• moes
  • ໜ້າທຳອິດ
  • ຂ່າວສານ
  • ສສກ ລະນຶກວັນສ້າງຕັ້ງພັກ ປະຊາຊົນ ປະຕິວັດລາວຄົບຮອບ 66 ປີ ແລະ ວັນສຳຄັນຂອງຊາດ

ສສກ ລະນຶກວັນສ້າງຕັ້ງພັກ ປະຊາຊົນ ປະຕິວັດລາວຄົບຮອບ 66 ປີ ແລະ ວັນສຳຄັນຂອງຊາດ

       176525153 280622170376971 4359600251372437808 n

        ກະຊວງສຶກສາທິການ ແລະ ກິລາ (ສສກ)​ ໄດ້ຈັດພິທີປາຖະກະຖາ ເນື່ອງໃນວັນສ້າງຕັ້ງພັກ ປະຊາຊົນ ປະຕິວັດລາວ ຄົບຮອບ 66 ປີ ແລະ ວັນນັກຮົບເສຍອົງຄະ ແລະ ເສຍສະຫຼະຊີວິດ ເພື່ອປະເທດຊາດ ຄົບຮອບ 75 ປີ​ ເພື່ອເປັນການລະນຶກເຖິງວັນສຳຄັນຂອງຊາດ ແລະ ເຮັດໃຫ້ພະນັກງານໄດ້ຮັບຮູ້ ເຂົ້າໃຈເຖິງປະຫວັດການເຄື່ອນໄຫວຂອງຊາດ.​

        ພິທີ​ດັ່ງກ່າວ,​ ໄດ້ຈັດຂຶ້ນເມື່ອວັນທີ 12 ເມສາ ຜ່ານມາ​ ທີ່ຫ້ອງປະຊຸມ ມະຫາວິທະຍາໄລແຫ່ງຊາດ ໂດຍເປັນກຽດບັນຍາຍຂອງສະຫາຍ ນາງ ຂັນທະລີ ສີຣິພົງພັນ ຮອງເລຂາຄະນະພັກ ກະຊວງສຶກສາທິການ ແລະ ກິລາ, ມີຄະນະບໍລິຫານງານພັກກະຊວງ, ຄະນະພັກຮາກຖານ, ໜ່ວຍພັກຮາກຖານ, ພ້ອມດ້ວຍຄະນະ, ພະນັກງານຫຼັກແຫຼ່ງ ແລະ ສະມາຊິກພັກເຂົ້າຮ່ວມຮັບຟັງ.

        ການຈັດຕັ້ງປາຖະກະຖາໃນຄັ້ງນີ້, ແມ່ນເພື່ອເປັນການຫວນຄືນມູນເຊື້ອກ່ຽວກັບການກໍາເນີດຂອງພັກ ປະຊາຊົນ ປະຕິວັດລາວ ແລະ ຄວາມໝາຍສໍາຄັນຂອງພັກ​ 66 ປີ ແຫ່ງການຊີ້ນໍານໍາພາຂອງພັກປະຊາຊົນ ປະຕິວັດລາວ, ເສີມຂະຫຍາຍມູນເຊື້ອທາດແທ້ຂອງພັກ ປະຊາຊົນ ປະຕິວັດລາວ, ປຸກລະດົມນໍ້າໃຈຮັັກຊາດ, ຮັກລະບອບໃໝ່, ເປັນເຈົ້າຕົນເອງ, ສ້າງຄວາມເຂັ້ມແຂງດ້ວຍຕົນເອງ, ເຊີດຊູບົດບາດການນໍາພາຂອງພັກ ໄປພ້ອມກັບການປຸກລະດົມຂະບວນການແຂ່ງຂັນ “ຮັກຊາດ ແລະ ພັດທະນາ” ແລະ ເພື່ອໂຄສະນາ ອະທິບາຍຄວາມກະຕັນຍູຮູ້ຄຸນຂອງພັກ-ລັດ ຕໍ່ບັນດານັກຮົບທີ່ໄດ້ອຸທິດເລືອດເນື້ອເຫື່ອແຮງ ເພື່ອປະເທດຊາດ; ເພື່ອສືບຕໍ່ບຸກທະລຸດ້ານແນວຄິດ ຈິນຕະນາການ,​ ສ້າງໃຫ້ມີການຫັນປ່ຽນຢ່າງແຂງແຮງ ເລິກເຊິ່ງ ແລະ ຮອບດ້ານ,​ ສ້າງຄວາມຮັບຮູ້ແນວຄິດ ແລະ ການກະທຳ,​ ສົ່ງເສີມດ້ານດີ,​ ແກ້ໄຂບັນດາຂໍ້ຄົງຄ້າງ ແລະ ສິ່ງທ້າທາຍຕ່າງໆທີ່ເກີດຂຶ້ນ,​ ສ້າງຄວາມເຊື່ອໝັ້ນຂອງພະນັກງານ ແລະ ປະຊາຊົນບັນດາເຜົ່າຕໍ່ການນຳພາຂອງພັກ,​ ການຄຸ້ມຄອງຂອງລັດ,​ ເພີ່ມທະວີຄວາມຮັບຜິດຊອບປະກອບສ່ວນເຂົ້າໃນພາລະກິດປົກປັກຮັກສາ ແລະ ພັດທະນາປະເທດຊາດ ເພື່ອນນຳເອົາປະເທດຊາດກ້າວຂຶ້ນສູ່ຄວາມວັດທະນາຖາວອນ; ເພື່ອໂຄສະນາແນວທາງ,​ ນະໂຍບາຍຂອງພັກ-ລັດ,​ ຜົນສຳເລັດຂອງການປົກປັກຮັກສາ ແລະ ພັດທະນາປະເທດຊາດ​ ພາຍໃຕ້ການນຳພາຂອງພັກໃຫ້ແກ່ບັນດາປະເທດໃນສາກົນ ແລະພາກພື້ນ ຮັບຮູ້ເຂົ້າໃຈຕາມແນວທາງການຕ່າງປະເທດທີ່ພັກເຮົາໄດ້ວາງໄວ້;

    ຂະນະດຽວກັນນີ້, ຍັງເປັນການໂຄສະນາ ອະທິບາຍຄວາມກະຕັນຍູຮູ້ບຸນຄຸນຂອງພັກ-ລັດ​ ຕໍ່ບັນດານັກຮົບທີ່ໄດ້ອຸທິດເລືອດເນື້ອເຫື່ອແຮງ ເພື່ອປະເທດຊາດ,​ ເພື່ອການປະຕິວັດປົດປ່ອຍຊາດ ກໍຄື​ ການປົກປັກຮັກສາ ແລະ ສ້າງສາພັດທະນາປະເທດຊາດໃນປັດຈຸບັນ.​

           ນອກຈາກນັ້ນ, ໃນພິທິ​ ສະຫາຍ​ ນາງ​ ຂັນທະລີ​ ສີຣິພົງພັນ ແລະ ອະດີດການນຳ ໄດ້ພັດປ່ຽນກັນຂຶ້ນປາຖະກະຖາໃນແຕ່ລະຫົວຂໍ້.​

Print Email