ລັດຖະມົນຕີ ສສກ ຕ້ອນຮັບ ຄະນະຜູ້ແທນສະມາຄົມໄຊຕະມະ ປະເທດຍີ່ປຸ່ນ

ສຶກສາ

Written by Super User

ລັດຖະມົນຕີ ສສກ ຕ້ອນຮັບ ຄະນະຜູ້ແທນສະມາຄົມໄຊຕະມະ ປະເທດຍີ່ປຸ່ນ

28033238 1322609311174551 789711778 o   ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີ ກະຊວງສຶກສາທິການ ແລະ ກິລາ ໄດ້ໃຫ້ກຽດຕ້ອນຮັບການເຂົ້າຢ້ຽມຄຳນັບ ຂອງຄະນະຜູ້ແທນສະມາຄົມມິດຕະພາບ ໄຊຕະມະ ປະ​ເທດ​ຍີ່ປຸ່ນ ນໍາໂດຍ ທ່ານ ສາສາກິ ທາໂຣ ປະທານສະມາຄົມການ​ສ້າງ​ສະພາບ​ແວດລ້ອມ ລະຫວ່າງ​ປະ​ເທດ ສະມາຄົມມິດຕະພາບ ໄຊຕະມະ ພ້ອມດ້ວຍຄະນະ ​ໂອກາດເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນວັນທີ 9 ກຸມພາ ຜ່ານມາ ທີ່ສໍານັກກະຊວງສຶກສາທິການ ແລະ ກິລາ, ມີບັນດາຮອງຫົວໜ້າກົມ ແລະ ພະນັກງານທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ.

 

      ການເຂົ້າຢ້ຽມຄໍານັບໃນຄັ້ງນີ້, ​ເພື່ອ​ປຶກສາ​ຫາລື​ການ​ຮ່ວມ​ມື ​ແລະ ​ການ​ລະ​ດົມ​ທຶນ​ຊ່ວຍ​ເຫຼືອ​ໃນ​ຂະ​ແໜງ​ການ​ສຶກສາ ​ແລະ ກິລາ ​ໂດຍ​ສະ​ເພາະ​ແມ່ນ​ທາງ​ດ້ານ​ອຸປະກອນ​ການ​ສຶກສາ ​ແລະ ກິລາ ​ໃຫ້​ເຂດ​ຫ່າງ​ໄກ​ສອກຫຼີກ​ທີ່​ຍັງ​ຂາດ​ເຂີນ​ອຸປະກອນ​ການ​ສຶກສາ​ຕ່າງໆ, ​ເຊິ່ງທາງຄະນະສະມາຄົມດັ່ງກ່າວ ​ແມ່ນ​ຈະ​ລະດົມ​ທຶນ​ຈາກ​ພາກສ່ວນ​ຕ່າງໆ ​ເພື່ອ​ເປັນ​ການ​ປະກອບສ່ວນ​ຊ່ວຍ​ເຫຼືອ​ໃນ​ຂະ​ແໜງ​ການ​ສຶກສາ ​ແລະ ກິລາ ​​ໃນ​ເຂດ​ຫ່າງ​ໄດ​ສອກຫຼີກ ​ແນໃສ່ເຮັດ​ໃຫ້​ນ້ອງນ້ອຍນັກຮຽນໃນເຂດ​ດັ່ງກ່າວ ໄດ້ຮັບໂອກາດດ້ານການສຶກສາຢ່າງເທົ່າທຽມກັນ ແລະ ດີຂຶ້ນກວ່າເກົ່າ.

      ໂອກາດດັ່ງກ່າວ, ທ່ານ ນາງ ແສງ​ເດືອນ ຫຼ້າຈັນທະບູນ ກໍ່ໄດ້ກ່າວວ່າ: ໃນນາມຕາງໜ້າໃຫ້ຄະນະນໍາກະຊວງ ສສກ ມີຄວາມດີໃຈຫຼາຍທີ່ການມາຢ້ຽມຢາມຂອງສະມາຄົມດັ່ງກ່າວ ແລະ ​ໃຫ້​ຄວາມ​ສໍາຄັນ​ໃນ​ຂະ​ແໜງ​ການ​ສຶກສາ ​ແລະ ກິລາ ​ໂດຍ​ສະ​ເພາະ​ໃນ​ເຂດ​ຫ່າງ​ໄກ​ສອກຫຼີກ, ​ເຊິ່ງຕະຫຼອດໄລຍະ 20 ປີ ຜ່ານມາ ທີ່ໄດ້ມີການຮ່ວມມືກັນນີ້, ເຫັນໄດ້ເຖິງຜົນງານຂອງສະມາຄົມມິດຕະພາບ ໄຊຕະມະ ຢ່າງຫຼວງຫຼາຍ ເປັນຕົ້ນແມ່ນໃນດ້ານການສຶກສາ, ສາທາລະນະສຸກ ແລະ ດ້ານທຸລະກິດຕ່າງໆ. ນອກຈາກນີ້, ຍັງສະແດງຄວາມຂອບໃຈທີ່ໄດ້ມາຊ່ວຍເຫຼືອ ແລະ ພ້ອມທີ່ຈະໃຫ້ການຮ່ວມມື ລະຫວ່າງ 2 ປະເທດຂະຫຍາຍຕົວຈາກການສຶກສາ, ສາທາລະນະສຸກ ໄປສູ່ຂົງເຂດວຽກງານອື່ນໆ ຕາມຄວາມສາມາດ ແລະ ຂອບໃຈທີມງານທຸກໆຄົນທີ່ມາຊ່ວຍວຽກງານກິລາໄດ້ເປັນປີທີ 3 ແລ້ວ.

​ໂດຍ: ນາງ ຕຸ່ນ​ຄໍາ