ສສກ ຈັດ​ກອງ​ປະຊຸມ​ສ່ອງ​ແສງ​ບໍລິຫານ ປະຈຳ​ເດືອນ​ມີນາ ​ພ້ອມກຽມ​ຫົວ​ຂໍ້ ​ນຳ​ສະ​ເໝີກອງ​ປະຊຸມ​ສະ​ໄໝ​ສາມັນ​ຂອງ​ລັດຖະບານ ປີ 2018

ສຶກສາ

Written by Super User

ສສກ ຈັດກອງປະຊຸມສ່ອງແສງບໍລິຫານ ປະຈຳເດືອນມີນາພ້ອມກຽມຫົວຂໍ້
ນຳສະເໝີກອງປະຊຸມສະໄໝສາມັນຂອງລັດຖະບານ ປີ 2018

29214167 1865207576847081 6081170462702829568 o   ກະຊວງສຶກສາທິການ ແລະ ກິລາ (ສສກ) ຈັດກອງປະຊຸມສ່ອງແສງຫົວໜ້າພະແນກບໍລິຫານ ປະຈຳເດືອນມີນາ 2018 ແລະ ກະກຽມຫົວຂໍ້ທີ່ຈະຂໍນຳເຂົ້າພິຈາລະນາ ໃນກອງປະຊຸມສະໄໝສາມັນ ຂອງລັດຖະບານ  ປີ 2018 ຂຶ້ນ​ໃນ​ລະຫວ່າງ​ວັນ​ທີ 16 ມີນາ ຜ່ານມາ ທີ່ຫ້ອງປະຊຸມ ກະຊວງສຶກສາທິການ ແລະ ກິລາ. ໃຫ້ກຽດເປັນປະທານໂດຍ ທ່ານ ນາງ ປອ ດາລາວອນ ກິດຕິພັນ ຮອງຫົວໜ້າຫ້ອງການກະຊວງສຶກສາທິການ ແລະ ກິລາ, ມີຫົວໜ້າກົມ, ຮອງກົມ, ຫົວໜ້າພະແນກ, ຮອງພະແນກ ​ແລະ ຕ່າງ​ໜ້າ​ວິຊາ​ການຈາກກົມຈັດຕັ້ງ ແລະ ພະນັກງານ, ກົມການເງິນ, ກົມການສຶກສາກ່ອນໄວຮຽນ, ກົມອາຊີວະສຶກສາ, ກົມການສຶກສານອກໂຮງຮຽນ, ກົມກິລາລະດັບສູງ, ສູນເຕັກໂນໂລຊີຂ່າວສານ ແລະ ການສື່ສານການສຶກສາ ແລະ ກິລາ ແລະ ມະຫາວິທະຍາໄລແຫ່ງຊາດ ເຂົ້າຮ່ວມ.

        ​ໂອກາດ​ດັ່ງກ່າວ, ທ່ານ ນາງ ປອ ດາລາວອນ ກິດຕິພັນ ກໍ່​ໄດ້​ກ່າວ​ ​ໃຫ້​ຊາບ​ວ່າ : ​ເພື່ອ​ເປັນ​ການປະຕິບັດ​ຕາມ​ແຜນການ​ທີ່​ວາງ​ໄວ້ ຫ້ອງການ​ກະຊວງ​ສຶກສາ​ທິການ ​ແລະ ກິລາ ຈຶ່ງ​ໄດ້​ເປີດ​​ກອງ​ປະຊຸມສ່ອງແສງຫົວໜ້າພະແນກບໍລິຫານ ປະຈຳເດືອນມີນາ 2018 ​ເພື່ອ​ໃຫ້​ແຕ່​ລະ​ພາກສ່ວນ​ລາຍ​ງານ​ຜົນ​ກອງ​ປະຊຸມ​ສ່ອງ​ແສງ​ອ້ອມ​ຂ້າງ​ລັດຖະບານ ປະຈຳ​ເດືອນມີນາ 2018. ພ້ອມ​ກັນ​ນັ້ນ ​ເພື່ອ​ເປັນ​ການ​ກະກຽມ​ຄວາມ​ພ້ອມ​ຮອບດ້ານ ​ໃນ​ການສະ​ເໝີ​ບັນດາ​ຫົວ​ຂໍ້​ເອກະສານ​ຂອງ​ຂະ​ແໜງ​ການ​ສຶກສາ ​ແລະ ກິລາ ​ໃນ​ກອງ​ປະຊຸມ​ລັດຖະບານ ປະຈຳ​ປີ 2018 ຫ້ອງການ​ກະຊວງ​ສຶກສາ​ທິການ ​ແລະ ກິລາ ຈຶ່ງ​ໄດ້​​ເປີດກອງປະຊຸມ ກະກຽມຫົວຂໍ້ທີ່ຈະຂໍນຳເຂົ້າພິຈາລະນາໃນກອງປະຊຸມສະໄໝສາມັນຂອງລັດຖະບານຈະ​ຕ້ອງ​ໄດ້​ນຳ​ມາ​ຜ່ານ​ໃນ​ກອງ​ປະຊຸມຄະນະ​ນຳ​ລັດ​ບໍລິຫານ​ລະດັບ​ກະຊວງ ກ່ອນ ​ເພື່ອ​ຮັບປະກັນ​ທາງ​ດ້ານ​ເນື້ອ​ໃນ ​ແລະ ​ແຜນການ​ທີ່​ວາງ​ໄວ້ ປະກອບ​ມີ ​ເນື້ອ​ໃນ​ຫົວ​ຂໍ້ (ນິຕິ​ກຳ) ​ແຜນ​ແມ່​ບົດ ການ​ພັດທະນາ​ໂຄງ​ລ່າງ​ພື້ນຖານ​ຂອງ​ວິທະຍາ​ເຂດ​ດົງ​ໂດກ ຂອງ​ມະຫາວິທະຍາ​ໄ​ລ​ແຫ່ງ​ຊາດ, ຜົນ​ຂອງ​ການ​ລົງ​ສຳ​ຫຼວດການ​ນຳ​ໃຊ້​ຄູ ຂອງ​ກົມ​ຈັດ​ຕັ້ງ ​ແລະ ພະນັກງານ, ​ແຜນ​ພັດທະນາ ​ໄອ​ຊີ​ທີ ​ໃນ​ລະບົບ​ການ​ສຶກສາ ຂອງສູນເຕັກໂນໂລຊີຂ່າວສານ ແລະ ການສື່ສານການສຶກສາ ແລະ ກິລາ, ດຳລັດ​ວ່າ​ດ້ວຍ​ການ​ຮັບຮອງ ​ແລະ ປະກາດ​ໃຊ້ ຊຸດ​ເຄື່ອງ​ແບບ​ເຄື່ອງໝາຍ​ຊັ້ນ ​ແລະ ຫຼຽນ​ນາມມະຍົດ​ຂອງ​ຂະ​ແໜງ​ການ​ສຶກສາ ​ແລະ ກິລາ (ປັບປຸງ ດຳລັດ ສະບັບ ​ເລກທີ 283/ລບ) ຂອງ​ກົມ​ຈັດ​ຕັ້ງ ​ແລະ ພະນັກງານ, ກອງ​ທຶນ​ພັດທະນາ​ການ​ສຶກສາ ຢູ່​ເຂດ​ຫ່າງ​ໄກ​ສອກຫຼີກ ຂອງ​ກົມ​ການ​ເງິນ, ດຳລັດ​ວ່າ​ດ້ວຍ​ລັດຖະກອນ​ຄູ (ປັບປຸງ ດຳລັດ ສະບັບ​ເລກທີ 177/ລບ) ຂອງ​ກົມ​ຈັດ​ຕັ້ງ ​ແລະ ພະນັກງານ, ຍຸດ​ທະ​ສາດ ​ແລະ ຂອບ​ແຜນ​ປະຕິບັດ​ງານ​ແຫ່ງ​ຊາດ 2016-2020 ວ່າ​ດ້ວຍ​ການ​ເລັ່ງລັດ​ພັດທະນາ​ການ​ສຶກສາ​ຮຽນ​ຮ່ວມ​ໃນ​ລະບົບ​ການ​ສຶກສາ ຂອງ​ກົມ​ການ​ສຶກສາກ່ອນ​ໄວ​ຮຽນ, ນະ​ໂຍບາຍ​ວ່າ​ດ້ວຍ​ການ​ສຶກສາກ່ອນ​ໄວ​ຮຽນ ຂອງ​ກົມ​ການ​ສຶກສາກ່ອນ​ໄວ​ຮຽນ ​ແລະ ກົດໝາຍ​ວ່າ​ດ້ວຍ​ອາຊີວະ​ສຶກສາ (ສະບັບ​ປັບຸງ) ຂອງ​ກົມ​ອາຊີວະ​ສຶກສາ.

       ສຳລັບ ກອງ​ປະຊຸມ​ໃນ​ຄັ້ງ​ນີ້ ຈະ​ດຳ​ເນີນ​ພຽງ​ເຄິ່ງວັນ ຜູ້​ເຂົ້າ​ຮ່ວກອງ​ປະຊຸມ​ຍັງ​ໄດ້​ມີ​ການ​ປະກອບ​ຄຳ​ເຫັນ​ລວມ, ຍັງ​ໄດ້ມີ​ການສະ​ເໝີ​ການ​ຂຶ້ນ​ແຜນ​ງົບປະມານ ປະຈຳ​ປີ 2019 ຂອງ​ຫ້ອງການ​ກະຊວງ (ພະ​ແນ​ກການ​ເງິນ​ຂັ້ນ​ສອງ) ​ແລະ ​ແຕ່​ລະ​ພາກ​ສ່ວນ​ລາຍ​ງານ ການ​ເຄື່ອນ​ໄຫວ​ວຽກ​ງານ​ທີ່​ພົ້ນ​ເດັ່ນ​ໃນ​ເດືອນ​ມີນາ ​ແລະ ​ແຜນ​ວຽກ​ຈຸດ​ສຸມ​ເດືອນ​ເມສາ 2018 ພ້ອມ​ກັບ ປຶກສາ​ຫາລື​ກ່ຽວ​ກັບ​ປັນຫາ​ອື່ນໆ ນຳ​ອີກ.

ອຳໄພວັນ