• moes
  • Border-schools
  • borther

ຄະນະພັກ ວຕສ ທັດສະນະສຶກສາ ສະຖານປະທານໜູຮັກ ພູມສະຫວັນ ຕ້ອນຮັບກອງປະຊຸມໃຫຍ່ ຄັ້ງທີ lX ອົງຄະນະພັກ ສສກ

ຄະນະພັກ ວຕສ ທັດສະນະສຶກສາ ສະຖານປະທານໜູຮັກ ພູມສະຫວັນ ຕ້ອນຮັບກອງປະຊຸມໃຫຍ່ ຄັ້ງທີ lX ອົງຄະນະພັກ ສສກ

118692777 320978902482424 8770909637773601687 n ຄະນະພັກຮາກຖານ ວິທະຍາໄລ ເຕັກນິກ ສັບພະວິຊາ (ວຕສ) ນຳໂດຍ ສະຫາຍ ວິໄລພອນ ພົມມະຫາໄຊ ເລຂາຄະນະພັກຮາກຖານ ວິທະຍາໄລເຕັກນິກ ສັບພະວິຊາ ພ້ອມດ້ວຍຄະນະ 5 ສະຫາຍ ໄດ້ນໍາພາສະມາຊິກພັກ ຈໍານວນ 60 ສະຫາຍ ຍິງ 14 ສະຫາຍ ໄປທັດສະນະສຶກສາອະນຸສອນສະຖານປະທານ ສຸພານຸວົງ ບ້ານໂພນສະອາດ ເມືອງໄຊເຊດຖາ ແລະ ອະນຸສອນສະຖານ ປະທານ ໜູຮັກ ພູມສະຫວັນ ບ້ານສະພານທອງເໜືອ ເມືອງສີສັດຕະນາກ ເມື່ອບໍ່ດົນຜ່ານມາ ເພື່ອເປັນການສ້າງຂະບວນການຄໍານັບຮັບຕ້ອນ ກອງປະຊຸມໃຫຍ່ ຄັ້ງທີ IX ຂອງອົງຄະນະພັກ ສສກ.

        ໃນໂອກາດດັ່ງກ່າວ, ສະຫາຍ ວິໄລພອນ ພົມມະຫາໄຊ ໄດ້ກ່າວໃຫ້ຮູ້ວ່າ: ການເຄື່ອນໄຫວຂອງຄະນະພັກຮາກຖານ ວິທະຍາໄລ ເຕັກນິກ ສັບພະວິຊາ ປະຈຳ 3 ເດືອນ (4-6 2020) ໄດ້ສ້າງຜົນສຳເລັດຫຼາຍດ້ານ ໂດຍສະເພາະ ດ້ານການນຳພາດ້ານການເມືອງ-ແນວຄິດ, ວຽກງານວິຊາສະເພາະ, ການຊີ້ນຳນຳພາວຽກງານບໍລິຫານ ແລະ ຈັດຕັ້ງ-ພະນັກງານ, ຊີ້ນຳນຳພາວຽກງານຄຸ້ມຄອງກິດຈະກຳນັກສຶກສາ, ຊີ້ນຳນຳພາວຽກງານພົວພັນພາຍໃນ ແລະ ສາກົນ, ວຽກງານຊີ້ນຳນຳພາການຈັດຕັ້ງ, ກໍ່ສ້າງ ແລະ ຄຸ້ມຄອງພະນັກງານ, ວຽກງານນຳພາປະຕິບັດນະໂຍບາຍ (ຍ້ອງຍໍ, ວິໄນ ແລະ ນະໂຍບາຍອື່ນໆ), ວຽກງານນຳພາ ອົງການຈັດຕັ້ງມະຫາຊົນ, ວຽກງານປັບປຸງກໍ່ສ້າງ ແລະ ຂະຫຍາຍພັກ, ວຽກງານປັບປຸງກໍ່ສ້າງພັກ.

        ວຽກງານປັບປຸງກໍ່ສ້າງພັກ, ຊຶ່ງແຕ່ລະເດືອນຄະນະພັກຮາກຖານ ໄດ້ມີການຮ່ວມຊີວິດການເມືອງເປັນປົກກະຕິ, ເປີດກອງປະຊຸມຮັບລາຍງານສ່ອງແສງຈາກ 3 ໜ່ວຍພັກຂຶ້ນກັບເປັນປົກກະຕິຕໍ່ເນື່ອງ,ປະກອບຄຳເຫັນໃສ່ບົດສໍາມະນາວິທະຍາສາດ "ການປັບປຸງລະບົບການປົກຄອງທ້ອງຖິ່ນ-ຮາກຖານຢູ່ ສປປ ລາວ" ຄະນະພັກຮາກຖານສຳເລັດການໃຫ້ສຳພາດຕໍ່ໂທລະພາບແຫ່ງຊາດລາວ ກ່ຽວກັບວຽກງານຊີ້ນຳນຳພາກໍ່ສ້າງພັກ ໃນວັນທີ 17 ມິຖຸນາ 2020 ເນື່ອງໃນໂອກາດສ້າງຂະບວນການຕ້ອນຮັບກອງປະຊຸມ 3 ຂັ້ນ ກໍຄື ກອງປະຊຸມໃຫຍ່ ຄັ້ງທີ XI ຂອງພັກ ປະຊາຊົນ ປະຕິວັດລາວ, ໃນວັນທີ 17 ມິຖຸນາ 2020 ຈັດຕັ້ງເຊື່ອມຊຶມເອກະສານເປີດກວ້າງ ແລະ ກົດລະບຽບພັກໃຫ້ມາຫະຊົນກ້າວໜ້າ ຈຳນວນ 12 ສະຫາຍ, ໃນວັນທີ 23 ມິຖຸນາ 2020 ຮອງເລຂາຄະນະພັກຮາກຖານ ແລະ ປະທານກວດກາຄະນະພັກຮາກຖານເຂົ້າຮ່ວມກອງປະຊຸມສຳມະນາວຽກງານປັບປຸງ ແລະ ກໍ່ສ້າງພັກຕາມທິດກໍ່ສ້າງພັກປອດໃສ, ເຂັ້ມແຂງ, ໜັກແໜ້ນ ແລະ ພິທີເປີດບັ້ນແຂ່ງຂັນສ້າງຂະບວນການຕ້ອນຮັບກອງປະຊຸມໃຫຍ່ ຄັ້ງທີ IX ຂອງອົງຄະນະພັກ ກະຊວງສຶກສາທິການ ແລະ ກິລາ ທີ່ຫ້ອງປະຊຸມວິທະຍາໄລເຕັກນິກປາກປ່າສັກ.

        ສ່ວນວຽກງານຂະຫຍາຍພັກ, ຄະນະພັກຮາກຖານໄດ້ຊຸກຍູ້ມະຫາຊົນຜູ້ທີ່ມີຄວາມຫ້າວຫັນຕໍ່ໜ້າທີ່ວຽກງານວິຊາສະເພາະ, ມີຄວາມຮັບຜິດຊອບຕໍ່ໜ້າທີ່ວຽກງານທີ່ໄດ້ຮັບມອບໝາຍ ແລະ ເປັນແບບຢ່າງທີ່ດີ ເພື່ອເຂົ້າເປັນສະມາຊິກພັກ ລະຫວ່າງເດືອນເມສາ ຫາ ມິຖຸນາ 2020 ສາມາດເລື່ອນສະມາຊິກພັກສຳຮອງຂຶ້ນສົມບູນ ຈຳນວນ 2 ສະຫາຍ, ຍິງ 1 ສະຫາຍ, ສະເໜີເລື່ອນສະມາຊິກພັກສຳຮອງຂຶ້ນສົມບູນ ຈຳນວນ 4 ສະຫາຍ, ຍິງ 1 ສະຫາຍ, ສະເໜີມະຫາຊົນກ້າວໜ້າເຂົ້າພັກສຳຮອງ ຈຳນວນ 5 ສະຫາຍ, ຍິງ 1 ສະຫາຍ, ສະເໜີມະຫາຊົນກ້າວໜ້າເຂົ້າຮຽນລະບຽບພັກ ຈຳນວນ 7 ສະຫາຍ, ຍິງ 5 ສະຫາຍ, ສະເໜີມະຫາຊົນກ້າວໜ້າຮຽນເປີດກວ້າງ ຈຳນວນ 5 ສະຫາຍ, ຍິງ 3 ສະຫາຍ.

        ວຽກງານກວດກາ ແລະ ປ້ອງກັນພັກ, ແມ່ນໄດ້ມີການແຕ່ງຕັ້ງໜ່ວຍງານສະເພາະກິດລົງກວດກາຄືນໃບປະກາດຂອງນັກສຶກສາທີ່ບໍ່ຖືກຕ້ອງໃນສົກຮຽນ 2018-2019, ປຸກລະດົມສະມາຊິກພັກ, ພະນັກງານ ມີສະຕິລະວັງຕົວ, ຕ້ານການແຊກແຊງຂອງພວກບໍ່ຫວັງດີຕໍ່ພັກຕໍ່ການຈັດຕັ້ງ ໂດຍສະເພາະແມ່ນຂໍ້ມູນຂ່າວສານທາງສັງຄົມອອນລາຍທີ່ບໍ່ມີມູນຄວາມຈິງ. ສ່ວນວຽກງານນຳພາປ້ອງກັນຊາດ-ປ້ອງກັນຄວາມສະຫງົບ ໄດ້ຈັດຕັ້ງການເວນຍາມພາຍໃນວິທະຍາໄລ ແລະ ສະຖານທີ່ອ້ອມຂ້າງເປັນປະຈຳ ເຮັດໃຫ້ພາຍໃນມີຄວາມສະຫງົບ ເປັນລະບຽບຮຽບຮ້ອຍ ແລະ ບໍ່ມີສະພາບບັນຫາຮ້າຍແຮງເກີດຂຶ້ນພາຍໃນຮາກຖານພັກ.

         ສຳລັບຄະນະ​ພັກຮາກຖານ ວິທະຍາໄລ ເຕັກນິກ ສັບພະວິຊາ ເປັນຮາກຖານພັກ​ໜຶ່ງທີ່ຂຶ້ນກັບອົງຄະນະພັກ ກະຊວງສຶກສາທິການ ແລະ ກິລາ ປະກອບມີ ຄະນະພັກຮາກຖານ 5 ສະຫາຍ, ​ຍິງ 1 ສະຫາຍ, ຄະນະກວດກາ 3 ສະຫາຍ, ຍິງ 2 ສະຫາຍ ແລະ ມີໜ້າທີ່ໃນການຊີ້ນໍາ 3 ໜ່ວຍພັກທີ່ຂຶ້ນກັບ ຄື: ໜ່ວຍພັກສຳນັກ, ໜ່ວຍພັກວິຊາສະເພາະ​ ແລະ ໜ່ວຍພັກຄຸ້ມຄອງກິດຈະກຳນັກສຶກສາ, ມີຄະນະໜ່ວຍພັກ 9 ສະຫາຍ, ຍິງ 1 ສະຫາຍ, ມີສະມາຊິກພັກທັງໝົດ 86 ສະຫາຍ, ຍິງ 25 ສະຫາຍ, ສຳຮອງ 10 ສະຫາຍ, ຍິງ 2 ສະຫາຍ, ສະມາຊິກພັກບຳນານ 19 ສະຫາຍ, ຍິງ 8 ສະຫາຍ.

 

Print Email