ເປີດສາກແລ້ວ ບານສົ່ງ ທົ່ວປະເທດ ຊີງຂັນລັດຖະມົນຕີ ສສກ ຄັ້ງທີ 5

ກິລາ

Written by ອ້ວນດຳ

ເປີດສາກແລ້ວ ບານສົ່ງ ທົ່ວປະເທດ ຊີງຂັນລັດຖະມົນຕີ ສສກ ຄັ້ງທີ 5

24829308 1265557103546439 1898316032 n

   ເປີດສາກຂຶ້ນຢ່າງເປັນທາງການ ການແຂ່ງຂັນກິລາບານສົ່ງໃນຮົ່ມ ປະເພດທີມຍິງ-ຊາຍ ທົ່ວ
ປະເທດ ຊີງຂັນທ່ານລັດຖະມົນຕີ ກະຊວງສຶກສາທິການ ແລະ ກິລາ (ສສກ) ຄັ້ງທີ 5 ປະຈຳປີ
2017ເພື່ອເປັນການສ້າງຂະບວນການສະເຫຼີມສະຫຼອງວັນສະຖາປະນາ ສປປ ລາວ  ຄົບຮອບ
42 ປີ ພ້ອມທັງສົ່ງເສີມພັດທະນາທັບນັກກິລາບານສົ່ງລາວໂດຍສະເພາະນັກກິລາຮຸ່ນສືບທອດ
ໄດ້ມີການເຄື່ອນໄຫວແນໃສ່ການພັດທະນາ

   ໃຫ້ເຂົາເຈົ້າ ສາມາດກ້າວຂຶ້ນໄປເປັນນັກກິລາທີມຊາດ ແລະ ລະດັບອາຊີບ ໃນອະນາຄົດ.ພິທີເປີດການແຂ່ງຂັນຄັ້ງນີ້ ໄດ້ມີຂຶ້ນໃນວັນທີ 5
ທັນວາ ຜ່ານມາ ທີ່ສະໜາມກິລາບານສົ່ງແຫ່ງຊາດ (ຫຼັກ16) ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມຂອງ  ທ່ານ ບົວລານ  ສິລິປັນຍາ
ຮອງລັດຖະມົນຕີ ກະຊວງສຶກສາທິການ ແລະ ກິລາ (ສສກ), ທັງເປັນຮອງປະທານຄະນະກຳມະການໂອແລມປິກແຫ່ງຊາດລາວ  ຫຼື  ຄອລ,
ທ່ານ ສົມພູ ພົງສາ ຜູ້ຊ່ວຍລັດຖະມົນຕີ ສສກ ທັງເປັນຮອງປະທານ ແລະ ເລຂາທິການ ຄອລ ທ່ານ ແສງພອນ ພົນອາມາດຫົວໜ້າກົມກິລາ
ລະດັບສູງ, ທ່ານ ຄຳສອນ ແພງລັດຕະນະວົງ ຜູ້ອຳນວຍການຝ່າຍຂາຍ ບໍລິສັດ ເບຍລາວ ຈຳກັດ ແລະ ທ່ານ ຈັນສະໝອນ ຜ່ອງຈັນທາ ປະ
ທານສະຫະພັນບານສົ່ງແຫ່ງຊາດລາວ ພ້ອມດ້ວຍຄະນະນຳແຕ່ບະພາກສ່ວນ, ຄູເຝິກ ແລະ ນັກກິລາເຂົ້າຮ່ວມ.   

     ກ່ອນພິທີຈະເປີດຂຶ້ນຢ່າງເປັນທາງການ ເມື່ອວັນທີ 4 ທັນວາ ຜ່ານມາ ກໍ່ໄດ້ມີການແຂ່ງຂັນກັນກ່ອນ, ໃນນັ້ນ ມີທີມເຂົ້າຮ່ວມແຂ່ງຂັນທັງ
ໝົດ 15 ພາກສ່ວນ ສະເພາະທີມຊາຍ ມີ 10 ທີມ ແບ່ງອອກເປັນ 2 ກຸ່ມ ແຕ່ລະກຸ່ມແຂ່ງຂັນພົບກັນໝົດຄັດເອົາທີ  1-2  ຜ່ານເຂົ້າໄປຫຼິ້ນໃນ
ຮອບຕໍ່ໄປ ສ່ວນທີມຍິງມີ 5 ທີມ ຈັດເປັນກຸ່ມດຽວຄັດເອົາທີມທີ່ມີຄະແນນດີທີ່ສຸດໃນອັນດັບທີ 1-2 ຜ່ານເຂົ້າຊີງຊະນະເລີດແລະທີິມອັນດັບ
ທີ 3-4 ໄປຊີງອັນດັບທີ 3. ສໍາລັບທີມຊາຍ ສາຍ ເອ ປະກອບມີ ສະໂມສອນກະຊວງປ້ອງກັນປະເທດ ຫຼື ກອງທັບ, ອາເຕັງ ຟຣີນຕິງ,ຄະນະ
ເສດຖະສາດ-ບໍລິຫານທຸລະກິດ, ຄະນະກະເສດສາດ ແລະ ແຊ໋ມເກົ່າ ລາວເດີນອາກາດ. ສ່ວນ ສາຍ ບີ ມີ ກະຊວງປ້ອງກັນຄວາມສະຫງົບ(ປ
ກສ), ສະໂມສອນຟຣີແມນ, ມະຫາວິທະຍາໄລ ສຸພານຸວົງ ແຂວງຫຼວງພະບາງ, ສະໂມສອນ ນະຄອນຫຼວງວຽງຈັນ ແລະແຂວງໄຊຍະບູລີຂະ
ນະທີ່ປະເພດທີມຍິງ ມີ ກອງທັບ, ປກສ, ສະໂມສອນນະຄອນຫຼວງວຽງຈັນ, ກົມວິທະຍາສາດ-ປະຫວັດສາດ ກອງທັບ ແລະມະຫາວິທະຍາ
ໄລແຫ່ງຊາດ.

      ຜ່ານການແຂ່ງຂັນໃນມື້ທຳອິດ ຜົນປາກົດວ່າ: ປະເພດທີມຊາຍ ຄູ່ທີ 1 ຄະນະກະເສດສາດ ເສຍໃຫ້ ກອງທັບ 0-3 ເຊັດ, ຄູ່ທີ 2 ຄະນະ
ເສດຖະສາດ-ບໍລິຫານທຸລະກິດ ຊະນະ ອາເຕັງ ຟຣີນຕິງ 3-1 ເຊັດ, ຄູ່ທີ 3 ປກສ ຊະນະ ສະໂມສອນ ນະຄອນຫຼວງວຽງຈັນ  ດ້ວຍຄະແນນ
3-0 ເຊັດ ແລະ ຄູ່ທີ 4 ມະຫາວິທະຍາໄລ ສຸພານຸວົງ ແຂວງຫຼວງພະບາງ ຊະນະ ຟຣີແມນ 3-0 ເຊັດ ສ່ວນປະເພດທີມຍິງ ຄູ່ທີ 5  ກອງທັບ
ຊະນະ ປກສ 3-0 ເຊັດ ແລະ ຄູ່ທີ 6 ກົມວິທະຍາສາດ-ປະຫວັດສາດ ກອງທັບ ຊະນະ ມະຫາວິທະຍາໄລແຫ່ງຊາດ  3-0  ເຊັດ. ສ່ວນການ
ແຂ່ງຂັນໃນວັນທີ 5 ທັນວາ ຜ່ານມາ ມີການແຂ່ງຂັນ 5 ຄູ່ ຜົນປາກົດວ່າ: ປະເພດທີມຊາຍ ຄູ່ທີ 1 ມະຫາວິທະຍາໄລ ສຸພານຸວົງແຂວງຫຼວງພະ
ບາງ ເສຍໃຫ້ ປກສ 1-3 ເຊັດ, ຄູ່ທີ 2 ແຂວງໄຊຍະບູລີ ແຊ໋ມກິລານັກຮຽນ ນົກກົກຄຳເກມ ຄັ້ງທີ 6 ເສຍໃຫ້ນະຄອນຫຼວງວຽງຈັນ 1-3 ເຊັດ,
ປະເພດທີມຍິງຄູ່ທີ 3 ມຊ ເສຍໃຫ້ ນະຄອນຫຼວງວຽງຈັນ 0-3 ເຊັດ ແລະ ປະເພດທີມຊາຍ ຄູ່ທີ 4 ອາເຕັງ ຟຣີນຕິງ ເສຍໃຫ້ຄະນະກະເສດ
ສາດ 1-3 ເຊັດ ແລະ ຄູ່ສຸດທ້າຍ ກອງທັບລ້າງຕາແຊ໋ມເກົ່າ ລາວເດີນອາກາດ 3-0 ເຊັດ.ແນວໃດກໍ່ຕາມ, ການແຂ່ງຂັນລາຍການດັ່ງກ່າວມີທຸກ
ວັນ ແລະ ໄດ້ດໍາເນີນການແຂ່ງຂັນຈົນເຖິງວັນທີ 10 ທັນວາ 2017 ຈຶ່ງສຳເລັດ ໂດຍບໍ່ມີການເສຍຄ່າຜ່ານປະຕູກອງເຊຍສາມາດເຂົ້າຮ່ວມຊົມ
ແລະ ເຊຍໄດ້ຟຣີ.