• moes
  • Border-schools
  • borther

ສຶກສາ-ກິລາ ນວ ສະຫຼຸບປັ້ນສອບເສັງຈົບ ມ.4 ແລະ ມ.7 ສົກ 2019- 2020

ສຶກສາ-ກິລາ ນວ ສະຫຼຸບປັ້ນສອບເສັງຈົບ ມ.4 ແລະ ມ.7 ສົກ 2019- 2020

118540186 618528195520113 1366659764579060139 nພະແນກສຶກສາທິການ ແລະ ກິລາ ນະຄອນຫຼວງວຽງຈັນ (ນວ) ໄດ້ຈັດພິທີສະຫຼຸບຜົນການສອບເສັງຈົບຊັ້ນມັດທະຍົມສຶກສາຕອນຕົ້ນ (ມ.4) ແລະ ມັດທະຍົມສຶກສາຕອນປາຍ (ມ.7)  ແລະ ໃບ​ປະ​ກາດ​ແດງ ທົ່ວນະຄອນຫຼວງວຽງຈັນ ປະຈຳສົກຮຽນ 2019-2020 ໃນວັນທີ 27 ສິງຫາ ຜ່ານມາ ທີ່ໂຮງ​ຮຽນ ມ​ສ ວຽງ​ຈັນ, 

      ໂດຍໃຫ້​ກຽດ​ເປັນ​ປະ​ທານ​ຂອງທ່ານ ສີຫຸນ ສິດທິລືໄຊ ຮອງເຈົ້າຄອງ ນະຄອນຫຼວງວຽງຈັນ, ທ່ານ ສົມ​ພອນ ສອນ​ດາ​ລາ ຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ, ທ່ານ ມະ​ໂນ​ສິນ ມາ​ສະ​ວົງ​ດີ ຫົວ​ໜ້າ​ພະ​ແນກ​ບໍ​ລິ​ຫານ ກົມ​ສາ​ມັນ​ສຶກ​ສາ ຕາງ​ໜ້າ​ຈາກ​ກະ​ຊວງ​ສຶກ​ສາ​ທິ​ການ ແລະ ກິ​ລາ, ມີ ເຈົ້າເມືອງ-ຮອງເຈົ້າເມືອງ, ຄະນະພະແນກສຶກສາທິການ ແລະ ກິລາ ນະຄອນຫຼວງວຽງຈັນ, ຫົວໜ້າ-ຮອງຫົວໜ້າຫ້ອງການສຶກສາທິການ ແລະ ກິລາເມືອງ, ຫົວໜ້າ-ຮອງຫົວໜ້າຂະແໜງ,  ພະນັກງານວິຊາການ, ຄູອາຈານ, ນ້ອງນັກຮຽນ ຕະຫຼອດຮອດຜູ້ປົກຄອງເຂົ້າຮ່ວມ.

      ໃນພິທີ, ທ່ານ ສົມ​ພອນ ສອນ​ດາ​ລາ ໄດ້ກ່າວວ່າ: ທົ່ວນະຄອນຫຼວງວຽງຈັນ ມີໂຮງຮຽນມັດທະຍົມຕອນຕົ້ນ ແລະ ຕອນປາຍ ທັງໝົດ 180 ແຫ່ງ, ພາກເອກະຊົນມີ 76 ແຫ່ງ, ຈຳນວນນັກຮຽນທັງໝົດ 83.445  ຄົນ, ຍິງ 41.587, ຄູທັງໝົດມີ 4.519 ຄົນ, ຍິງ 2.628 ຄົນ. ໃນນັ້ນ, ນັກຮຽນ ມ.4 ມີ 11.421 ຄົນ, ຍິງ 5.681 ຄົນ, ມີໜ້າສອບເສັງຕົວຈິງ 11.368 ຄົນ, ຍິງ 5.674 ຄົນ, ແບ່ງເປັນ 28 ສູນສອບເສັງ, ໃຊ້ຫ້ອງສອບເສັງທັງໝົດ 576 ຫ້ອງ, ຫ້ອງລະ 20 ຄົນ, ກຳ​ມະ​ການ​ທັງ​ໝົດ 1.107 ຄົນ, ປະກອບມີ 6 ວິຊາສອບເສັງ ຄື: ວິຊາຄະນິດສາດ, ພາສາລາວ-ວັນນະຄະດີ, ວິທະຍາສາດທຳມະຊາດ, ວິທະຍາສາດສັງຄົມ, ສຶກສາພົນລະເມືອງ ແລະ ພາສາອັງກິດ, ຊຶ່ງຈັດສອບເສັງເອກະພາບກັນທົ່ວປະເທດລະຫວ່າງວັນທີ 22-24 ກໍ​ລະ​ກົດ 2020 ແລະ ສອບເສັງຄືນໃຫ້ນັກຮຽນທີ່ຂາດມີເຫດຜົນ ລະຫວ່າງວັນທີ 29-31 ກໍ​ລະ​ກົດ 2020, ເສັງໄດ້ທັງໝົດ 11.342 ຄົນ, ຍິງ 5.667 ຄົນ, ເທົ່າກັບ 99,77%, ​ສົມທຽບ​ໃສ່​ສົກ​ຮຽນ​ຜ່ານ​ມາ​ເພີ່ມ​ຂຶ້ນ 0,87%, ເສັງໄດ້ຮອບດ້ານທັງໝົດ ຈຳນວນ 1.008 ຄົນ, ຍິງ 657 ຄົນ ເທົ່າກັບ 8,87%,  ສົມທຽບ​ໃສ່​ສົກ​ຮຽນ​ຜ່ານ​ມາ​ເພີ່ມ​ຂຶ້ນ 3,2%, ເສັງ​ໄດ້​ໃບ​ປະ​ກາດ​ແດງ ຈຳ​ນວນ 29 ຄົນ, ຍິງ 23 ຄົນ, ສົມທຽບ​ໃສ່​ສົກ​ຮຽນ​ຜ່ານ​ມາ​ເພີ່ມ​ຂຶ້ນ ຈຳ​ນວນ 9 ຄົນ, ຍິງ 9 ຄົນ, ນັກຮຽນເສັງໄດ້ຄະແນນສູງສຸດ 58,41 ຈຳນວນ 1 ນ້ອງ.

      ສ່ວນນັກຮຽນ ມ.7 ມີ 9.707 ຄົນ, ຍິງ 4.874 ຄົນ, ແບ່ງເປັນ 22 ສູນສອບເສັງ, ໃຊ້ຫ້ອງສອບເສັງທັງໝົດ 492 ຫ້ອງ, ຫ້ອງລະ 20 ຄົນ ແລະ ກຳມະການ 1.107 ທ່ານ, ປະກອບມີ 4 ວິຊາສອບເສັງ ຄື: ວິຊາຄະນິດສາດ, ຊິີວະ​ສາດ, ພາສາລາວ-ວັນນະຄະດີ ແລະ ພູມ​ສາດ, ຈັດສອບເສັງເອກະພາບກັນທົ່ວປະເທດ ໃນລະຫວ່າງວັນທີ 2​9-30 ກໍ​ລະ​ກົດ 2020 ແລະ ສອບເສັງຄືນໃຫ້ນັກຮຽນທີ່ຂາດມີເຫດຜົນ ໃນລະຫວ່າງວັນທີ 3-5 ສິງ​ຫາ 2020, ເສັງໄດ້ທັງໝົດ 9.667 ຄົນ, ຍິງ 4.860 ຄົນ, ເທົ່າກັບ 99,59%, ສົມທຽບ​ໃສ່​ສົກ​ຮຽນ​ຜ່ານ​ມາ​ເພີ່ມ​ຂຶ້ນ 0,17%, ເສັງໄດ້ຮອບດ້ານທັງໝົດ ຈຳນວນ 2.581 ຄົນ, ຍິງ 1.593 ຄົນ ເທົ່າກັບ 26,59%, ສົມທຽບ​ໃສ່​ສົກ​ຮຽນ​ຜ່ານ​ມາ​ເພີ່ມ​ຂຶ້ນ 11,6%, ເສັງໄດ້ປະກາດສະນິຍະບັດແດງ ຈຳນວນ 39 ຄົນ, ຍິງ 31 ຄົນ, ສົມທຽບ​ໃສ່​ສົກ​ຮຽນ​ຜ່ານ​ມາ​ເພີ່ມ​ຂຶ້ນ ຈຳ​ນວນ 28 ຄົນ, ຍິງ 26 ຄົນ, ນັກຮຽນເສັງໄດ້ຄະແນນສູງສຸດ 39,28 ຈຳນວນ 1 ນ້ອງ, ຈຳ​ນວນໂຮງຮຽນທີ່ເສັງໄດ້ 100% ມີທັງ​ໝົດ 82 ໂຮງຮຽນສົມ​ທຽບ​ສົກ​ຮຽນ​ຜ່ານ​ມາເພີ່ມຂຶ້ນ 18 ໂຮງຮຽນ.

      ສະເພາະໂຮງຮຽນສົງ ມ.4 ມີຈຳນວນ 5 ໂຮງຮຽນ, ມີໜ້າສອບເສັງຕົວຈິງ 320 ອົງ, ເສັງໄດ້ທັງໝົດ ຈຳນວນ 317 ອົງ ເທົ່າກັບ 99,06% ແລະ ນັກຮຽນເກັ່ງຮອບດ້ານ  ຈຳນວນ 6 ອົງ ແລະ ໂຮງຮຽນສົງ ມ.7 ມີຈຳນວນ 2 ໂຮງຮຽນ, ມີໜ້າສອບເສັງຕົວຈິງ 351 ອົງ, ຂາດເສັງ 1 ອົງ, ເສັງໄດ້ທັງໝົດ ຈຳນວນ 351 ອົງ ເທົ່າກັບ 100% ແລະ ນັກຮຽນເກັ່ງຮອບດ້ານ ຈຳນວນ 74 ອົງ.

      ໂອກາດ​ດັ່ງກ່າວ, ທ່ານ ສີຫຸນ ສິດທິລືໄຊ  ​ໄດ້​ກ່າວສະ​ແດງ​ຍ້ອງຍໍ​ຊົມ​ເຊີຍມາຍັງການນຳ ກະຊວງສຶກສາທິການ ແລະ ກິລາ, ພະແນກສຶກສາທິການ ແລະ ກິລາ ນະຄອນຫຼວງວຽງຈັນ​, ຄະນະ​ຮັບຜິດຊອບ​ການ​ສອບ​ເສັງ, ອຳນາດການປົກຄອງ, ອົງການຈັດຕັ້ງຕ່າງໆ ຕະຫຼອດເຖິງຜູ້ປົກຄອງນັກຮຽນທີ່ໄດ້ໃຫ້ການສະໜັບສະໝູນຕະຫຼອດມາ ແລະ ສະແດງຄວາມຍ້ອງຍໍຊົມເຊີຍຜູ້ບໍລິຫານການສຶກສາທຸກຂັ້ນ, ຄູອາຈານຕະຫຼອດເຖິງນ້ອງນັກຮຽນທຸກຄົນທີ່ໄດ້ຕັດສິນໃຈໃນການຈັດຕັ້ງປະຕິບັດໜ້າທີ່ຂອງຕົນດ້ວຍຄວາຮັບຜິດຊອບສູງ ແລະ ໄດ້ຮັບຜົນສຳເລັດເປັນຢ່າງດີ, ບໍ່ວ່າການສອບເສັງຈົບ ປ.5, ມ.4, ມ.7 ແລະ ສາມາດຍາດໄດ້ໃບປະກາດແດງເພີ່ມຂຶ້ນ ອັນເຮັດໃຫ້ການນຳ, ຜູ້ບໍລິຫານ ແລະ ພໍ່ແມ່ຜູ້ປົກຄອງມີຄວາມພາກພູມໃຈ ແລະ ຕັ້ງໃຈສຶກສາຮ່ຳຮຽນຕໍ່ໄປໃຫ້ປະສົບຜົນສຳເລັດ.

ໃນ​ຕອນ​ທ້າຍພິທີ, ​ທ່ານຮອງເຈົ້າຄອງ ນະຄອນຫຼວງວຽງຈັນ ໄດ້​ມອບ​ປະ​ກາດ​ສະ​ນິ​ຍະ​ບັດ​ແດງໃຫ້ນັກຮຽນ, ໃບ​ຍ້ອງ​ຍໍ​ຊົມ​ເຊີຍ​ໃຫ້​ແກ່​ຄູ​ອາ​ຈານ, ນ້ອງ​ນັກ​ຮຽນ​ທີ່​ໄດ້​ປະ​ກອບ​ສ່ວນ​ເຂົ້າ​ໃນ​ໜ້າ​ທີ່​ວຽກ​ງານ​ດັ່ງ​ກ່າວອີກດ້ວຍ.

                                                   ໂດຍ: ສີວອນ (ສຶກສາ-ກິລາ ນວ)

 

Print Email