ວລ ສັບພະ​ວິຊາ ຮ່ວມມືກັບ Space Eye ​ຍົກ​ລະດັບບຸຄະລາກອນ

ສຶກສາ

Written by Super User

ວລ ສັບພະ​ວິຊາ ຮ່ວມມືກັບ Space Eye ​ຍົກ​ລະດັບບຸຄະລາກອນ

28033487 1322609424507873 882949590 o   ວິທະຍາໄລ (ວລ) ເຕັກນິກສັບພະວິຊາ ຮ່ວມ​ກັບ ບໍລິສັດ Space Eye Lao sole ຈໍາກັດ ພ້ອມ​ກັນ​ຍົກ​ລະດັບ​ບຸ​ຄະລາ​ກອນ ​ໃຫ້​ມີ​ມາດຕະຖານ ​ແລະ ຄຸ​ນະພາ​ບທີ່​ດີ​ຂຶ້ນ ເພື່ອແນໃສ່ການສົ່ງເສີມການຮ່ວມມືດ້ານວິຊາການໃນຂະແໜງການວິທະຍາສາດອຸປະກອນເຕັກນິກ ແລະ ນະວັດຕະກໍາໃໝ່ ​ແລະ ​ການພັດທະນາບຸຄະລາກອນໃນຂະ​ແໜງ ໃຫ້ມີຄວາມຮູ້ຄວາມສາມາດ ແລະ ຄວາມຊໍານານງານຂັ້ນສູງ.ພິທີລົງນາມການຮ່ວມມືຄັ້ງນີ້ ໄດ້ຈັດຂຶ້ນວັນທີ 8 ກຸມພາ ຜ່ານ​ມາ ທີ່ວິທະຍາໄລເຕັກນິກສັບພະວິຊາ ​ລະຫວ່າງ ທ່ານ ບຸນຖະໜອນ ສຸລິຍາວົງ ຮອງຜູ້ອໍານວຍການວິທະຍາໄລ ເຕັກນິກສັບພະວິຊາ ແລະ ທ່ານHongyuan ZHANG ຜູ້ອໍານວຍການບໍລິສັດ Space Eye Lao sole ຈໍາກັດ, ໂດຍມີ ທ່ານ ໜູພັນ ອຸດສາ ຫົວໜ້າກົມອາຊີວະສຶກສາ ກະຊວງສຶກສາທິການ ແລະ ກີລາ, ທ່ານ ພົງສະຫວັດ ອ້ວນປໍມະນີ ຜູ້ອໍານວຍການວິທະຍາໄລເຕັກນິກສັບພະວິຊາ, ທ່ານ Xiao yang CHENG ປະທານບໍລິສັດ Space Eye Lao sole ຈໍາກັດພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

​ໂອກ​າດກັ່ງ​ກ່າວ, ທ່ານພົງສະຫວັດ ອ້ວນປໍມະນີ ກໍ່​ໄດ້​ກ່າວ​ໃຫ້​ຊາບ​ວ່າ: ວິທະຍາໄລເຕັກນິກສັບພະວິຊາ ຮ່ວມ​ກັບ ບໍລິສັດ Space Eye Lao sole ຈໍາກັດ ພ້ອມລົງນາມບົດບັນທຶກການຄວາມເຂົ້າໃຈວ່າດ້ວຍການຮ່ວມມືດ້ານວິຊາການ ເພື່ອແນໃສ່ການສົ່ງເສີມການຮ່ວມມືດ້ານວິຊາການໃນຂະແໜງການວິທະຍາສາດອຸປະກອນເຕັກນິກ ແລະ ນະວັດຕະກໍາໃໝ່ ໂດຍສະເພາະການແລກປ່ຽນບົດຮຽນເຊິ່ງກັນແລະກັນ ເປັນຕົ້ນການເຝິກອົບຮົມບຸຄະລາກອນການບໍາລຸງ-ສ້ອມແປງອຸປະກອນການສໍາຫຼວດສ້າງຄວາມສາມາດໃຫ້ຄູ-ອາຈານ ແລະ ຈັດສະຖານທີ່ເຝິກງານ ໃຫ້ນັກສຶກໃນຂະແໜງການກ່ຽວຂ້ອງຢູ່ບໍລິສັດ Space Eye Lao sole ຈໍາກັດເຊິ່ງເປັນຜົນດີໃຫ້ວິທະຍາໄລເຕັກນິກສັບພະວິຊາ ແລະ ບໍລິສັດ Space Eye Lao sole ຈໍາກັດ ເພື່ອຮ່ວມກັນໃນການພັດທະນາບຸຄະລາກອນໃນຂະແໜງດັ່ງກ່າວ ໃຫ້ມີຄວາມຮູ້ຄວາມສາມາດ ແລະ ຄວາມຊໍານານງານຂັ້ນສູງ.

ສຳລັບການຮ່ວມມືຄັ້ງນີ້ ມີໄລຍະເວລາ 5 ປີນັບແຕ່ມືລົງລາຍເຊັນເປັນຕົ້ນໄປ ບໍລິສັດຈະຊ່ວຍເຫຼືອໃນການບໍາລຸງ ແລະ ສ້ອມແປງອຸປະກອນການສໍາຫຼວດ-ວັດແທກທີ່ເປ່ເພຂອງວິທະຍາໄລເຕັກນິກສັບພະວິຊາ, ຊ່ວຍເຫຼືອໃນດ້ານຍົກລະດັບ ແລະ ຈັດເຝິກອົບຮົມດ້ານວິຊາການກ່ຽວກັບການວັດແທກ ແລະ ແຜນທີ່ ໃຫ້ຄູ-ອາຈານທີ່ກ່ຽວຂ້ອງຂອງວິທະຍາໄລເຕັກນິກສັບພະວິຊາ ​ແລະ ຮັບນັກສຶກສາວິຂອງທະຍາໄລເຕັກນິກສັບພະວິຊາເຝິກງານຕົວຈິງ 20 ຄົນຕໍ່ປີ.ສໍາລັບວິທະຍາໄລເຕັກນິກສັບພະວິຊາ ຈະຊ່ວຍໂຄສະນາປະຊາສໍາພັນການນໍາໃຊ້ອຸປະກອນສໍາຫຼວດ-ວັດແທກໃຫ້ນັກຮຽນ-ນັກສຶກສາ ແລະ ຜູ້ປະກອບການອື່ນໆ ຮ່ວມມືກັນຄົ້ນຄວ້າເຕັກນິກວິທະຍາສາດດ້ານການສໍາຫຼວດວັດແທກແລະສ້າງແຜນທີ່.

ອຳ​ໄພ​ວັນ