• moes
  • Border-schools
  • borther

ສວສ ຮ່ວມກັບ ວລ ຄູດົງຄຳຊ້າງ ແຂ່ງຂັນກິລາເຕະບານ ຮັບຕ້ອນກອງປະຊຸມໃຫຍ່ ຄັ້ງທີ lX ອົງຄະນະພັກ ສສກ ຢ່າງຟົດຟື້ນ

ສວສ ຮ່ວມກັບ ວລ ຄູດົງຄຳຊ້າງ ແຂ່ງຂັນກິລາເຕະບານ ຮັບຕ້ອນກອງປະຊຸມໃຫຍ່ ຄັ້ງທີ lX ອົງຄະນະພັກ ສສກ ຢ່າງຟົດຟື້ນ

118536093 1303607099833783 5817719953658180780 nສະຖາບັນຄົ້ນຄວ້າວິທະຍາສາດການສຶກສາ ຫຼື ສວສ ກະຊວງສຶກສາທິການ ແລະ ກິລາ ຮ່ວມກັບວິທະຍາໄລ (ວລ) ຄູດົງຄຳຊ້າງ ຈັດກິດຈະກຳແຂ່ງຂັນກິລາເຕະບານ  ນັດພິເສດ ມິດຕະພາບ ເພື່ອສ້າງຂະບວນການຄຳນັບຮັບຕ້ອນກອງປະຊຸມໃຫຍ່ ຄັ້ງທີ lX ຂອງອົງຄະນະພັກກະຊວງສຶກສາທິການ ແລະ ກິລາ ທີ່ຈະໄຂຂຶ້ນໃນເດືອນຕຸລານີ້ ຢ່າງມີຂະບວນການຟົດຟື້ນ ແລະ ເບີກບານມ່ວນຊື່ນ.

          ກິດຈະກຳໃນຄັ້ງນີ້ ມີຂຶ້ນ ເມື່ອວັນທີ 27 ສິງຫາ ຜ່ານມາ ທີ່ສະໜາມກິລາຫຍ້າທຽມ ວິກຕໍຣີ ບ້ານທ່າພະລານໄຊ ເມືອງສີສັດຕະນາກ ນະຄອນຫຼວງວຽງຈັນ, ໂດຍມີ ທ່ານ ສຸນສາຄອນ ສີປະເສີດ ຜູ້ອຳນວຍການສູນໂຄສະນາຂ່າວສານການສຶກສາ ແລະ ກິລາ ທັງເປັນປະທານສະຫະພັນກຳມະບານ ສວສ ແລະ ທ່ານ ສົມພອນ ຈັນທະມາລີ ແລະ ທ່ານ ບຸນເລີດ ສິງລັດຕະນະ ຮອງຜູ້ອຳນວຍການວິທະຍາໄລຄູດົງຄຳຊ້າງ ພ້ອມດ້ວຍຄະນະ ແລະ ບັນດາຫົວໜ້າ-ຮອງຫົວໜ້າຂະແໜງ, ພະນັກງານ, ຄູອາຈານ ແລະ 3 ອົງການຈັດຕັ້ງມະຫາຊົນ ທັງ 2 ພາກສ່ວນ ເຂົ້າຮ່ວມສ້າງຂະບວນການຢ່າງຟົດຟື້ນ ແລະ ມ່ວນຊື່ນ.

          ການແຂ່ງຂັນເຕະບານນັດພິເສດ ມິດຕະພາບ ເພື່ອຮັດແໜ້ອນຄວາມສາມັກຄີຮັກແພງລະຫວ່າງ 2 ພາກສ່ວນດັ່ງກ່າວ ຈັດຂຶ້ນ ກໍເພື່ອສ້າງຂະບວນການຄຳນັບຮັບຕ້ອນກອງປະຊຸມໃຫຍ່ ຄັ້ງທີ lX ຂອງອົງຄະນະພັກກະຊວງ ສສກ ທີ່ຈະໄຂຂຶ້ນໃນເດືອນຕຸລານີ້ ຢ່າງມີຂະບວນການຟົດຟື້ນ ຜ່ານການແຂ່ງຂັນຕະຫຼອດໄລຍະ 60 ນາທີ ຕັ້ງລະ 30 ນາທີ ຜົນປະກົດວ່າ: ທີມພະນັກງານ ຄູອາຈານ ວິທະຍາໄລຄູດົງຄຳຊ້າງ ອອກສະຕາດເກມໄດ້ດີກວ່າ ແລະ ເປັນຝ່າຍຍິງປະຕູອອກນຳໄປກ່ອນໃນເຄິ່ງເວລາທຳອິດ ແຕ່ໃນຕັ້ງສອງ ທີມສະຖາບັນຄົ້ນຄວ້າວິທະຍາສາດການສຶກສາ ແກ້ເກມໄດ້ດີ ພິກສະຖານະການແຊງກັບມາເອົາຊະນະ ໄປແບບຫວຸດຫວິດ 2-1 ປະຕູ.  

Print Email