ຊຽງຂວາງ ເຝິກອົບຮົມວຽກຄຸ້ມຄອງບໍລິຫານການເງິນ ແລະ ປັບປຸງແຜນງົບປະມານ ກຽມຮອງຮັບກິລາແຫ່ງຊາດ ຄັ້ງທີ XI

ສຶກສາ

Written by Super User

ຊຽງຂວາງ ເຝິກອົບຮົມວຽກຄຸ້ມຄອງບໍລິຫານການເງິນ ແລະ ປັບປຸງແຜນງົບປະມານ ກຽມຮອງຮັບກິລາແຫ່ງຊາດ ຄັ້ງທີ XI

27787510 1318276434941172 886617614 o   ກອງປະຊຸມເຝິກອົບຮົມການຄຸ້ມຄອງບໍລິຫານການເງິນ ແລະ ປັບປຸງແຜນງົບປະມານຂອງແຕ່ລະກໍາມະການ ເພື່ອກະກຽມຮັບໃຊ້ໃນ
ງານມະຫາກໍາກິລາແຫ່ງຊາດ ຄັ້ງທີ XI ທີ່ແຂວງຊຽງຂວາງ ເປັນເຈົ້າພາບ ຈັດຂຶ້ນໃນວັນທີ 6 ກຸມພາ 2018  ທີ່ຫ້ອງປະຊຸມພະແນກສຶກ
ສາທິການ ແລະ ກິລາແຂວງຊຽງຂວາງ, ພາຍໃຕ້ການເປັນປະທານຮ່ວມຂອງທ່ານ ບົວສອນ ສີນວນທອງ ຮອງເຈົ້າແຂວງຊຽງຂວາງແລະ
ທ່ານ ບົວລານ ສິລິປັນຍາ ຮອງລັດຖະມົນຕີກະຊວງສຶກສາທິການ ແລະ ກິລາ, ມີຜູ້ຊ່ວຍລັດຖະມົນຕີ, ຫົວໜ້າ-ຮອງຫົວໜ້າກົມທີ່ກ່ຽວ
ຂ້ອງ, ຫົວໜ້າພະແນກການທີ່ກ່ຽວຂ້ອງອ້ອມຂ້າງແຂວງ ຕະຫຼອດຮອດກໍາມະການຝ່າຍຕ່າງໆເຂົ້າຮ່ວມຢ່າງພ້ອມພຽງ.

      ໂອກາດນີ້, ທ່ານ ທອງສີ ພັນທະວົງ ຮອງຫົວໜ້າພະແນກສຶກສາທິການ ແລະ ກິລາແຂວງ ທັງເປັນ ຄະນະກໍາມະການກອງເລຂາ, ຫົວໜ້າອະນຸກໍາມະການດ້ານເນື້ອໃນ ງານມະຫາ
ກໍາກິລາແຫ່ງຊາດ ຄັ້ງທີ XI ໄດ້ລາຍງານຈຸດປະສົງເປົ້າໝາຍຂອງກອງປະຊຸມ ແມ່ນເພື່ອໃຫ້ກໍາມະການທີ່ກ່ຽວຂ້ອງທີ່ເຂົ້າຮ່ວມຮັບຮູ້ ແລະ ເຂົ້າໃຈເຖິງສິດ,ໜ້າທີ່,ພາລະບົດບາດ,ຄວາມ
ຮັບຜິດຊອບ, ແບບແຜນວິທີເຮັດວຽກ ແລະ ຮູບແບບການບໍລິຫານຈັດການຕ່າງໆ, ໂດຍສະເພາະຄວາມຮູ້ພື້ນຖານວຽກງານການເງິນ, ງົບປະມານຂອງລັດ, ວິທີຕິດຕາມຈົດກ່າຍບັນຊີ
ດ້ານການເງິນ, ການແນະນໍາແບບຟອມຕິດຕາມ ແລະ ກໍາກັບການປະຕິບັດໜ້າທີ່ຂອງບຸຄະລະກອນ, ລະບົບການລາຍງານວຽກ,ຄົ້ນຄວ້າສົນທະນາແຜນງົບປະມານຂອງກໍາມະການເປີດ
-ປິດ, ງົບປະມານຂອງກໍາມະການໂຄສະນາ-ຂ່າວສານ ແລະ ການນໍາເອົາແຜນງົບປະມານການເງິນຂອງແຕ່ລະກໍາມະການໄປປັບປຸງແກ້ໄຂ ໃຫ້ຖືກຕ້ອງ ແລະ ສອດຄ່ອງກັບລະບຽບຫຼັກ
ການຂອງການເງິນ. ພ້ອມນັ້ນ, ບັນດາຜູ້ແທນກອງປະຊຸມ ຍັງຈະໄດ້ຄົ້ນຄວ້າສົນທະນາ ແລະ ປຶກສາຫາລືກ່ຽວກັບການຈັດຕັ້ງປະຕິບັດການຄຸ້ມຄອງບໍລິຫານວຽກງານການເງິນຂອງແຕ່
ລະກໍາມະການ ໃຫ້ເຂົ້າກັບເພດານງົບປະມານ ທີ່ລັດຖະບານໄດ້ອະນຸມັດ.

     ໂອກາດດຽວກັນ, ທ່ານ ບົວສອນ ສີນວນທອງ ໄດ້ມີຄໍາຄິດຄໍາເຫັນ ພ້ອມທັງລາຍງານໂດຍຫຍໍ້ກ່ຽວກັບພື້ນຖານໂຄງລ່າງໃນການກະກຽມຄວາມພ້ອມດ້ານຕ່າງໆ ໃຫ້ແກ່ງານມະຫາ
ກໍາກິລາແຫ່ງຊາດ ຄັ້ງທີ XI ມາຮອດປະຈຸບັນມີຄວາມຄືບໜ້າຫຼາຍດ້ານ ເປັນຕົ້ນສະໜາມກິລາເປີດ-ປິດ ສໍາເລັດແລ້ວ 75 ເປີເຊັນ ຄາດວ່າຈະໃຫ້ສໍາເລັດ 100 ເປີເຊັນ ໃນເດືອນພຶດສະ
ພາ 2018. ສ່ວນສະໜາມກິລາໂບລິ້ງ ສໍາເລັດແລ້ວ 100 ເປີເຊັນ, ສະ   ໜາມກ໊ອຟ ສໍາເລັດ 95 ເປີເຊັນ, ສະໜາມບານສົ່ງໃນຮົ່ມ ສໍາເລັດ 74 ເປີເຊັນ, ສະໜາມເປຕັງໃນຮົ່ມ ສໍາເລັດ
74 ເປີເຊັນ, ສະໜາມຍິງປືນ ສໍາເລັດ 45 ເປີເຊັນ, ສະໜາມກິລາມວຍລາຍລາວ-ມວຍສາກົນ ກໍາລັງຈະລົງມືກໍ່ສ້າງ ເພາະມີສະຖານທີ່ຮອງຮັບໄວ້ແລ້ວ. ນອກນັ້ນ,ສະໜາມກິລາບາງປະ
ເພດກໍ່ກໍາລັງສໍາຫຼວດອອກແບບ ແລະ ເລີ່ມລົງມືກໍ່ສ້າງເຊັ່ນດຽວກັນ ແລະ ຄາດວ່າຈະໃຫ້ສໍາເລັດໃນໄວໆນີ້. ສໍາລັບຮ້ານອາຫານ, ສະຖານທີ່ພັກເຊົາຂອງຄູເຝິກ, ນັກກິລາ ແລະແຂກລະ
ດັບຕ່າງໆ ຄາດວ່າຈະພຽງພໍ, ສ່ວນຖະໜົນຫົນທາງເຂົ້າສູ່ສະໜາມກິລາເປີດ-ປິດ ກໍາລັງດໍາເນີນການກໍ່ສ້າງ ຄາດວ່າຈະໃຫ້ສໍາເລັດໃນໄວໆນີ້. ນອກຈາກນີ້, ວຽກງານອື່ນໆທີ່ປິ່ນອ້ອມ ກໍ່
ໄດ້ເລັ່ງລົງມືປະຕິບັດຢ່າງເປັນລະບົບຕໍ່ເນື່ອງ ເພື່ອໃຫ້ທັນຕາມກໍານົດເວລາ.

      ຂະນະດຽວກັນ, ທ່ານ ບົວລານ ສິລິປັນຍາ ໄດ້ເນັ້ນໜັກໃຫ້ການຈັດງານມະຫາກໍາກິລາແຫ່ງຊາດ ຄັ້ງທີ XI ທີ່ແຂວງຊຽງຂວາງ ເປັນເຈົ້າພາບ ຈົ່ງເປັນແບບຢ່າງທີ່ດີໃຫ້ແກ່ການຈັດ
ງານມະຫາກໍາກິລາແຫ່ງຊາດຄັ້ງຕໍ່ໄປ ໂດຍຖືເອົາດ້ານເນື້ອໃນເປັນຕົ້ນຕໍ ແລະ ນໍາໃຊ້ງົບປະມານຢ່າງປະຢັດມັດທະຍັດ. ພ້ອມດຽວກັນນັ້ນ,ກໍ່ໃຫ້ເອົາໃຈໃສ່ 4 ບັນຫາຄື:ທັດສະນະຄວາມ
ເອກະພາບ, ຄວາມເຂົ້າໃຈ ແລະ ປະຢັດມັດທະຍັດ ເພື່ອເຮັດແນວໃດໃຫ້ງານອອກມາມີປະສິດທິຜົນ ແລະ ມີຜົນສໍາເລັດ. ຄຽງຄູ່ກັນນັ້ນ, ທ່ານຍັງໄດ້ຮຽກຮ້ອງໃຫ້ບັນດາກໍາມະການທີ່
ຮັຍຜິດຊອບແຕ່ລະໜ້າວຽກ ຈົ່ງພ້ອມກັນເອົາໃຈໃສ່ເຮັດໜ້າທີ່ດ້ວຍຄວາມຮັບຜິດຊອບສູງ, ມີລະບົບແບບແຜນວິທີເຮັດວຽກທີ່ລະອຽດຈະແຈ້ງ, ໂປ່ງໃສ ສາມາດກວດສອບໄດ້ ພ້ອມ
ກັນສົນທະນາແລກປ່ຽນບົດຮຽນຢ່າງກົງໄປກົງມາໃຫ້ເອກະພາບກັນ ເພື່ອເຮັດແນວໃດໃຫ້ກອງປະຊຸມດໍາເນີນໄປມີຜົນສໍາເລັດ ແລະ ໄດ້ຮັບຜົນດີ.

ສຳລັບກອງປະຊຸມຄັ້ງນີ້ ຈະໃຊ້ເວລາທັງໝົດ 4 ວັນ ລະຫວ່າງວັນທີ 6-9 ກຸມພາ 2018 ຈຶ່ງຈະສໍາເລັດລົງ.

( ໂດຍ: ຄານສີສະຫວັນ ພົງພັກດີ)