ໄຊຍະບູລີ ສຳເລັດການແຂ່ງຂັນກິລາ 2 ປະເພດ ຊີງຂັນເຈົ້າແຂວງ ສະຫຼອງວັນຊາດ ຄົບຮອບ 42 ປີ

ກິລາ

Written by ນາລີ ​ແພງ​ວິ​ໄລ

24825868 1264814920287324 1684713686 o

       ແຂວງ​ໄຊ​ຍະ​ບູລີ​ ໄດ້​ສໍາ​ເລັດການ​ແຂ່ງຂັນ​ກິລາ​​ເປ​ຕັງ ​ແລະ ບານ​ສົ່ງ ຊີງ​ຂັນ​ທ່ານ​ເຈົ້າ​ແຂວງ ໃນວັນທີ 1 ທັນວາ ຜ່ານມາ ທີ່​​ເດີ່ນ​ກິລາ​ຮົ່ມ
​ແຂວງ​ໄຊ​ຍະ​ບູລີ, ​ ​ໂດຍ​ການ​ເປັນ​ກຽດ​ເຂົ້າ​ຮ່ວມ​ຂອງ ​ທ່ານ ປອ. ສົມ​ລິດ ​ເປືອກ​ແກ້ວ​ ປະທານ​ສະພາ​ປະຊາຊົນ​ແຂວງ, ມີ​ຄະນະນຳ, ​ຄູ​ເຝິກ
ແລະ ນັກ​ກິລາ ແຕ່ລະພາກສ່ວນເຂົ້າຮ່ວມ.

     ໂອກາດນີ້, ທ່ານ ພັນ ດວງ​ຕາ ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ, ຜູ້​ຊີ້​ນໍາ​ວຽກ​ງານ​ກິລາ-ກາຍະ​ກໍາ​ ກ່າວໃຫ້​ຮູ້​ວ່າການ
ແຂ່ງຂັນກິລາທັງ 2 ປະເພດຄັ້ງນີ້ ແມ່ນພະ​ແນ​ກສຶກສາ​ທິການ ​ແລະກິລາ​ແຂວງ​ໄຊ​ຍະ​ບູລີ​ສົມທົບ​ກັບ​ສະຫະພັນ​ກິລາ​ແຂວງເພື່ອ​ສ້າງ​ຂະ​ບວນ
ການສະ​ເຫຼີມສະຫຼອງວັນຊາດ​ ຄົບ​ຮອບ 42 ປີ (2 ທັນວາ 1975 ຫາ 2 ທັນວາ 2017) ທີ່ໄດ້ໝູນວຽນມາບັນຈົບຄົບຮອບອີກວາລະໜຶ່ງໃນ
ປີນີ້ ໃຫ້ມີຄວາມໝາຍສຳຄັນຍິ່ງໆຂຶ້ນ. ຄຽງຄູ່ກັນນັ້ນ, ​ກໍ່​ເພື່ອເປັນການ​ຊຸກຍູ້ສົ່ງ​ເສີມ​ຂະ​ບວນການ​ຫຼິ້ນ​ກິລາ​​ໃຫ້​ມີ​ການ​ເຄື່ອນ​ໄຫວ ສາມາດ​ສ້າງ
​ແລະ ພັດທະນາ​ນັກ​ກິລາ​ຜູ້ດີ​ເດັ່ນ​ເປັນ​ຕົວ​ແທນ​ໃຫ້​ແກ່​ແຂວງ​​ໃນ​ການ​ເຂົ້າ​ຮ່ວມ​ແຂ່ງຂັນ​ລາຍການ​ຕ່າງໆ ນັບ​ທັງ​ພາຍ​ໃນ​ແຂວງ, ຕ່າງ​ແຂວງ​ແລະ
ລະດັບ​ຊາດ ໃນອະນາຄົດ.  

        ການແຂ່ງຂັນກິລາຄັ້ງນີ້ ສະເພະກິລາເປຕັງ ມີທັງໝົດ 70 ພາກສ່ວນ, ຍິງ 26 ທີມ ແລະ ກິລາບານສົ່ງຍິງ-ຊາຍ ມີ 15 ພາກສ່ວນ, ຍິງ
7 ທີມ. ຜ່ານການແຂ່ງຂັນກິລາເປຕັງຊາຍ ອັນດັບ 1 ກອງ​ບັນຊາ​ການ​ທະຫານ​ແຂວງ, ອັນດັບ 2​ ທີມຫ້ວຍຊ່າວ, ອັນດັບ 3 ບ້ານ​ນາ​ໄຮ ​ແລະ
ອັນດັບ 4 ກອງ​ບັນຊາ​ການ​ປ້ອງ​ກັນ​ຄວາມ​ສະຫງົບ​ແຂວງ. ສ່ວນປະເພດຍິງ ອັນດັບ 1  ​ກອງ​ບັນຊາ​ການ​ທະຫານ​ແຂວງ, ອັນດັບ 2 ພະ​ແນ​ກ
ສຶກສາ​ທິການ ​ແລະ ກິລາ​ແຂວງ, ອັນດັບ 3 ຫ້ອງ​ການ​ສຶກສາ​ທິການ ​ແລະ ກິລາ​ເມືອງ​ໄຊ​ຍະ​ບູລີ ແລະ ອັນດັບ 4 ບໍລິສັດ​ລາວ​ໂທລະ​ຄົມ. ຂະ
ນະທີ່ກິລາບານສົ່ງຊາຍ ອັນດັບ 1 ກອງ​ບັນຊາ​ການ​ທະຫານ​ແຂວງ, ອັນດັບ 2 ພະ​ແນ​ກສຶກສາ​ທິການ ​ແລະ ກິລາ​ແຂວງ, ອັນດັບ 3 ພະ​ແນ​ກ
ກະສິກຳ​ ແລະ ປ່າໄມ້ແຂວງ ແລະ ອັນດັບ 4 ວິທະຍາ​ໄຮ​ ຮັ່ງ​ທ່າວ. ສຳລັບບານສົ່ງຍິງ ອັນດັບ 1 ປກສ ແຂວງ, ອັນດັບ 2 ມສ ໄຊຍະບູລີມສ
ເອກະພາບ ແລະ ອັນດັບ 4 ກອງບັນຊາການທະຫານແຂວງ.