຸມ​ພະ​ແນ​ກສຶກສາ​ທິການ  ​ແລະ  ກິລາ​ແຂວງ​ຈໍາປາ​ສັກ ​​ໄດ້​ຈັດ​ກອງ​ປະຊຸມການ​ຕິດຕາມ
ວຽກງານ 4 ບຸກທະລຸ, 3 ລັກສະນະ ແລະ 5 ຫຼັກມູນຂອງຂະແໜງການສຶກສາ ແລະ ກິລາ, ໂດຍມີ ​ສະຫາຍ ປອ. ສໍາລານ ພັນ​ຄະ​ວົງຄະນະ​ພັກ
​ກະຊວງ, ຮອງ​ຫົວໜ້າ​ຫ້ອງການ​ຄະນະ​ພັກ​ ກະຊວງ​ສຶກສາ​ທິການ ​ແລະ ກິລາ ແລະ ສະຫາຍ ບຸນ​ຈັນ ບຸດ​ຊາວ​ດອນ ຄະນະ​ປະ​ຈໍາ​ພັກ​ຮາກ​ຖານ , ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​
ແຂວງ​ຈໍາປາ​ສັກ ພ້ອມ​ດ້ວຍ​ທີ​ມງານຫ້ອງການ​ຄະນະ​ພັກ ກະຊວງ​ ສສກ ​ແລະ ພະນັກງານຈາກ​ພາກສ່ວນ​ທີ່​ກ່ຽວຂ້ອງ​ເຂົ້າ​ຮ່ວມ.

​      ໂອກາດດັ່ງ​ກ່າວ, ສະຫາຍ ສໍາ​ລານ ພັນ​ຄະ​ວົງ ​ກ່າວ​ໃຫ້​ຮູ້​ວ່າ: ການ​ລົງ​ຕິດຕາມວຽກ​ງານ​ຄັ້ງ​ນີ້, ກໍ່ເພື່ອຕິດຕາມຊຸກຍູ້ໃນການຈັດຕັ້ງປະບັດວຽກງານ 4 ບຸກທະລຸ, 3 ລັກສະນະ ແລະ 5 ຫຼັກ
ມູນ ຂອງຂະແໜງການສຶກສາ ແລະ ກິລາ ໃຫ້ສະມາຊິກພັກ, ພະນັກງານ-ຄູອາຈານ, ນັກຮຽນ ແລະ ມະຫາຊົນທົ່ວໄປ ໃນໄລຍະຜ່ານມາ ​ໃຫ້​ມີແຜນການຈັດຕັ້ງປະຕິບັດໃນຕໍ່ໜ້າຕາມແນວທາງ
ນະໂຍບາຍ ແລະ ແຜນນະໂຍບາຍການສຶກສາ ແລະ ກິລາ ກໍ່ຄືວຽກງານຈຸດສຸມທີ່ວາງອອກ ເພື່ອສ້າງບາດກ້າວບຸກທະລຸ ໃນການພັດທະນາຊັບພະຍາກອນມະນຸດແນໃສ່ເຮັດໃຫ້ປະເທດເຮົາຫຼຸດ
ພົ້ນອອກຈາກຄວາມດ້ອຍພັດທະນາໃນປີ 2020. ພ້ອມ​ດຽວ​ກັນ, ກໍ່​ເພື່ອເປັນການອ້າງອີງ ແລະ ທິດທາງສໍາລັບຜູ້ບໍລິຫານການສຶກສາ,ຄູ-ອາຈານ,ນັກພັດທະນາຫຼັກສູດ,ນັກຄົ້ນຄ້ວາ ແລະ ພາກ
ສ່ວນທີ່ກ່ຽວຂ້ອງ ເພື່ອນໍາໄປປັບປຸງເອກະສານຕ່າງໆກ່ຽວກັບຕົວຊີ້ບອກ, ມາດຕະຖານຂອງສະຖາບັນການສຶກສາຕ່າງໆ ແລະ ການຈັດຕັ້ງການຮຽນ-ການສອນໃຫ້ແທດເໝາະກັບຕົວຈິງໃນປະ
ຈຸບັນ ພ້ອມ​ທັງເປັນບ່ອນອີງໃນການວາງແຜນ ພັດທະນາ, ການເລືອກບຸກຄົນ ແລະ ການຈັດຕັ້ງດີເດັ່ນໃນການປະຕິບັດວຽກງານແຕ່ລະສົກຮຽນ.

      ສ່ວນ​ເປົ້າ​ໝາຍ​ການ​ລົງ​ຕິດຕາມ​ ​ແມ່ນພະ​ແນ​ກສຶກສາ​ທິການ ​ແລະ ກິລາ ​ໃນ 18 ​ແຂວງ​ທົ່ວ​ປະ​ເທດ ແລະ ສະຖານທີ່​ລົງຕິດຕາມ ​ແມ່ນບັນດາ​ພະ​ແນ​ກສຶກສາ​​ທິການ ​ແລະ ກິລາ​ແຂວງໃນ
​ນັ້ນ, ​ໄດ້​ແບ່ງ​ອອກ​ເປັນ 3 ກຸ່ມ, ເຊິ່ງເນື້ອ​ໃນ ​ແລະ ເຄື່ອງມືລົງເກັບກໍາ ປະກອບ​ມີ: ຄໍາຖາມເຈາະຈີ້ມແລະຕາຕະລາງເກັບກໍາຂໍ້ມູນກ່ຽວກັບການຈັດຕັ້ງ ປະຕິບັດວຽກງານ 4 ບຸກທະລຸ, 3 ລັກ
ສະນະ ແລະ 5 ຫຼັກມູນຂອງຂະແໜງການສຶກສາ ແລະ ກິລາ, ບົດລາຍງານການຈັດຕັ້ງປະຕິບັດວຽກງານ 4 ບຸກທະລຸ, 3 ລັກສະນະ ແລະ  5  ຫຼັກມູນຂອງຂະແໜງການສຶກສາ ແລະ  ກິລາ
ຂອງແຕ່ລະພະ​ແນ​ກສຶກສາ​ແຂວງໃນໄລຍະຜ່ານມາ.ສໍາລັບການລົງຕິດຕາມຊຸດຍູ້ໃນຄັ້ງນີ້ ​​ແມ່ນ​ຈະໄດ້​ດໍາ​ເນີນ​ເປັນ​ໄລຍະ​ເວລາ 13 ວັນ ລະຫວ່າງ 5-17 ກຸມພາ 2018 ປະກອບ​ມີ 6 ​ແຂວງ ຄື:
​ແຂວງ​ຄໍາ​ມ່ວນ, ຈໍາປາ​ສັກ, ສະຫວັນ​ນະ​ເຂດ, ​ເຊ​ກອງ, ສາລະ​ວັນ ​ແລະ ​ແຂວງອັດ​ຕະປື.