ສສກ ປະຊຸຸມ ຄະນະນໍາລັດບໍລິຫານລະດັບກະຊວງສະໄໝວິສາມັນ

ສຶກສາ

Written by Super User

ສສກ ປະຊຸຸມ ຄະນະນໍາລັດບໍລິຫານລະດັບກະຊວງ ສະໄໝວິສາມັນ

28233124 1328662883902527 1770546060 n     ກະຊວງສຶກສາທິການ ແລະ ກິລາ (ສສກ) ໄດ້ຈັດກອງປະຊຸມ ຄະນະນໍາລັດບໍລິຫານລະດັບ ກະຊວງສຶກສາທິການ ແລະ ກິລາ ສະໄໝວິສາມັນ ໃນວັນທີ 14 ກຸມພາ ຜ່ານມາ ທີ່ຫ້ອງປະຊຸມກະຊວງສຶກສາທິການ ແລະ ກິລາ, ໂດຍໃຫ້ກຽດເປັນປະທານຂອງ ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີ ກະຊວງສຶກສາທິການ ແລະ ກິລາ, ມີຄະນະລັດຖະມົນຕີ, ຫົວໜ້າ-ຮອງຫົວໜ້າຫ້ອງການ, ສູນ, ສະຖາບັນ, ມະຫາວິທະຍາໄລ, ວິທະຍາໄລ ແລະ ກົມກອງອ້ອມຂ້ອງກະຊວງເຂົ້າຮ່ວມຢ່າງພ້ອມພຽງ.

 

 

      ໂອກາດດັ່ງກ່າວ, ທ່ານ ນາງ ວຽງແກ້ວ ພົມມະວົງ ຫົວໜ້າກົມຈັດຕັ້ງ ແລະ ພະນັກງານ ກະຊວງ ສສກ ໄດ້ສືບຕໍ່ຜ່ານ (ຮ່າງ) ພາລະບົດບາດຂອງບັນດາກົມ, ສະຖາບັນ ແລະ ສູນ ທີ່ຍັງບໍ່ທັນສໍາເລັດ ໂດຍສະເພາະແມ່ນສິດ, ໜ້າທີ່, ຂອບເຂດ, ໂຄງປະກອບກົງຈັກການຈັດຕັ້ງ ແລະ ໂຄງປະກອບຂອງບຸຄະລາກອນ. ນອກຈາກນີ້, ຍັງໄດ້ຜ່ານກ່ຽວກັບການບັນຈຸສັບຊ້ອນພະນັກງານລັດຖະກອນຄູ ສົກປີ 2018 ເປັນຕົ້ນແມ່ນແຈ້ງການກ່ຽວກັບການແບ່ງຕົວເລກລັດຖະກອນ ໂດຍການຈັດລຽງບຸລິມະສິດຄູອາສາສະໝັກ ເພື່ອການຮັບ ແລະ ບັນຈຸລັດຖະກອນຄູ ແລະ ບໍລິຫານ ໃນຂະ  ແໜງການສຶກສາທິການ ແລະ ກິລາ ສົກປີ 2017-2018  ເພື່ອຮັບປະກັນການຮັບ ແລະ ບັນຈຸລັດຖະກອນບໍລິຫານ ແລະ ລັດຖະກອນຄູໃໝ່ຂອງຂະແໜງການສຶກສາທິການ ແລະ ກິລາ ສົກປີ 2017-2018 ໃຫ້ຖືກຕ້ອງຕາມລະບຽບການ, ຮັບປະກັນໃຫ້ມີຄຸນະພາບ, ມີຄວາມສະເໝີພາບ, ໂປ່ງໃສ, ຍຸຕິທໍາ ແລະ ຄັດເລືອກໄດ້ຜູ້ທີ່ຮຽນເກັ່ງ, ມີຄຸນສົມບັດດີ, ຮັກໃນວິຊາຊີບຄູຢ່າງແທ້ຈິງ ແລະ ສອດຄ່ອງກັບຄວາມຕ້ອງການຄູຕົວຈິງໃນແຕ່ລະຊັ້ນ, ແຕ່ລະສາຍ ແລະ ລາຍວິຊາທີ່ຍັງຂາດຄູ, ຫຼີກລ່ຽງການຈົ່ມວ່າຂອງສັງຄົມ ເພື່ອເຮັດໃຫ້ການບັນຈຸລັດຖະກອນໃໝ່ທີ່ມີຈໍານວນຈໍາກັດ ໃຫ້ຖືກຕ້ອງຕາມເປົ້າໝາຍ ແນໃສ່ການໃຫ້ບຸລິມະສິດແກ່ຄູອາສາສະໝັກທີ່ມີຈໍານວນຫຼາຍໃນທົ່ວປະເທດ.

      ພ້ອມກັນນັ້ນ, ທ່ານ ສຈ.ປອ ສົມສີ ຍໍພັນໄຊ ວ່າການອະທິການບໍດີມະຫາວິມະຍາໄລແຫ່ງຊາດ, ປະທານຄະນະບໍລິຫານງານສະຫະພັນກິລາມະຫາວິທະຍາໄລລາວ ໄດ້ຜ່ານ (ຮ່າງ) ຂໍ້ຕົກລົງວ່າດ້ວຍການແຕ່ງຕັ້ງຄະນະຮັບຜິດຊອບກໍາມະການກະກຽມການແຂ່ງຂັນກິລາມະຫາວິທະຍາໄລລາວ ຄັ້ງທີ 2 ທີ່ມີຫາວິມະຍາໄລຈໍາປາສັກ ເປັນເຈົ້າພາບ (10-21 ທັນວາ 2019)ຫຼັງຈາກນັ້ນ, ຜູ້ເຂົ້າຮ່ວມກອງປະຊຸມໄດ້ກອບປະຄໍາຄິດຄໍາເຫັນ ຕໍ່ວຽກງານດັ່ງກ່າວຢ່າງກົງໄປກົງມາ ເພື່ອເຮັດມີເນື້ອໃນຄົບຖ້ວນ ລະອຽດ ນໍາໄປສູ່ການຈັດຕັ້ງປະຕິບັດໃນຕໍ່ໜ້າໃຫ້ໄດຮັບໝາກຜົນສູງສຸດ.

(ບຸນທະວີ)