whatsapp_image_2024-09-10_at_14.21.25_5ed63d2d.jpg

 ວິດີໂອພັດທະນາຄູ ບົດເລື່ອງ 2 ເສັ້ນທາງ

Picture1

 

 

 

ຂ່າວການເຄື່ອນໄຫວ Hits: 402

ສສກ-ລັດຖະບານອົດສະຕຣາລີ ສ້າງເຄື່ອງມືປະເມີນການຄຸ້ມຄອງ ວຽກງານຄວາມສະເໝີພາບຍິງ-ຊາຍ

ໃນລະຫວ່າງວັນທີ 10-14 ສິງຫາ 2026 ຢູ່ທີ່ເມືອງວັງວຽງ ແຂວງວຽງຈັນ, ກະຊວງສຶກສາທິການ ແລະ ກິລາ (ສສກ) ໂດຍໄດ້ຮັບການສະໜັບສະໜູນຈາກລັດຖະບານອົດສະຕຣາລີ ຜ່ານແຜນງານບີຄວາ (BEQUAL) ໄດ້ຈັດກອງປະຊຸມສ້າງເຄື່ອງມືປະເມີນການຄຸ້ມຄອງ ວຽກງານຄວາມສະເໝີພາບຍິງ-ຊາຍ (Gender Equitable Management Tool) ຄັ້ງທີ 2 ໂດຍການເປັນປະທານຂອງ ທ່ານ ພິມມະສອນ ສີສະອາດ ຮອງຫົວໜ້າຫ້ອງການ ກະຊວງສຶກສາທິການ ແລະ ກິລາ, ມີຜູ້ເຂົ້າຮ່ວມຢ່າງພ້ອມພຽງຈາກຫຼາຍພາກສ່ວນ ເປັນຕົ້ນແມ່ນ ຮອງຫົວໜ້າຫ້ອງການ, ຫົວໜ້າພະແນກ ແລະ ວິຊາການ ຈາກຫ້ອງການກະຊວງ ສສກ ແລະ ກົມຈັດຕັ້ງ; ຫົວໜ້າ-ຮອງຫົວໜ້າຂະແໜງ ແລະ ວິຊາການ ຈາກພະແນກສຶກສາທິການ ແລະ ກິລາ ແຂວງ (ຜົ້ງສາລີ, ບໍ່ແກ້ວ, ຫຼວງນໍ້າທາ, ຊຽງຂວາງ, ຫົວພັນ, ຄໍາມ່ວນ, ສະຫວັນນະເຂດ ແລະ ເຊກອງ); ວິຊາການຈາກຫ້ອງການສຶກສາທິການ ແລະ ກິລາ ເມືອງຫຼວງນໍ້າທາ ແລະ ເມືອງສິງ; ພ້ອມດ້ວຍ ຫົວໜ້າພະແນກ, ຫົວໜ້າພາກວິຊາ, ຄູ-ອາຈານ ຈາກມະຫາວິທະຍາໄລແຫ່ງຊາດ, ວິທະຍາໄລຄູ (ຫຼວງນໍ້າທາ, ຫຼວງພະບາງ, ສະຫວັນນະເຂດ, ປາກເຊ) ແລະ ທີມງານຈາກແຜນງານບີຄວາ.

ໂອກາດນີ້, ທ່ານ ພິມມະສອນ ສີສະອາດ ໄດ້ມີຄຳເຫັນເນັ້ນໃຫ້ເຫັນເຖິງຄວາມສໍາຄັນຂອງກອງປະຊຸມວ່າ: ກອງປະຊຸມຄັ້ງນີ້ ມີຄວາມສໍາຄັນຢ່າງຍິ່ງ ໃນການຍົກລະດັບການເຊື່ອມສານວຽກງານຄວາມສະເໝີພາບຍິງ-ຊາຍ ເຂົ້າໃນການຄຸ້ມຄອງ ແລະ ການປະຕິບັດວຽກງານຂອງຂະແໜງການສຶກສາ, ວິທະຍາສາດ ແລະ ກິລາ ໃຫ້ເປັນລະບົບ, ມີປະສິດທິພາບ ແລະ ສາມາດວັດແທກໄດ້ຢ່າງເປັນຮູບປະທໍາ. ຄວາມສະເໝີພາບຍິງ-ຊາຍ ບໍ່ແມ່ນພຽງແຕ່ເປັນນະໂຍບາຍເທົ່ານັ້ນ, ແຕ່ຈໍາເປັນຕ້ອງຖືກນໍາໄປປະຕິບັດໃນທຸກຂັ້ນຕອນຂອງການວາງແຜນ, ການບໍລິຫານ, ການຈັດສັນຊັບພະຍາກອນ, ການຕິດຕາມ ແລະ ການປະເມີນຜົນ. ດັ່ງນັ້ນ, ການມີເຄື່ອງມືປະເມີນທີ່ມີມາດຕະຖານ ແລະ ສອດຄ່ອງກັບບໍລິບົດຂອງ ສປປ ລາວ ຈະເປັນກົນໄກສໍາຄັນ ທີ່ຊ່ວຍໃຫ້ຂະແໜງການສາມາດປະເມີນຈຸດແຂງ, ຈຸດອ່ອນ ແລະ ກຳນົດແນວທາງການປັບປຸງໄດ້ຢ່າງຊັດເຈນ ພ້ອມທັງນໍາໄປໃຊ້ໄດ້ຢ່າງມີຜົນສັກສິດ.

ຕະຫຼອດໄລຍະການດໍາເນີນກອງປະຊຸມ, ຜູ້ເຂົ້າຮ່ວມໄດ້ຮັບການສ້າງຄວາມເຂັ້ມແຂງ ກ່ຽວກັບການເຊື່ອມສານຄວາມສະເໝີພາບຍິງ-ຊາຍ ເຂົ້າໃນການບໍລິຫານຄຸ້ມຄອງ ແລະ ການປະຕິບັດວຽກງານຕົວຈິງ. ພ້ອມດຽວກັນນັ້ນ, ກໍໄດ້ຮ່ວມກັນທົບທວນຮ່າງຕົວຊີ້ບອກ ໂດຍປຽບທຽບກັບບັນດາເອກະສານນະໂຍບາຍ, ນິຕິກໍາ ແລະ ກົດໝາຍທີ່ກ່ຽວຂ້ອງຂອງຂະແໜງການສຶກສາ, ວິທະຍາສາດ ແລະ ກິລາ ລວມທັງນິຕິກຳຂອງ ສປປ ລາວ ເພື່ອຮັບປະກັນໃຫ້ຕົວຊີ້ບອກມີຄວາມສອດຄ່ອງ ແລະ ຄົບຖ້ວນ. ນອກຈາກນີ້, ຍັງໄດ້ປຶກສາຫາລືກ່ຽວກັບວິທີການ ແລະ ຂັ້ນຕອນໃນການຈັດຕັ້ງປະຕິບັດເຄື່ອງມືດັ່ງກ່າວ ເພື່ອໃຫ້ສາມາດນໍາໄປໝູນໃຊ້ໃນສະພາບຕົວຈິງໄດ້ຢ່າງມີປະສິດທິ772685587_1354578429989231_1756778953192402872_n.jpgຜົນ.

 

ຄັງປັນຍາລາວ

khangpanyasize00

ຖານຂໍ້ມູນການຮຽນການສອນ ຄັງປັນຍາລາວ

ຍຸດທະສາດ ດິຈິຕອນສໍາລັບການສຶກສາ2025-2035
ພາສາລາວ
Digital Strategy for Education Lao PDR
ພາສາອັງກິດ
ຍຸດທະສາດ ແລະ ແຜນພັດທະນາ ວິທະຍາສາດ
ເຕັກໂນໂລຊີນະວັດຕະກຳແຫ່ງຊາດ 2026-2040

🔔 ແຈ້ງການເພີ່ມທະວີແກ້ໄຂບັນຫາ ຜົນກະທົບຈາກລາຄານໍ້າມັນເຊື້ອໄຟ ສະບັບເລກທີ 1109/ຫກ ລົງວັນທີ 17 ມີນາ 2026

🔔 ແຈ້ງການປັບອັດຕາກິນຢູ່-ພັກເຊົາ ສໍາລັບພະນັກງານທີ່ເຂົ້າຮ່ວມກອງປະຊຸມ ຂອງບັນດາໂຄງການ ທີ່ ອົງການຈັດຕັ້ງສາກົນທີ່ບໍ່ສັງກັດລັດຖະບານ (ອສບລ) ໃຫ້ການຊ່ວຍເຫຼືອ ຢູ່ ສປປ ລາວ

♦ ຫ້ອງການປະສານງານສາກົນເພື່ອການສຶກສາ, ກົມແຜນການ ແລະ ການເງິນ ມີຈຸດປະສົງຂໍລົງປະກາດເຊີນຜູ້ ສົນໃຈ ເພື່ອດໍາເນີນການສົມທຽບລາຄາການຈັດພິມປຶ້ມຈໍານວນ 1 ລາຍການ ສະໜອງ ໃຫ້ກົມຈັດຕັ້ງ, ກະຊວງສຶກສາທິການ ແລະ ກິລາ. ພາຍໃຕ້ ໂຄງການກອງທຶນຮ່ວມມືສາກົນເພື່ອການສຶກສາໄລຍະສາມ (GPE III-LEAP), ກະຊວງສຶກສາທິການ ແລະ ກິລາ (Credit No. 6854 - LA).  ໃນວັນທີ 6 ສິງຫາ -9 ກັນຍາ 2026, ດັ່ງລາຍລະອຽດໄດ້ຄັດຕິດເອກະສານປະກາດມາພ້ອມນີ້ (1 ສະບັບ) ຜູ້ທີ່ສົນໃຈ ສາມາດຕິດຕໍ່ພົວພັນໄດ້ທີ່::
ໂທ: +856 21 243672 ຫລື 020 5459 5936
e-mail: This email address is being protected from spambots. You need JavaScript enabled to view it., cc This email address is being protected from spambots. You need JavaScript enabled to view it.  (1 ສະບັບ)⇒ ເອກກະສານຄັດຕິດ