ສກມ ສີໂຄດຕະບອງ ຕີ​ລາຄາການສອບເສັງນັກຮຽນເກັ່ງຂັ້ນ​​ເມືອງ

ສຶກສາ

Written by Super User

ສກມ ສີໂຄດຕະບອງ ຕີ​ລາຄາການສອບເສັງນັກຮຽນເກັ່ງຂັ້ນ​​ເມືອງ

29526955 1322197494583129 1829380291 o   ຫ້ອງການສຶກສາທິການ ແລະ ກິລາເມືອງສີໂຄດຕະບອງ ນະ​ຄອນ​ຫຼວງ​ວຽງ​ຈັນ ​ໄດ້​ຈັດພິທີສະຫຼຸບການສອບເສັງນັກຮຽນເກັ່ງຂັ້ນເມືອງ, ພ້ອມທັງມອບໃບຍ້ອງຍໍໃຫ້ແກ່ນັກຮຽນ ແລະ ກົມກອງທີ່ມີຜົນງານດີເດັ່ນໃນການປະກອບສ່ວນວຽກງານສອບເສັງນັກຮຽນເກັ່ງທົ່ວເມືອງ.ພິທີສະຫຼຸບ​ການ​ສອບ​ເສັງ​ດັ່ງກ່າວ, ໄດ້ຈັດຂຶ້ນໃນວັນທີ 24 ມີນາ ຜ່ານມາ ທີ່ສະໂມສອນປົກຄອງເມືອງສີໂຄດຕະບອງ ໂດຍເປັນກຽດເຂົ້າຮ່ວມຂອງທ່ານ ນາງ ພູວຽງ ແກ້ວວົງວິຈິດ ​ເຈົ້າ​ເມືອງ​ສີໂຄດຕະບອງ, ທ່ານ ເກດສະໜາ ທອງມະນີວົງ ຮັກສາການຫົວໜ້າຫ້ອງການສຶກສາທິການ ແລະ ກິລາເມືອງສີໂຄດຕະບອງ, ທ່ານ ບຸນທັນ ແສງມະນີ ຫົວໜ້າຂະແໜງມັດທະຍົມ ພະ​ແນກ​ສຶກ​ສາ​ທິ​ການ ແລະ ກິ​ລາ ນະ​ຄອນ  ຫຼ​ວງວຽງຈັນ, ມີຫົວໜ້າໝ່ວຍງານ, ພະນັກງານ ວິຊາການ, ຄູ-ອາຈານ, ນ້ອງນັກຮຽນ ຕະຫຼອດຮອດຜູ້ປົກຄອງເຂົ້າຮ່ວມ.

       ໃນໂອກາດດັ່ງກ່າວ, ທ່ານ ສິນໄຊ ສຸທຳມະວົງ ຮອງຫົວໜ້າຫ້ອງການສຶກສາທິການແລະ ກິລາເມືອງສີໂຄດຕະບອງ ໄດ້ກ່າວ​ໃຫ້​ຮູ້ວ່າ: ທົ່ວເມືອງສີໂຄດຕະບອງມີໂຮງຮຽນປະຖົມ, ມັດທະຍົມຕອນຕົ້ນ,  ຕອນປາຍ ແລະ ມັດທະຍົມສົມບູນທັງພາກລັດ-ເອກະຊົນທັງໝົດ 153 ແຫ່ງ, ເອກະຊົນ 86 ແຫ່ງ ໃນນັ້ນ, ມີໂຮງຮຽນຊັ້ນປະຖົມ 68 ແຫ່ງ, ເອກະຊົນ 30 ແຫ່ງ, ມັດທະຍົມຕອນຕົ້ນ 18 ແຫ່ງ, ເອກະຊົນ 10 ແຫ່ງ, ມັດທະຍົມສົມບູນ 7 ແຫ່ງ, ເອກະຊົນ  5 ແຫ່ງ, ມັດທະຍົມຕອນປາຍ 2 ແຫ່ງ.ການ​ສອບ​ເສັງ​ນັກຮຽນ​ເກັ່ງ​ທົ່ວ​ເມືອງ​ສີໂຄດຕະບອງໃນ​ຄັ້ງນີ້, ມີ​ນັກ​ສອບ​ເສັງ​ທັງໝົດ 395 ນ້ອງ, ຍິງ 283 ນ້ອງ ​ໃນ​ນັ້ນ, ຊັ້ນ​ປະ​ຖົມ​ ມີ​ 121 ນ້ອງ, ຍິງ 79 ນ້ອງ, ​ແບ່ງ​ອອກ​ເປັນ 7 ຫ້ອງ​ ມີ​ 3 ວິ​ຊາ​ສອບ ຄື: ວິ​ຊາ​ພາ​ສາ​ລາວ-ວັນນະຄະດີ ມີ​ 24 ນ້ອງ, ຍິງ 19 ນ້ອງ, ວິ​ຊາ​ຄະ​ນິດ​ສາດມີ​ 64 ນ້ອງ, ຍິງ 35 ນ້ອງ, ວິ​ຊາ​ໂລກ​ອ້ອມ​ຕົວມີ​ 33 ນ້ອງ, ຍິງ 25 ນ້ອງ; ຊັ້ນ​ ມ4​ ມີ​ 169 ນ້ອງ, ຍິງ 129 ນ້ອງ, ​ແບ່ງ​​ອອກ​ເປັນ 8 ຫ້ອງມີ 4 ວິ​ຊາ​ ຄື: ວິ​ຊາ​ພາ​ສາ​ລາວ-ວັນນະຄະດີ ມີ​ 26 ນ້ອງ, ຍິງ 25 ນ້ອງ,  ວິ​ຊາ​ຄະ​ນິດ​ສາດມີ​ 28 ນ້ອງ, ຍິງ 19 ນ້ອງ, ວິ​ຊາ​ເຄ​ມີ​ສາດ ມີ 23 ນ້ອງ, ຍິງ 17ນ້ອງ, ວິ​ຊາ​ຟິ​ຊິກ​ສາດມີ​ 28 ນ້ອງ, ຍິງ 17 ນ້ອງ; ຊັ້ນ​ ມ​7​ ມີ​ນັກ​ສອບ​ເສັງ​ທັງ​ໝົດ 105 ນ້ອງ, ຍິງ 75, ​ແບ່ງ​​ອອກ​ເປັນ 5 ຫ້ອງ, ມີ 4 ວິ​ຊາ​ຄື: ວິ​ຊາ​ພາ​ສາ​ລາວ-ວັນນະຄະດີ ມີ​ 26 ນ້ອງ, ຍິງ 25 ນ້ອງ,  ວິ​ຊາ​ຄະ​ນິດ​ສາດ ມີ 28 ນ້ອງ, ຍິງ 19 ນ້ອງ, ວິ​ຊາ​ເຄ​ມີ​ສາດ ມີ​ 23 ນ້ອງ, ຍິງ 17 ນ້ອງ, ວິ​ຊາ​ຟິ​ຊິກ​ສາດ ມີ​  28 ນ້ອງ, ຍິງ 17 ນ້ອງ.

       ຜ່ານ​ການ​ສອບ​​ເສັງ​ດັ່ງກ່າວ, ຜົນ​ປາກົດ​ວ່າ ຊັ້ນ ປ5 ອັນ​ດັບ​ທີ 1 ວິຊາພາສາລາວວັນນະຄະດີ ​ໄດ້​ແກ່ ນາງ ນ້ຳຝົນ ຄຳສາງ ຈາກ​ໂຮງຮຽນປະຖົມຊະນະພົນ, ອັນ​ດັບ​ທີ 1 ວິຊາຄະນິດສາດ ​ໄດ້​ແກ່​ທ້າວ ວິໄສທັດ ພະທິດມີໄຊ ຈາກ ໂຮງຮຽນປະຖົມຊະນະພົນ ​ແລະ ອັນ​ດັບ​ທີ 1 ວິຊາໂລກອ້ອມຕົວ ​ໄດ້​ແກ່ ທ້າວ ສາຍໃຈ ລາສະສີມາ ຈາກໂຮງຮຽນປະຖົມຊະນະພົນ; ຊັ້ນ​ ມ4​ ອັນ​ດັບ​ທີ 1 ວິຊາພາສາລາວ-ວັນນະຄະດີ ​ໄດ້​ແກ່ ນາງ ລໍລ້າ ສີມມີໄຊ ມສ ຈັນສະຫວ່າງ, ວິຊາຄະນິດສາດ ອັນດັບທີ 1 ​ໄດ້​ແກ່​ນາງ ອານິດສອນ ທຳມະວົງ ມສ ຮຸ່ງເຮືອງ, ວິຊາຟິຊິກສາດ ອັນດັບທີ 1 ​ໄດ້​ແກ່ ທ້າວ ຊະນະໄຊ ບຸດສຳພັນ ມ ຕົ້ນ ຊ້າງນ້ອຍ ​ແລະ ວິຊາເຄມີສາດ ອັນດັບທີ 1 ​ໄດ້​ແກ່ ທ້າວ ອາພິສິດ ສີພະໄຊ ມ ຕົ້ນ ວຽງຈັນພັດທະນາ; ຊັ້ນ ​ມ​7​ ອັນ​ດັບ​ທີ 1 ວິຊາພາສາລາວ-ວັນນະຄະດີ ​ໄດ້​ແກ່ ນາງ ພິມມະສອນ ແສງສຸລິຍາ ຈາກ ມສ ໜອງດ້ວງ, ວິຊາຄະນິດສາດ ອັນດັບທີ 1  ​ໄດ້​ແກ່ ທ້າວ ພັນພົນ ສີສະຫວັດ ຈາກ ມສ ຮຸ່ງເຮືອງ, ວິຊາຟິຊິກສາດ ອັນດັບທີ 1 ​ໄດ້​ແກ່ ນາງ ຈັນດາລາ ສີວັນທອງ ຈາກ ມສ ​ແລະ ວິຊາເຄມີສາດ ອັນດັບທີ 1 ​ໄດ້​ແກ່ ນາງ ສຸດດາວັນ ສະແຫວງວົງ ຈາກ ມສ ຮຸ່ງເຮືອງ

ໂດຍ: ສີວອນ ( ສຶກສາ-ກິລາ ນວ )