ສກມ ຈັນທະບູລີ ເປີດ​ບັ້ນ​ສອບ​ເສັງ​ຫັດຂຽນງາມຂອງນ້ອງນັກຮຽນ​ຊັ້ນປະຖົມ ລາ​ວ - ອອສ​ເຕຣ​ເລຍ ຫາລື​ການ​ສືບ​ຕໍ່​ຊ່ວຍ​ເຫຼືອ​ໃນ​ຂະ​ແໜງ​ການ​ສຶກສາ-ກິລາ

ສຶກສາ

Written by Super User

ສກມ ຈັນທະບູລີ ເປີດ​ບັ້ນ​ສອບ​ເສັງ​ຫັດຂຽນງາມຂອງນ້ອງນັກຮຽນ​ຊັ້ນປະຖົມ ລາ​ວ - ອອສ​ເຕຣ​ເລຍ
ຫາລື​ການ​ສືບ​ຕໍ່​ຊ່ວຍ​ເຫຼືອ​ໃນ​ຂະ​ແໜງ​ການ​ສຶກສາ-ກິລາ

29943276 1367856413316507 1425436153 o   ລັດຖະມົນຕີ ກະຊວງສຶກສາທິການ ແລະ ກິລາ ສປປ ລາວ ​ແລະ ເອກອັກຄະລັດຖະທູດອອສ​ເຕຣ​ເລຍ ປະຈໍາ ສປປ ລາວ ໄດ້ປຶກສາຫາລືກ່ຽວ​ກັບ​ການ​ສືບ​ຕໍ່​ໃຫ້ການ​ຊ່ວຍ​ເຫຼືອ​ໃນ​ຂະ​ແໜງ​ການ​ສຶກສາ ​ແລະ ກິລາ ​​ເປັນ​ຕົ້ນ​ແມ່ນ​ວຽກ​ງານ​​ພັດທະນາ​ບຸ​ຄະລາ​ກອນ​ໃນ​ຂະ​ແໜງ​ການ​ສຶກສາ ​ແລະ ກິລາ ​ໃຫ້​ມີ​ຄຸນະ  ພາບ​ສູງ​ຂຶ້ນ.

    ເມື່ອວັນທີ 29 ມີນາ ຜ່ານມາ ທີ່ສໍານັກງານກະຊວງສຶກສາທິການ ແລະ ກິລາ, ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີ ກະຊວງສຶກສາທິການ ແລະ ກິລາ ໄດ້ໃຫ້ກຽດຕ້ອນຮັບການເຂົ້າຢ້ຽມຢາມຂອງທ່ານ Jean-Bernard Carrasc ​ເອກ​ອັກຄະລັດຖະທູດ ອອສ​ເຕຣ​ເລຍ ປະຈໍາ ສປປ ລາວ ​ເນື່ອງ​ໃນ​ໂອກາດ​ມາ​ດໍາລົງ​ຕໍາ​ແໜ່​ງ​ໃໝ່, ມີບັນດາຄະນະນຳທີ່ກ່ຽວຂ້ອງເຂົ້າຮ່ວມ.

        ​ໂອກາດ​ດັ່ງກ່າວ, ທ່ານ Jean-Bernard Carrasc ​ໄດ້​ກ່າວ​​ໃຫ້ຮູ້ເຖິງຈຸດປະສົງຂອງການພົບປະຫາລືກັນໃນຄັ້ງນີ້ ແມ່ນເພື່ອລາຍງານການຕີລາຄາຄືນວຽກງານ, ການຮ່ວມມື ​ແລະ ການ​ຊ່ວຍ​ເຫຼືອ​ໃນ​ຂະ​ແໜງ​ການ​ສຶກສາໃນ​ໄລຍະ​ຜ່ານ​ມາ ​ໂດຍ​ສະ​ເພາະ​ວຽກ​ງານ​ພັດທະນາ​ບຸ​ຄະລາ​ກອນ ​ແລະ ວຽກ​ງານ​ທີ່​ປິ​ນອ້ອມ​ໃນ​ຂະ​ແໜງ​ການ​ສຶກສາ ​ແລະ ກິລາ. ສຳລັບທິດທາງໃນແຜນການໃນຕໍ່ໜ້າ ຈະສືບ​ຕໍ່​​ໃຫ້ການ​ຊ່ວຍ​ເຫຼືອ​ໃນ​ຂະ​ແໜງ​ການ​ສຶກສາ ​ແລະ ກິລາ ​ເປັນ​ຕົ້ນ​ແມ່ນ​ວຽກ​ງານ​ພັດທະນາ​ບຸ​ຄະລາ​ກອນ​ໃນ​ຂະ​ແໜງ​ການ​ສຶກສາ ​ແລະ ກິລາ, ສືບ​ຕໍ່​ພັດທະນາ​ຫຼັກສູດ​ໃນ​ຊັ້ນ​ປະຖົມ​ສຶກສາ, ສ້າງ​ຄູ ​ແລະ ວຽກ​ງານ​ອື່ນໆ ​ເພື່ອເຮັດໃຫ້ວຽກ​ງານ​ໃນ​ຂະ​ແໜງ​ການ​ສຶກສາ ​ແລະ ກິລາ ຄ່ອງຕົວ ແລະ ຖືກກັບເປົ້າໝາຍທີ່ໄດ້ວາງໄວ້.

       ຂະນະດຽວກັນ, ທ່ານ ນາງ ແສງເດືອນ ຫຼ້າຈັນທະບູນ ໄດ້ສະແດງຄວາມຂອບໃຈເປັນຢ່າງສູງຕໍ່​ທ່ານເອກ​ອັກຄະລັດຖະທູດ ອອສ​ເຕຣ​ເລຍ ປະຈໍາ ສປປ ລາວ ​ເນື່ອງ​ໃນ​ໂອກາດ​ມາ​ດໍາລົງ​ຕໍາ​ແໜ່​ງ​ໃໝ່ ທີ່ຢາມໃດກໍ່ໃຫ້ຄວາມສຳຄັນຕໍ່ວຽກ​ງານ​ການ​ສຶກສາ, ​ເຊິ່ງວຽກ​ງານ​ການ​ສຶກສາ​ເປັນ​ສ່ວນ​ໜຶ່ງ​ໃນ​ການ​ພັດທະນາ​ປະ​ເທດ​ຊາດ​ໃຫ້​ຈະເລີ​ນກ້າວໜ້າ​ຂຶ້ນ​ເລື້ອຍໆ ​ແລະ ຍັງ​ຈະ​​ເປັນການ​ຫຼຸດ​ພົ້ນ​ອອກ​ຈາກ​ປະ​ເທດ​ດ້ອຍ​ພັດທະນາ​ ໃນ​ປີ 2020.

​       ນອກຈາກນີ້, ໃນ​ມື້​ດຽວ​ກັນ, ທ່ານ​ລັດຖະມົນຕີ ກະຊວງ​ສຶກສາ​ທິການ ​ແລະ ກິລາ ຍັງ​ໄດ້ຕ້ອນຮັບການເຂົ້າຢ້ຽມຢາມຂອງທ່ານ Michael F Kleine ອຸປະທູດ​ອາ​ເມຣິລາ ປະ​ຈໍາ ສປປ ລາວ ພ້ອມ​ດ້ວຍ​ຄະນະ. ການ​ພົບ​ປະ​ຄັ້ງ​ນີ້ ແມ່ນ​ເພື່ອ​ລາຍ​ງານ​ການ​ເຄື່ອນ​ໄຫວ​ປະຕິບັດ​ວຽກ​ງານ​ຢູ່ 2 ​ແຂວງຂອງ ສປປ ລາວ ຄື: ​ແຂວງ​ສະຫວັນ​ນະ​ເຂດ ​ແລະ ​ແຂວງ​ຫຼວງ​ນໍ້າ​ທາ ຮ່ວມ​ກັບ​ພາກສ່ວນ​ທີ່​ກ່ຽວ​ຂ້ອງ​ທັງ 2 ຝ່າຍ ກ່ຽວ​ກັບ​ວຽກ​ງານ​ໂຄງການ​ອາຫານ​ໂລກ ​ແລະ ສະໜອງ​ອາຫານ​ໃນ​ໂຮງຮຽນ​ຂອງ​ລາວ. ​

ໂດຍ: ນາງ​ ຕຸ່ນຄໍາ