ຜົນສໍາເລັດກອງປະຊຸມຝຶກອົບຮົມວິຊາຊີບໃຫ້ແກ່ຄູອາຈານສຶກສາເມືອງເລົ່າງາມ

ຜົນສໍາເລັດກອງປະຊຸມຝຶກອົບຮົມວິຊາຊີບໃຫ້ແກ່ຄູອາຈານສຶກສາເມືອງເລົ່າງາມ ແຂວງສາລະວັນໃນຫົວຂໍ້ ການປູກເຫັດນາງຟ້າ, ການຂະຫຍາຍພັນໄມ້, ການລ້ຽງສັດປີກ ແລະ ການລ້ຽງໝູ

Laongam 1 nLaongam 2n

ໃນຕອນທ່ຽງຂອງວັນທີ 7 ສິງຫາ 2019 ທີ່ຫ້ອງປະຊຸມສູນການສຶກສານອກໂຮງຮຽນພາກໃຕ້ໄດ້ມີພິທີປິດຊຸດອົບຮົມວິຊາຊີບໃນຫົວຂໍ້ ການປູກເຫັດນາງຟ້າ, ການຂະຫຍາຍພັນໄມ້, ການລ້ຽງສັດປີກ ແລະ ການລ້ຽງໝູ ທີ່ຝຶກໃຫ້ແກ່ຄູອາຈານທີ່ມາຈາກໂຮງຮຽນ ມ ສ 5 ແຫ່ງອ້ອມຂ້າງສຶກສາທິການ ແລະ ກິລາເມືອງ ເລົ່າງາມ ແຂວງ ສາລະວັນ. ໂດຍພາຍໃຕ້ການເປັນປະທານຂອງທ່ານ ພູຄໍາ ແກ້ວມຸງຄຸນ ເລຂາໜ່ວຍພັກ, ຮອງຜູ້ອໍານວຍການສູນທັງເປັນຜູ້ຊີ້ນໍາວຽກງານວິຊາຊີບ, ມີ ທ່ານຄໍາວຽນ ຂຸນສີຈັນ ພະນັກງານກໍ່ສ້າງຮາກຖານ ຕາງໜ້າຫ້ອງການສຶກສາທິການ ແລະ ກິລາເມືອງເລົ່າງາມ, ມີທັງ ທ່ານໄກ່ວັນ ຍິ່ງຍົງ ຮັກສາການຫົວໜ້າໜ່ວຍງານວິຊາຊີບ, ຄູຝຶກພ້ອມທັງນັກສໍາມະນາກອນເຂົ້າຮ່ວມຢ່າງພ້ອມພຽງ.

ໃນພິທີດັ່ງກ່າວຄູຝຶກແມ່ນໄດ້ຜ່ານບົດສະຫຼຸບການຈັດຕັ້ງປະຕິບັດໃນການຝຶກອົບຮົມໃນໄລຍະຜ່ານມາເຊິ່ງເຫັນໄດ້ວ່ານັກສໍາມະນາກອນສາມາດຮັບຮູ້ ແລະ ເຂົ້າໃຈຕໍ່ເນື້ອໃນທີ່ນໍາເຂົ້າອົບຮົມສາມາດປະເມີນໄດ້ຈາກການປະຕິບັດຕົວຈິງເຊີ່ງສາມາດປະຕິບັດດ້ວຍຕົນເອງໄດ້. ການຝຶກອົບຮົມດັ່ງກ່າວແມ່ນເນັ້ນການປະຕິບັດຕົວຈິງເປັນສ່ວນໃຫຍ່ເພື່ອໃຫ້ຜູ້ເຂົ້າຮ່ວມສມາດເຮັດດ້ວຍຕົນເອງໄດ້ ແລະ ສາມາດແນະນໍາຄົນອື່ນໄດ້.

ໃນຕອນທ້າຍປະທານກອງປະຊຸມກໍໄດ້ມີຄໍາເຫັນຊີ້ນໍາຕໍ່ນັກສໍາມະນາກອນທີ່ເຂົ້າຮ່ວມຝຶກອົບຮົມໃຫ້ໄດ້ເອົາໃຈໃສ່ນໍາເອົາຄວາມຮູ້ດັ່ງກ່າວໄປຜັນຂະຫຍາຍໃນຄອບຄົວ ແລະ ກົມກອງຂອງຕົນໃຫ້ເກີດຜົນ, ນໍາເອົາວິຊາຊີບເຂົ້າສອນໃນໂຮງຮຽນສາມັນເພື່ອເປັນການປູກຈິດສໍານຶກໃຫ້ນັກຮຽນສາມັນຢາກຮຽນວິຊາຊີບຫຼາຍຂື້ນຕາມທິດທາງຂອງລັດຖະບານ ແລະ ນໍາໄປສອນໃຫ້ແກ່ນັກຮຽນບໍາລຸງປະຊາຊົນໃນຂັ້ນຕໍ່ໄປ