• moes
  • Border-schools
  • borther

ນັກສຶກສາ 14 ພັນກວ່າຄົນ ຮ່ວມສອບເສັງຄັດເລືອກເຂົ້າຮຽນ ມຊ ສົກ 2020-2021 ຂະນະທີ່ຮັບຕົວຈິງພຽງ 9 ພັນກວ່າຄົນ

ນັກສຶກສາ 14 ພັນກວ່າຄົນ ຮ່ວມສອບເສັງຄັດເລືອກເຂົ້າຮຽນ ມຊ ສົກ 2020-2021 ຂະນະທີ່ຮັບຕົວຈິງພຽງ 9 ພັນກວ່າຄົນ

118525214 652205438735994 1968286870977059061 nນັກສຶກສາຈຳນວນ 14.308 ຄົນ ໄດ້ຮ່ວມສອບເສັງຄັດເລືອກເຂົ້າຮຽນຢູ່ມະຫາວິທະຍາໄລແຫ່ງຊາດ (ມຊ) ສົກສຶກສາ 2020-2021 ຂະນະທີ່ຕົວເລກທີ່ຈະຮັບເອົາຕົວຈິງທັງໝົດພຽງ 9.356 ຄົນ. ເມື່ອວັນທີ 29 ສິງຫາ ຜ່ານມາ ທີ່ມະຫາວິທະຍາໄລແຫ່ງຊາດ (ມຊ) ໄດ້ຈັດສອບເສັງຄັດເລືອກເອົານັກສຶກສາເຂົ້າຮຽນສົກສຶກສາ 2020-2021 ໂດຍໃຫ້ກຽດເຂົ້າຮ່ວມຂອງທ່ານ ຮສ.ປອ ພຸດ ສິມມາລາວົງ ຮອງລັດຖະມົນຕີ ກະຊວງສຶກສາທິການ ແລະ ກິລາ, ທ່ານ ສຈ.ປອ ສົມສີ ຍໍພັນໄຊ ອະທິການບໍດີ ມະຫາວິທະຍາໄລແຫ່ງຊາດ, ພ້ອມດ້ວຍຮອງອະທິການບໍດີ ມະຫາວິທະຍາໄລແຫ່ງຊາດ, ບັນດາຄະນະກຳມະການຮັບຜິດຊອບການສອບເສັງ, ຄູອາຈານ ຕະຫຼອດຮອດນັກສຶກສາຢ່າງພ້ອມພຽງ.

      ໂອກາດດັ່ງກ່າວ, ທ່ານ ຮສ.ດຣ ຄຳຜົງ ນາມມະວົງມີໄຊ ຮອງອະທິການບໍດີ ມະຫາວິທະຍາໄລແຫ່ງຊາດ ໄດ້ກ່າວວ່າ: ການຈັດສອບເສັງຄັດເລືອກເອົານັກສຶກສາເຂົ້າຮຽນໃນສົກສຶກສາ 2020-2021 ແມ່ນມີນັກສຶກສາມາສອບເສັງທັງໝົດ 14.308 ຄົນ ແລະ ຈະຮັບເອົາຕົວຈິງທັງໝົດ 9.356 ຄົນ. ໃນນັ້ນ, ລວມທັງນັກສຶກສາໃນແຜນ ແລະ ລະບົບຕໍ່ເນື່ອງເຂົ້າໃນລະບົບປະລິນຍາຕີ (ຮຽນປົກກະຕິ) ທັງໝົດ 107 ສາຂາ, ລະບົບອະນຸປະລິນຍາ 4 ສາຂາ ທີ່ກວມເອົາ 13 ຄະນະ, ຊຶ່ງຄະນະວິຊາທີ່ນັກຮຽນໃຫ້ຄວາມສົນໃຈລົງທະບຽນເຂົ້າສອບເສັງຫຼາຍກວ່າໝູ່ ແມ່ນຄະນະອັກສອນສາດ (ສາຍພາສາຈີນ, ພາສາອັງກິດ), ຄະນະເສດຖະສາດ ແລະ ບໍລິຫານທຸລະກິດ (ສາຍວິຊາບໍລິຫານທຸລະກິດ, ການເງິນການທະນາຄານ ແລະ ການບັນຊີ), ການສອບເສັງປະກອບມີ 1 ສູນສອບເສັງໃຫຍ່ (ວິທະຍາເຂດດົງໂດກ), ໂດຍໄດ້ແບ່ງອອກເປັນ 17 ຈຸດສອບເສັງ, ມີ 600 ກວ່າຫ້ອງ ແລະ ໄດ້ສອບເສັງໃນ 8 ວິຊາ ຄື: ຄະນິດສາດ, ຟີຊິກສາດ, ເຄມີສາດ, ຊີວະສາດ, ພາສາລາວ-ວັນນະຄະດີ, ພູມສາດ ແລະ ວິຊາປະຫວັດສາດ.

      ນອກຈາກນີ້, ແມ່ນຍັງມີຈຸດສອບເສັງສຳຮອງ ເພື່ອຮອງຮັບນັກຮຽນທີ່ຫຼົງຫ້ອງ, ຫຼົງຈຸດສອບເສັງ, ພາຍຫຼັງສອບເສັງສຳເລັດແລ້ວ ຄາດວ່າຈະປະກາດຜົນການສອບເສັງພາຍໃນ 30 ວັນ, ໂດຍນັກສຶກສາ ສາມາດຕິດຕາມຜົນການສອບເສັງຜ່ານທາງເວັບໄຊຂອງ ມຊ (undefined ແລະ undefined, ເຟດບຸກເພດ ຂ່າວສານ ມຊ NUoL News, ວິທະຍຸຄື້ນ 103,7 MHz ອອກອາກາດເວລາ 10:30-11:00 ໂມງຂອງທຸກໆວັນອາທິດ), ຕິດປະກາດຢູ່ທີ່ສະໂມສອນໃຫຍ່ ມຊ ແລະ ພະແນກສຶກສາທິການ ແລະ ກິລາແຂວງ ໃນຂອບເຂດທົ່ວປະເທດ. ສຳລັບການລົງທະບຽນເຂົ້າຮຽນຂອງນັກສຶກສາຜູ້ທີ່ເສັງໄດ້ ແມ່ນຈະເລີ່ມແຕ່ມື້ປະກາດຜົນສອບເສັງເປັນຕົ້ນໄປ ແລະ ຈະເປີດການຮຽນການສອນຊັ້ນຮຽນປີທີ 1 ໃນວັນທີ 12 ຕຸລາ 2020.

        ທັງນີ້, ເພື່ອຮັກສາຄວາມໂປ່ງໃສ່ໃນການສອບເສັງ ມະຫາວິທະຍາໄລແຫ່ງຊາດ ໄດ້ມີນິຕິກຳແຕ່ລະຂັ້ນຕອນໃນການກະກຽມ, ຈັດຕັ້ງສອບເສັງ ແລະ ກວດກາຕ່າງໆ ແມ່ນໄດ້ນຳໃຊ້ລະບົບດີຈິຕອນ ຫຼື ລະບົບຄອມພິວເຕີເຂົ້າໃນການກວດບົດສອບເສັງ ແລະ ຊັບຊ້ອນປະກາດຜົນການສອບເສັງ.  ພ້ອມດຽວກັນນັ້ນ, ມຊ ຍັງໄດ້ກຽມຄວາມພ້ອມເພື່ອຄວບຄຸມ ແລະ ປ້ອງກັນການລະບາດຂອງພະຍາດໂຄວິດ-19 ທີ່ອາດຈະເກີດຂຶ້ນ ໂດຍການປະຕິບັດຕາມມາດຕະການຕ່າງໆທີ່ທາງຄະນະສະເພາະກິດ ມຊ ວາງອອກ, ໄດ້ກໍານົດໄລຍະຫ່າງຂອງຜູ້ເຂົ້າສອບເສັງ, ເຮັດບ່ອນລ້າງມືໃນແຕ່ລະຈຸດ, ມີເຈວ, ສະບູ ແລະ ແອວກໍຮໍໄວ້ລ້າງມື, ມີທີມແພດໝໍ, ວັດອຸນຫະພູມ, ແນະນໍາໃຫ້ພະນັກງານຄູອາຈານ ແລະ ນັກສອບເສັງ ຮັກສາໄລຍະຫ່າງຢ່າງໜ້ອຍ 1 ແມັດ ແນໃສ່ສະກັດກັ້ນ ແລະ ຫຼີກລ້ຽງການຕິດເຊື້ອພະຍາດໂຄວິດ-19.

ບົວລະພາ

Print Email