​ລາວ - ​ສ ເກົາຫຼີ ຫາລື​​ການນໍາ​ໃຊ້​ພາສາ​ເກົາຫຼີເຂົ້າໃນການຮຽນ-ການສອນວິຊາຊີບ

ສຶກສາ

Written by Super User

ລາວ - ​ ເກົາຫຼີ ຫາລື​​ການນໍາໃຊ້ພາສາເກົາຫຼີເຂົ້າໃນການຮຽນ-ການສອນວິຊາຊີບ

28696104 175241023097626 1664268642 o      ກະຊວງ​ສຶກສາ​ທິການ​ ​ແລະ ກິລາ ສປປ ລາວ ​ແລະ ສ ​ເກົາຫຼີ ​ໄດ້​ປຶກ​ສາ​ຫາລື​ກ່ຽວ​ກັບການ​ສຶກສາ​ຢູ່ ສ​ປປ ລາວ ​ແລະ ​ການ​ຍົກ​ສູງຄຸນະພາບ​ຂອງ​ແຮງ​ງານ​ລາວ ​ໂດຍ​ນໍາ​ໃຊ້​ພາສາ​ເກົາຫຼີ ​​ໃຊ້​ເຂົ້າ​ໃນ​ການ​ຮຽນ​-ການ​ສອນ ​ໃນ​ໂຮງຮຽນ​ເຕັກນິກ​ວິຊາ​ຊີບ.ໃນ​ວັນ​ທີ 2 ມີນາ ຜ່ານ​ມາ ທີ່​ສໍານັກງານ ​ກະຊວງ​ສຶກສາ​ທິການ ​ແລະ ກິລາ (ສສກ), ທ່ານ ນາງ ​ແສງ​ເດືອນ ຫຼ້າ​ຈັນທະ​ບູນ ລັດຖະມົນຕີ​ ກະຊວງ​ສຶກສາທິການ ​ແລະ ກິລາ ​ໄດ້​ໃຫ້​ກຽດ​ຕ້ອນຮັບ​ການ​ເຂົ້າ​ພົບ​ປະ​ຂອງ​ທ່ານ ຊິງ ຊັງ ຊູນ ​ເອກ​ອັກຄະ​ລັດຖະທູ​ດ ​ແຫ່ງ ສ ​ເກົາຫຼີ ປະ​ຈໍ​າ ສປປ ລາວ, ພ້ອມ​ດ້ວຍ​ຄະນະ, ​ມີ​ຮອງ​ຫົວໜ້າ​ຫ້ອງການ, ກົມ ​ແລະ ຜູ້​ຮັບຜິດຊອບ​ວຽກ​ງານ​ກ່ຽວ​ຂ້ອງ​ເຂົ້າ​ຮ່ວມຢ່າງ​ພ້ອມພຽງ.

      ການ​ເຂົ້າພົບ​ປະ​ໃນ​ຄັ້ງນີ້, ​ແມ່ນ​ເພື່ອ​ເຂົ້າ​ລາຍ​ງານ​ຕົວ​ເນື່ອງໃນໂອກາດ​ໄດ້​ຮັບ​ຕໍາ​ແໜ່​ງ​ໃໝ່ ທັງ​ເປັນ​ການ​ເສີ​ມຂະ​ຫຍາ​ຍທາງ​ດ້ານ MOU ລະຫວ່າງ 2 ກະຊວງສຶກສາ​ຂອງ 2 ປະ​ເທດ ລາວ​ ​ແລະ ສ ​ເກົາຫຼີ ທີ່​ໄດ້​ມີ​ການ​ຮ່ວມ​ລົງ​ນາມ​ໃນ​​ເດືອນພະຈິກ 2017. ນອກຈາກ​ນີ້, ຍັງ​ຫາລື​ກ່ຽວ​ກັບ​ການ​ສຶກສາ ​ໂດຍ​ສະ​ເໜີ​ໃຫ້​ເອົາ​ພາສາ​ເກົາຫຼີ ​ເຂົ້າ​ເປັນ​ພາສາ​ທີ 2 ໃນ​ໂຮງຮຽນ​ທີ່​ມີ​ຄວາມ​ສາມາດ; ການ​ເຝິກອົບຮົມ​ຄູ, ​ໄອ​ຊີ​ທີ ​ແລະ ​ເລື່ອງ​ການ​ຍົກ​ສູງ​ຄຸນະພາບ​ແຮງ​ງານ​ລາວ ​ໂດຍ​ສະ​ເພາະ​​ແມ່ນ​ສະ​ເໜີ​ໃຫ້​ເອົາ​ພາສາ​ເກົາຫຼີ​ເຂົ້າສ​ອນ​ໃນ​ໂຮງຮຽນ​ເຕັກ​ນິກວິຊາ​ຊີບ ​ເພື່ອ​ໃຫ້​ນັກຮຽນ​ສາມາດ​ຮູ້​ພາສາ​ເກົາຫຼີ ​ແລະ ​ໄປ​ເຮັດ​ວຽກ​ທີ່ ສ ​ເກົາຫຼີ ​ໄດ້.

(ບຸນທະວີ)