ສສກ-ອອສເຕຣເລຍ ປະຊຸມຄະນະຊີ້ນໍາການຈັດຕັ້ງປະຕິບັດແຜນງານ ຄັ້ງທີ 5

ສຶກສາ

Written by Super User

ສສກ-ອອສເຕຣເລຍ ປະຊຸມຄະນະຊີ້ນໍາການຈັດຕັ້ງປະຕິບັດແຜນງານ ຄັ້ງທີ 5

27846351 1318276191607863 2013674118 o   ກະຊວງສຶກສາທິການ ແລະ ກິລາ ສປປ ລາວ ແລະ ລັດຖະບານອອສເຕຣເລຍ ຈັດກອງປະຊຸມຄະນະຊີ້ນໍາການຈັດຕັ້ງປະຕິບັດແຜນງານ
ຄັ້ງທີ 5 ເມື່ອບໍ່ດົນມານີ້ ທີ່ຫ້ອງປະຊຸມໂຮງແຮມຄຣາວພລາຊານະຄອນຫຼວງວຽງຈັນໂດຍການເປັນປະທານຮ່ວມຂອງທ່ານ ນາງ ແສງເດືອນ
ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະ ກະລາ ແລະ ທ່ານ ແອນເດຣດ ຊໍບັກ ຮອງເອກອັກຄະຣາຊະທູດອອສເຕຣເລຍປະ
ຈໍາສປປ ລາວ, ມີຫົວໜ້າກົມ, ຄະນະຜູ້ຊ່ຽວຊານ, ຄະນະຜູ້ຮັບຜິດຊອບວຽກງານທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ.

   ໂອກາດດັ່ງກ່າວ,ທ່ານ ນາງ ແສງເດືອນ ຫຼ້າຈັນທະບູນ ໄດ້ກ່າວໃຫ້ຮູ້ວ່າ: ສປປ ລາວ ກໍ່ຄືຂະ ແໜງການພາກລັດມີບົດບາດສຳຄັນໃນການ
ວາງແຜນພັດທະນາຊັບພະຍາກອນມະນຸດ ແລະ ພວກເຮົາກໍ່ຫວັງເປັນຢ່າງຍິ່ງວ່າ ການສະໜັບສະໜູນຈາກແຜນງານລາວ-ອອສເຕຣເລຍ ຈະຊ່ວຍສ້າງຂີດຄວາມສາມາດ ແລະ ຄວາມເຂັ້ມ
ແຂງໃຫ້ແກ່ບຸຄະລາກອນພາກລັດໃນໜ້າວຽກຕ່າງໆຈາກການຈັດຕັ້ງປະຕິບັດບັນດາກິດຈະກຳຂອງແຜນງານນີ້. ການຊ່ວຍເຫຼືອຂອງແຜນງານສະຖາບັນລາວ-ອອສເຕຣເລຍນີ້, ລັດຖະບານ
ອອສເຕຣເລຍ ໄດ້ເຫັນເຖິງຄວາມສຳຄັນຂອງການພັດທະນາຊັບພະຍາກອນມະນຸດ ທີ່ເປັນພື້ນຖານໃນການພັດທະນາ ສປປ ລາວ ແລະ ໄດ້ສືບຕໍ່ໃຫ້ການສະໜັບສະໜູນຫຼາຍດ້ານ  ເປັນ
ຕົ້ນແມ່ນສະໜອງທຶນການສຶກສາໄລຍະຍາວຢູ່ປະເທດອອສເຕຣເລຍ ທີ່ມີບົດບາດສຳຄັນ ແລະ ເປັນກິດຈະກຳຫຼັກ; ສະໜອງທຶນການສຶກສາຮຽນພາຍໃນປະເທດ ເຊັ່ນ:ໂຄງການ LANS ທີ່ສະໜອງທຶນການສຶກສາໃຫ້ກັບນັກສຶກສາຜູ້ດ້ອຍໂອກາດ ໃຫ້ໄດ້ຮຽນໃນມະຫາວິທະຍາໄລແຫ່ງຊາດ ແລະ ມະຫາວິທະຍາໄລສຸພານຸວົງ ແລະ ສະໜອງການເຝິກອົບຮົມຕາມຂີດຄວາມ
ສາມາດ (Competency Based Training) ໃຫ້ແກ່ພະນັກງານລັດຂອງ 2 ກະຊວງຄື: ກະຊວງພາຍໃນ ແລະ ກະຊວງສຶກສາທິການ ແລະ ກິລາ,ເຊິ່ງມີຈຸດປະສົງເພື່ອຍົກລະດັບການ
ຄຸ້ມຄອງບໍລິຫານບຸຄະລາກອນຂອງລັດ.

       ການເຝິກອົບຮົມດັ່ງກ່າວ, ໄດ້ສ້າງພະນັກງານລັດໃຫ້ມີທັກສະເປັນມືອາຊີບໃນການປະຕິບັດໜ້າທີ່, ມີຄວາມເຊື່ອໝັ້ນໃນຕົນເອງສູງຂຶ້ນ ແລະ ມີຄວາມໜັກແໜ້ນຕໍ່ລະບຽບການໃນ
ການບໍລິການແກ່ສາທາລະນະຊົນ. ຄຽງຄູ່ກັບການປະຕິບັດແຜນງານນີ້, ກໍ່ຍັງເຫັນໄດ້ເຖິງຄວາມເອົາໃຈໃສ່ຂອງລັດຖະບານອອສເຕຣເລຍ ໃນການຍົກລະດັບຂີດຄວາມສາມາດໃຫ້ແກ່ນັກ
ວິຊາການຈາກພາກລັດ ແລະ ເອກະຊົນ ໂດຍໄດ້ໃຫ້ທຶນການເຝິກອົບຮົມເພີ່ມເຕີມແກ່ແມ່ຍິງ 15 ຄົນ ໃນປະເທດອອສເຕຣເລຍ,ເຝິກອົບຮົມການກຽມຄວາມພ້ອມເພື່ອການມີວຽກເຮັດ
ງານທຳ ໃຫ້ແກ່ອະດີດນັກສຶກສາ LANS ຈຳນວນ 28 ຄົນ ແລະ ການເຝິກອົບຮົມເພື່ອສົ່ງເສີມພາວະການເປັນຜູ້ນຳໃຫ້ອະດີດນັກສຶກສາອອສເຕຣເລຍ 25 ຄົນ ພາຍໃນ ສປປ ລາວ ໃນ
ປີ 2017, ເຊິ່ງເຫັນວ່າການລົງທຶນເຫຼົ່ານີ້, ເປັນການສ້າງຊັບພະຍາກອນມະນຸດທີ່ຄຸ້ມຄ່າ ແລະ ມີຜົນກະທົບດ້ານບວກຕໍ່ການພັດທະນາເສດຖະກິດ-ສັງຄົມ ທີ່ຍືນຍົງເພາະເຂົາເຈົ້າເຫຼົ່ານີ້ຈະ
ເປັນແຮງຂັບເຄື່ອນການພັດທະນາໄປສູ່ສິ່ງໃໝ່ໆທີ່ເປັນປະໂຫຍດແກ່ ສປປ ລາວ.

      ກອງປະຊຸມຄັ້ງນີ້, ຜູ້ເຂົ້າຮ່ວມກອງປະຊຸມໄດ້ຮັບຟັງການລາຍງານການຈັດຕັ້ງປະຕິບັດແຜນງານປະຈຳປີ 2017,​  ພິຈາລະນາຮັບຮອງເອົາແຜນຈັດຕັ້ງປະຕິບັດ ປະຈຳປີ 2018 ແລະ ປະກອບຄຳຄິດເຫັນຢ່າງສ້າງສັນ ເພື່ອເຮັດແນວໃດໃຫ້ການຈັດຕັ້ງປະຕິບັດແຜນງານດັ່ງກ່າວເກີດປະໂຫຍດສູງສຸດ ຕໍ່ການພັດທະນາຊັບພະຍາກອນມະນຸດຂອງ ສປປ ລາວ ກໍ່ຄືທິດບຸກທະ
ລຸດ້ານຊັບພະຍາກອນມະນຸດຂອງລັດຖະບານ ທີ່ໄດ້ກຳນົດໄວ້ໃນຍຸດທະສາດພັດທະນາຊັບ ພະຍາກອນມະນຸດ ຮອດປີ 2025.

(ບຸນທະວີ)