ຣັຕນະ-ຫງວຽນຢູ ປ້ອງກັນແຊ໋ມເຕັ້ນເຊຍຣີດດິງ ຊີງຂັນປະທານ ຄອລ ສະໄໝທີ 2 ໄດ້ສຳເລັດ

ກິລາ

Written by ອ້ວນດຳ

24740755 1264815013620648 2017173342 n

 ນັກສຶກສາວິທະຍາໄລ ຣັຕນະ ບໍລິຫານທຸລະກິດ  ສາມາດປ້ອງກັນແຊ໋ມເຕັ້ນເຊຍຣີດດິງສາຍວິຊາຊີບ ສະໄໝທີ 2 ໄວ້ໄດ້ສຳເລັດ ພ້ອມຮັບ
ເງິນລາງວັນ 25 ລ້ານກີບ. ຂະນະທີ່ສາຍນັກຮຽນມັດທະຍົມສຶກສາຕອນປາຍ ໂຮງຮຽນ 2 ພາສາລາວ-ຫວຽດນາມຫຼືຫງວຽນຢູຄອງແຊ໋ມ 2
ປີຊ້ອນເຊັ່ນກັນ  ໃນການແຂ່ງຂັນເຕັ້ນເຊຍຣີດດິງ ລາຍການມິຣິນດ້າ ເຊຍຣີດດິງຄອນເທັສປະຈຳປີ2017ຫຼື “Miranda Cheerleading
Contest 2017” ຊີງຂັນປະທານຄະນະກຳມະການໂອແລມປິກແຫ່ງຊາດລາວ ຫຼື ຄອລ.

      ການແຂ່ງຂັນລາຍການດັ່ງກ່າວ ສຳລັບສາຍມັດທະຍົມສຶກສາຕອນປາຍ ມີບັນດາໂຮງຮຽນອ້ອມຂ້າງສູນກາງ ເຂົ້າຮ່ວມ 12 ພາກສ່ວນປະ
ຂອງ ນາງ ແສງເດືອນ ຫຼ້າຈັນທະບູນລັດຖະມົນຕີກະຊວງສຶກສາທິການ ແລະ ກິລາ ທັງເປັນປະທານຄະນະກຳມະການໂອແລມປິກແຫ່ງຊາດ
ລາວ, ທ່ານ ສົມພູ ພົງສາ ຜູ້ຊ່ວຍລັດຖະມົນຕີ ກະຊວງສຶກສາທິການ ແລະ ກິລາ ທັງເປັນຮອງປະທານ ແລະ ເລຂາທິການ ຄອລ ແລະ ທ່ານ
ສູນທອນ ສິຣິສັກ ຮອງຜູ້ອຳນວຍການ ບໍລິສັດ ເບຍລາວ ຈຳກັດ ພ້ອມດ້ວຍບັນດາຄະນະອຳນວຍການ, ພະນັກງານ, ຄູ-ອາຈານ ແລະ ນັກກິ
ລາເຕັ້ນເຊຍ ຕະຫຼອດຮອດສື່ມວນຊົນເຂົ້າຮ່ວມ.

ກອບມີ ໂຮງຮຽນມັດທະຍົມສຶກສາ (ມສ) ວຽງຈັນ, ມສ ເຈົ້າອານຸວົງ, ມສ ເພຍວັດ, ມສ ພັນໝັ້ນ, ມສ ສາທິດ, ມສ ຕານມີໄຊ,  ມສ ໂພນ
ທັນ, ມສ ສາລະຄໍາ, ໂຮງຮຽນ ຫງວຽນຢູ, ມ ປາຍ ວຽງຈັນ-ໂຮ່ຈິມິນ, ມປາຍ ນາຊາຍທອງ ແລະ ມປາຍ ຈັນທະບູລີ. ສ່ວນສາຍໂຮງຮຽນວິ
ຊາຊີບ ມີ 8 ພາກສ່ວນ ມີ ມະຫາວິທະຍາໄລແຫ່ງຊາດ, ວິທະຍາໄລ (ວລ) ຣັຕນະບໍລິຫານທຸລະກິດ,  ວລ   ເຊດຖາບໍລິຫານທຸລະກິດ, ວລ
ລາວນາໆຊາດ, ວລ ລາວທ໋ອບ, ວລ ຄອມເຊັນເຕີ, ວລ ເຕັກນິກວິຊາຊີບ ມິດຕະພາບ ວຽງຈັນ-ຮ່າໂນ້ຍ ແລະ ສະຖາບັນການທະນາຄານ.

      ຜ່ານການແຂ່ງຂັນຜົນປາກົດວ່າ:ສຳລັບສາຍໂຮງຮຽນວິຊາຊີບ ປະເພດເຕັ້ນເຊຍມິກ ວິທະຍາໄລ ຣັຕນະບໍລິຫານທຸລະກິດສາມາດຮັກສາ
ແຊ໋ມສະໄໝທີ 2 ໄວ້ໄດ້ສຳເລັດ ພ້ອມຮັບເງິນລາງວັນ 25 ລ້ານກີບ ແລະ ຂັນແຊ໋ມປະທານ ຄອລ 1 ໜ່ວຍ ໄປຄອງ, ອັນດັບ 2 ວິທະຍາໄລ
ຄອມເຊັນເຕີ ໄດ້ຮັບເງິນສົດ 18 ລ້ານກີບ ພ້ອມຂັນໂລລາງວັນ 1 ໜ່ວຍ, ອັນດັບ 3 ວິທະຍາໄລ ລາວທ໋ອບ ໄດ້ຮັບເງິນສົດ 14 ລ້ານກີບພ້ອມ
ຂັນໂລລາງວັນ 1 ໜ່ວຍ ແລະ ອັນດັບ 4 ສະຖາບັນການທະນາຄານ ໄດ້ຮັບເງິນສົດ 12 ລ້ານກີບ ພ້ອມຂັນໂລລາງວັນ 1 ໜ່ວຍ. ພ້ອມນັ້ນທີມ
ທີ່ເຂົ້າຮ່ວມຍັງໄດ້ຮັບລາງວັນຊົມເຊີຍທີມລະ 4 ລ້ານກີບ.

    ສ່ວນສາຍມັດທະຍົມສຶກສາຕອນປາຍ ປະເພດເຕັ້ນແດນ ລາງວັນຊະນະເລີດ ໄດ້ແກ່ ໂຮງຮຽນ ຫງວຽນຢູ ພ້ອມລາງວັນເງິນສົດ 12 ລ້ານ
ກີບ ແລະ ຂັນແຊ໋ມປະທານ ຄອລ 1 ໜ່ວຍ, ອັນດັບ 2 ມປາຍ ວຽງຈັນ-ໂຮ່ຈິມິນ ໄດ້ຮັບເງິນສົດ 10 ລ້ານກີບ ພ້ອມໂລລາງວັນ 1 ໜ່ວຍອັນ
ດັບ 3 ມສ ສາລະຄໍາ ໄດ້ຮັບເງິນສົດ 8 ລ້ານກີບ ພ້ອມກັບໂລລາງວັນ 1 ໜ່ວຍແລະອັດນັບ 4 ມສ ຕານມີໄຊໄດ້ຮັບເງິນສົດ 6 ລ້ານກີບພ້ອມ
ໂລລາງວັນ 1 ໜ່ວຍ. ນອກຈາກນັ້ນ, ທີມທີ່ເຂົ້າຮ່ວມຍັງໄດ້ຮັບລາງວັນທີມລະ 3 ລ້ານກີບ.