• moes
  • Border-schools
  • borther

ສູນໂຄສະນາຂ່າວສານ ເອ ຜ່ານເຂົ້າຮອບ 8 ທີມ ເປຕັງທົ່ວ ສວສ ຕ້ອນຮັບກອງປະຊຸມໃຫຍ່ ຄັ້ງທີ IX ອົງຄະນະພັກ ສສກ

ສູນໂຄສະນາຂ່າວສານ ເອ ຜ່ານເຂົ້າຮອບ 8 ທີມ ເປຕັງທົ່ວ ສວສ ຕ້ອນຮັບກອງປະຊຸມໃຫຍ່ ຄັ້ງທີ IX ອົງຄະນະພັກ ສສກ

118851322 444932399737693 3359939809210039040 n      ທີມສູນໂຄສະນາຂ່າວສານ ການສຶກສາ ແລະ ກິລາ ທີມ ເອ ຍັງຮັກສາຟອມເກັ່ງໄດ້ຢ່າງສວຍງາມໄລ່ເອົາຊະນະ ທີມພະແນກບໍລິຫານ+ຫ້ອງສະໝຸດ ຂາດຮອຍ 2-0 ເກມ ຜ່ານເຂົ້າໄປຢືນລໍຖ້າໃນຮອບ 8 ທີມເປັນທີ່ຮຽບຮ້ອຍ ໃນການແຂ່ງຂັນກິລາເປຕັງປະເພດທີມປະສົມ ລະດັບພະນັກງານພາຍໃນສະຖາບັນຄົ້ນຄວ້າວິທະຍາສາດການສຶກສາ ຫຼື ສວສ ກະຊວງສຶກສາທິການ ແລະ ກິລາ ເພື່ອສ້າງຂະບວນການຄຳຮັບຕ້ອນກອງປະຊຸມໃຫຍ່ ຄັ້ງທີ IX ຂອງອົງຄະນະພັກກະຊວງສຶກສາທິການ ແລະ ກິລາ ທີ່ຈະຈັດຂຶ້ນໃນເດືອນຕຸລານີ້ ໃຫ້ມີບັນຍາກາດຟົດຟື້ນ ແລະ ເບີກບານມ່ວນຊື່ນ. 

        ເມື່ອຕອນບ່າຍວັນທີ 3 ກັນຍາ ຜ່ານມາ ທີ່ສະໜາມເປຕັງ ສະຖາບັນຄົ້ນຄວ້າວິທະຍາສາດການສຶກສາ ໄດ້ສືບຕໍ່ແຂ່ງຂັນກິລາເປຕັງປະເພດທີມປະສົມ ເພື່ອຄຳນັບຮັບຕ້ອນຊອງປະຊຸມໃຫຍ່ ຄັ້ງທີ IX ຂອງອົງຄະນະພັກກະຊວງສຶກສາທິການ ແລະ ກິລາ ທີ່ຈະໄຂຂຶ້ນໃນມໆນີ້ ເປັນການລົງສະໜາມນັດທີ 2 ຂອງທີມສູນໂຄສະນາຂ່າວສານ ການສຶກສາ ແລະ ກິລາ ທີມເອ ພົບກັບ ທີມພະແນກບໍລິຫານ+ຫ້ອງສະໝຸດ ທີມ ເອ ທີ່ຫາກໍລົງສະໜາມນັດທຳອິດ ເນື່ອງຈາກຈັບສະຫຼາກໄດ້ເນີດມາຢືນລໍຖ້າໃນຮອບທີ 2 ຜ່ານການແຂ່ງຂັນຜົນປະກົດວ່າ: ທີມສູນໂຄສະນາຂ່າວສານ ທີມເອ ທີ່ນຳທີມໂດຍ ທ່ານ ສຸກສາຄອນ ສີປະເສີດ ມີທ່ານ ນາງ ສົມຈັນ ແກ້ວປະເສີດ ແລະ ທ່ານ ບົວລີ ວົງໂພສີ ໄລ່ເອົາຊະນະ ທີມພະແນກບໍລິຫານ+ຫໍສະໝຸດ ທີ່ປະກອບມີ ທ່ານ ນາງ ວັນນິຖາຈັນ, ທ່ານ ສູນທອນ ແລະ ທ່ານ ຄຳແພງ ໄປແບບຂາດຮອຍ 2-0 ເກມ 9-8 ແລະ 9-1 ຄະແນນ ຜ່ານເຂົ້າຮອບ 8 ທີມສຸດທ້າຍ ເປັນທີມທີ 2 ຂອງສູນໂຄສະນາຂ່າວສານ ຕໍ່ຈາກທີມ ຊີ ທີ່ໂຊກດີຈັບສະຫຼາກມາຢືນລໍຖ້າໃນຮອບນີ້. 

       ລາຍການນີ້ ຈັດແຂ່ງຂັນຂຶ້ນໃນທຸກໆວັນ ສະເພາະແຕ່ວັນຈັນຮອດວັນສຸກ ໃນໂມງເລີກການ ເລີ່ມແຂ່ງຂັນໃນເວລາ 15:30 ໂມງ ເປັນຕົ້ນໄປ ມີນັກກິລາເຂົ້າຮ່ວມທັງໝົດ 15 ຄະນະ ຈາກ 5 ສູນ ກໍຄື 5 ໜ່ວຍພັກ ທີ່ຂຶ້ນກັບ ສະຖາບັນຄົ້ນຄວ້າວິທະຍາສາດການສຶກສາ ປະກອບມີ: ສູນໂຄສະນາຂ່າວສານການສຶກສາ ແລະ ກິລາ, ພະແນກບໍລິຫານ-ຫ້ອງສະໝຸດ, ສູນພັດທະນາຫຼັກສູດ, ສູນຄົ້ນຄວ້າ ແລະ ປະເມີນຜົນ ແລະ ສູນພັດທະນາສື່ການຮຽນການສອນ ເຂົ້າຮ່ວມແຂ່ງຂັນ, ຊຶ່ງການແຂ່ງຂັນແມ່ນແບ່ງອອກເປັນ 3 ສາຍ ຄື: ສາຍ A, ສາຍ B ແລະ ສາຍ C ສາຍລະ 5 ທີມ, ຈັບສະຫຼາກປະສົບຄູ່ແຂ່ງຂັນໃຊ້ລະບົບ 2 ໃນ 3 (ເກມລະ 9 ຄະແນນ) ເສຍຕົກຮອບເລີຍ ຄັດເອົາທີມຊະນະຜ່ານເຂົ້າສູ່ຮອບຕໍ່ໄປ ຈົນເຖິງຮອບຊີງຊະນະເລີດ ໂດຍລາງວັນທີ 1, 2, 3 ຈະໄດ້ຮັບຂັນ 1 ໜ່ວຍ ພ້ອມເງິນສົດຈຳນວນໜຶ່ງ ແລະ ອັນດັບທີ 4 ຈະໄດ້ຮັບລາງວັນຊົມເຊີຍ ການແຂ່ງຂັນແມ່ນດຳເນີນຕັ້ງແຕ່ວັນທີ 31 ສິງຫາ ແລະ ຈະໃຫ້ສຳເລັດໃນກາງເດືອນຕຸລາ 2020.

        ສ່ວນການແຂ່ງຂັນຮອບຄັດເລືອກ ກຸ່ມ ຊີ ເມື່ອວັນທີ 2 ກັນຍາ ຜ່ານມາ ທີມພະແນກບໍລິຫານ-ຫ້ອງສະໝຸດ ທີມ ຊີ ເສຍໃຫ້ ສູນພັດທະນາສື່ການຮຽນການສອນ ທີມ ຊີ 1-2 ເກມ 9-4, 5-9 ແລະ 2-9 ຄະແນນ.  

 

Print Email