ສູນການສຶກສານອກໂຮງຮຽນພາກໃຕ້ໄດ້ພັດທະນາບຸກຄະລາກອນຫົວຂໍ້ການບໍລິຫານຈັດການອົງກອນດ້ານການພັດທະນາສີມືແຮງງານ
- Details
- Category: ຂ່າວສານ
- Published: Tuesday, 25 December 2018 03:53
- Written by Super User
- Hits: 467
ສູນການສຶກສານອກໂຮງຮຽນພາກໃຕ້ໄດ້ພັດທະນາບຸກຄະລາກອນຫົວຂໍ້ການບໍລິຫານຈັດການອົງກອນດ້ານການພັດທະນາສີມືແຮງງານ
ສູນການສຶກສານອກໂຮງຮຽນພາກໃຕ້ໄດ້ພັດທະນາບຸກຄະລາກອນຫົວຂໍ້າການບໍລິຫານຈັດການອົງກອນດ້ານການພັດທະນາສີມືແຮງງານທີ່ແຂວງອຸບົນລາຊທານີ ລາຊນາຈັກໄທ, ດໍາເນີນການໂດຍສະຖາບັນພັດທະນາສີມືແຮງງານນາໆຊາດຮ່ວມກັບສະຖານບັນພັດທະນາສີມືແຮງງານ 7 ອຸບົນລາຊທານີ
ກອງປະຊຸມດັ່ງກ່າວໄດ້ຈັດຂື້ນທີ່ໂຮງແຮມ ເນວາດ້າຄອນເວນຊັນໂຮເທວ ແຂວງ ອຸບົນລາຊທານີໃຊ້ເວລາ 5 ວັນ ເຊີ່ງເລີ່ມແຕ່ວັນທີ 17-21 ທັນວາ 2018, ມີນັກສໍາມະນາກອນເຂົ້່າຮ່ວມ 20 ທ່ານ ເຊີ່ງມາຈາກ 7 ພາກສ່ວນຄື: ສູນການສຶກສານອກໂຮງຮຽນພາກໃຕ້, ສູນພັດທະນາສີມືແຮງງານແຂວງຈໍາປາສັກ, ພະແນກແຮງງານ ແລະ ສະຫວັດດີການສັງຄົມແຂວງຈໍາປາສັກ, ວິທະຍາໄລຄູປາກເຊ, ວິທະຍາໄລການເງິນພາກໃຕ້, ວິທະຍາໄລເຕັກນິກວິຊາຊີບແຂວງຈໍາປາສັກ ແລະ ມະຫາວິທະຍາໄລຈໍາປາສັກ. ໂດຍໃຫ້ກຽດເປັນປະທານໂດຍທ່ານ ຄໍາໃສ ໝື່ນຫຼວງ ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງຈໍາປາສັກ ຕ່າງໜ້າເຈົ້າແຂວງຈໍາປາສັກ ແລະ ທ່ານຫົວໜ້າແຮງງານແຂວງອຸບົນລາຊະທານີ, ຫົວໜ້າກົງສູນໃຫຍ່ໄທປະຈໍາລາວ ແລະ ລາວປະຈໍາໄທພ້ອມທັງເຈົ້າໜ້າທີ່ໆກ່ຽວຂ້ອງເຂົ້າຮ່ວມ.
ການຝຶກອົບບຮົມທາງວິທະຍາກອນຈາກລາຊນນາຈັກໄທໄດ້ນໍາສະເໜີພາກທິດສະດີໃຫ້ຂໍ້ຄິດ ແລະ ນໍາພາປະຕິບັດການບໍລິຫານຈັດການອົງກອນດ້ານການພັດທະນາສີມືແຮງງານພ້ອມນັ້ນຍັງໄດ້ນໍາພານັກສໍາມະນາກອນໄປທັດສະນະສຶກສາໄປເບິ່ງການບໍລິຫານ ແລະ ການຈັດການອົງກອນທັງພາກລັດ ແລະ ເອກະຊົນເຊີ່ງເຮັດໃຫ້ນັກສໍາມະນາກອນສາມາດຮູ້: ບົດບາດໜ້າທີ່ຂອງຜູ່ບບໍລິຫານ, ກົນລະຍຸດການບໍລິຫານ ແລະ ການວາາງແຜນກົນລະຍຸດໃນການບໍລິຫານຈັດການອົງກອນ, ການພັດທະນາວິທະຍາກອນຝຶກອົບຮົມແບບມືອາຊີບ, ການບໍລິຫານຊັບພະຍາກອນ, ການປະກັນຄຸນນະພາບ ແລະ ປະເມີນຜົນການຝຶກອົບຮົມ ແລະ ປະຍຸກໃຊ້ ICT ໃນການບໍລິຫານຈັດການອົງກອນ ເຊີ່ງເຮັດໃຫ້ຜູ່ເຂົ້າຮ່ວມມີຈິນຕະນາການໃຫ້ເຂົ້າກັບອົງກອນຂອງຕົນໄດ້ເປັນຢ່າງດີ.
ໂດຍ: ໄກ່ວັນ ຍິ່ງຍົງ