9 ໜ່ວຍພັກ ຮັບ​ໃບ​ຢັ້ງຢືນ​ເປັນໜ່ວຍພັກ​ ປອດ​ໃສ,​ເຂັ້ມແຂງ,ໜັກ​ແໜ້ນ

ໃບຢງຢນປປ

9 ໜ່ວຍພັກ ຮັບ​ໃບ​ຢັ້ງຢືນ​ເປັນໜ່ວຍພັກ​ ປອດ​ໃສ,​ເຂັ້ມແຂງ,ໜັກ​ແໜ້ນ

​                              ເມື່ອ​ວັນ​ທີ 31/5/2019 ຜ່ານ​ມາ, ຮາກ​ຖານ​ພັກ​ພະ​ແນ​ກສຶກສາ​ທິການ​ແລະ​ກິລາ​ແຂວງ​ຈຳປາ​ສັກ ​ໄດ້​ຈັດ​ພິທີ​ມອບ​ໃບ​ຢັ້ງຢືນ​ໃຫ້​ແກ່ 9ໜ່ວຍພັກ​ທີ່​ຂຶ້ນ​ກັບ ​ໃນ​ນັ້ນ​ມີໜ່ວຍພັກສູນ​ກາ​ສຶກສານ​ອກ​ໂຮ​ງຮຽນ​ພາກ​ໃຕ້,ໂດຍການເປັນປະທານຂອງທ່ານ ນິພອນ  ວຽງ​ປະ​ເສີດ ຄະນະ​ປະຈຳ​ພັກ​ແຂວງ,ຫົວໜ້າຄະນະ​ຈັດ​ຕັ້ງ​ແຂວງ.ມີ​ສະຫາຍ ນາງ​ແສງ​ສູ​ວັນ  ຊຸຍ​ພະ​ສິດ ກຳມະການ​ພັກ​ແຂວງ ​ເລຂາ​ພັກ​ຮາກ​ຖານ-ຫົວໜ້າ​ພະ​ແນ​ກສຶກສາ​ທິການ​ແລະ​ກິລາ​ແຂວງ,ຄະນະ​ກຳມະການ​ກວດກາ-ປະ​ເມີນ​ຜົນ​ຂັ້ນ​ແຂວງ,ພ້ອມ​ດ້ວຍ​ຄະນະໜ່ວຍພັກ,ສາມາ​ຊີກ​ພັກທັງ 10ໜ່ວຍທີ່​ຂຶ້ນ​ກັບ​ເຂົ້າ​ຮ່ວມ.

                              ​ໃນ​ພິທີ ​ໄດ້​ຜ່ານ​ມະຕິ​ຕົກລົງ​ຂອງ​ຄະນະ​ປະຈຳ​ພັກ​ແຂວງ,ອີງຕາມ​ຄຳ​ສັ່ງ​ກົມ​ການ​ເມືອງ​ສູນ​ກາງ​ພັກ​ສະບັບ​ເລກທີ 01/ກມສພ,ວ່າ​ດ້ວຍ​ການ​ເພີ້​ມທະວີ​ການ​ກໍ່ສ້າງໜ່ວຍພັກ ປອດ​ໃສ,​ເຂັ້ມ​ແຂງ,ໜັກ​ແໜ້ນ​ແລະ​ອີງ​ຕາມ​ການ​ເຄື່ອນ​ໄຫວ​ຈັດ​ຕັ້ງ​ປະຕິບັດ​ຕົວ​ຈິງ​ຂອງ​ການຈັດ​ຕັ້ງ​ຮາກ​ຖານ​ພັກ,ໜ່ວຍພັກ ​ໂດຍ​ຜ່ານ​ການ​ເຫັນ​ດີ​ຂອງ​ຄະນະ​ປະຈຳ​ພັກ​ແຂວງ,​ເພື່ອ​ເປັນ​ການ​ຢັ້ງຢືນ​ເຖິງ​ຜົນງານ​ການ​ເຄື່ອນ​ໄຫວ​ວຽກ​ງານ​ຂອງ​ແຕ່ລະໜ່ວຍທີ່​ມີ​ຄວາມ​ຫ້າວຫັນ ຕັ້ງໜ້າປະຕິບັດໜ້າທີ່​ຕາມ​ການ​ມອບໝາຍ​ໃຫ້.

                    ​          ​ໂອກາດ​ດັ່ງກ່າວ ສະຫາຍ  ນິພອນ  ວຽງ​ປະ​ເສີດ  ​ໄດ້​ສະ​ແດງ​ຄວາມ​ຍ້ອງຍໍ ຊົມ​ເຊີຍ ທັງ 9ໜ່ວຍພັກ​ທີ່​ໄດ້​ຮັບ​ໃບ​ຢັ້ງຢືນ ຊຶ່ງ​ມັນສະ​ແດງ​ອອກ​ໃຫ້​ເຫັນ​ເຖິງ​ຜົນງານ​ການ​ເຄື່ອນ​ໄຫວ​ທີ່​ພົ້ນ​ເດັ່ນ​ຂອງ​ແຕ່ລະໜ່ວຍ,ສາມາ​ຊິກ ມີ​ຄວາມ​ບຸກບືນ​ຫ້າວຫັນພັດທະນາ​ວຽກ​ງານ​ຂອງ​ຕົນ​ດ້ວຍ​ຄວາມ​ຮັບຜິດຊອບ​ສູງ,ພ້ອມ​ກັນ​ນັ້ນ ສະຫາຍ​ຍັງ​ໄດ້​ເນັ້ນໜັກ​ໃຫ້​ແຕ່ລະໜ່ວຍພັກ​ຮັກສາ​ມູນ​ເຊື້ອ​ແລະ​ສືບ​ຕໍ່​ປະຕິບັດ​ນຳພາ-ຊີ້​ນຳ ໜ້າທີ່​ວຽກ​ງານ​ທີ່​ມອບໝາຍ​ໃຫ້​ດີ​ຂຶ້ນ.

                                                                                                          ( ​ໂດຍ: ລູກ​ຂອງ​ພັກ )