whatsapp_image_2024-09-10_at_14.21.25_5ed63d2d.jpg

 ວິດີໂອພັດທະນາຄູ ບົດເລື່ອງ 2 ເສັ້ນທາງ

Picture1

 

 

 

ຂ່າວການເຄື່ອນໄຫວ Hits: 459

ເປີດການແຂ່ງຂັນກິລາເປຕັງທົ່ວປະເທດ ຊີງຂັນລະດັບຊາດ ຄັ້ງທີ II ຢູ່ແຂວງບໍລິຄຳໄຊ

     555443281_1366641022130369_5149960139486783286_n.jpg
 
         ວັນທີ 26 ກັນຍາ 2025 ທີ່ສະໜາມກິລາເປຕັງໃນຮົ່ມ ແຂວງບໍລິຄຳໄຊ ໄດ້ຈັດພິທີເປີດການແຂ່ງຂັນກິລາເປຕັງທົ່ວປະເທດ ຊີງຂັນລະດັບຊາດ ຄັ້ງທີ II ຢ່າງເປັນທາງການ ໃຫ້ກຽດເຂົ້າຮ່ວມມີທ່ານ ສຈ.ປອ ກິແກ້ວ ໄຂຄຳພິທູນ ຮອງນາຍົກລັດຖະມົນຕີ ແຫ່ງ ສປປລາວ, ທ່ານ ປອ ສອນທະນູ ທໍາມະວົງ ເຈົ້າແຂວງບໍລິຄຳໄຊ ແລະ ທ່ານ ກິ່ງມະໂນ ພົມມະຫາໄຊ ຮອງລັດຖະມົນຕີກະຊວງສຶກສາທິການ ແລະ ກິລາ ພ້ອມດ້ວຍບັນດານັກກິລາ, ຕົວແທນຈາກແຕ່ລະແຂວງ, ກະຊວງ ແລະ ອົງການຈັດຕັ້ງຕ່າງໆໃນຂອບເຂດທົ່ວປະເທດເຂົ້າຮ່ວມ.
ທ່ານ ຄຳແຫວນ ປັນຍານູວົງ ຮອງເລຂາພັກແຂວງບໍລິຄຳໄຊ ໄດ້ລາຍງານການກະກຽມການແຂ່ງຂັນກິລາເປຕັງທົ່ວປະເທດ ຊີງຂັນລະດັບຊາດ ຄັ້ງທີ II ໃນຄັ້ງນີ້, ແຂວງບໍລິຄຳໄຊ ໄດ້ເຊີນສະຫະພັນກິລາເປຕັງ 17 ແຂວງ ແລະ 1 ນະຄອນຫຼວງ, ອົງການທຽບເທົ່າຂັ້ນສູນກາງ, ສະໂມສອນກິລາເປຕັງທົ່ວປະເທດ ແລະ ພາກສ່ວນຕ່າງໆ ເພື່ອເຂົ້າຮ່ວມການແຂ່ງຂັນ; ມາຮອດປັດຈຸບັນ ມີນັກກິລາ 16 ແຂວງ, 5 ກະຊວງ ເຂົ້້າຮ່ວມ ລວມມີ 21 ພາກສ່ວນ ແລະ 21 ສະໂມສອນ, ມີ 235 ທີມ, ຊຶ່ງມີການນໍາ, ຄູຝຶກ, ນັກກິລາເຂົ້້າຮ່ວມທັງໝົດ 443 ຄົນ ແຂວງທີ່ສົ່ງທີມນັກກິລາເຂົ້້າຮ່ວມຫຼາຍກວ່າໝູ່ ແມ່ນແຂວງເຈົ້້າພາບ ແຂວງບໍລິຄໍາໄຊ 46 ທີມ, ຮອງລົງມາ ຄະນະໂຄສະນາອົບຮົມສູນກາງພັກ 19 ທີມ, ແຂວງສາລະວັນ 15 ທີມ, ສ່ວນແຂວງຄໍາມ່ວນ ແລະ ສະຫວັນນະເຂດ ແຂວງລະ 12 ທີມ. ສຳລັບການແຂ່ງຂັນໃນຄັ້ງນີ້ ມີການຊີງໄຊທັງໝົດ 7 ຫຼຽນ​ຄຳ, 7 ຫຼຽນ​ເງິນ ແລະ 7 ຫຼຽນ​ທທອງ ໃນ 7 ລາຍການ ຄື: ລາຍການຊຸດຕິ້ງຊາຍ-ຍິງ, ດ່ຽວຊາຍ-ຍິງ, ທີມຄູ່ຊາຍ, ທີມຄູ່ປະສົມຊາຍ-ຍິງ ແລະ ທີມຄູ່ VIP (ອາຍຸ 50 ປີຂຶ້ນໄປ ບໍ່ຈໍາກັດເພດ).
555006681_1366641045463700_6074232314900437805_n.jpg
        ທ່ານ ຄຳແຫວນ ປັນຍານຸວົງ ກໍໄດ້ກ່າວເປີດການແຂ່ງຂັນຢ່າງເປັນທາງການ ຊຶ່ງການແຂ່ງຂັນໃນຄັ້ງນີ້ ແມ່ນເພື່ອເປັນການປຸກລະດົມ, ກະຕຸກຊຸກຍູ້ ທັງເປັນການສົ່ງເສີມການທ່ອງທ່ຽວ ແລະ ພັດທະນາວຽກງານກິລາ-ກາຍະກໍາ ແລະ ເປັນການຜູກແໜ້ນຄວາມສາມັກຄີ, ດຶງດູດການທ່ອງທ່ຽວຕິດພັນກັບການສ້າງຂະບວນການຕ້ອນຮັບວັນຊາດ ທີ 2 ທັນວາ ທີ່ໃກ້ຈະມາເຖິງນີ້. ພ້ອມດຽວກັນນີ້ ກໍເປັນການຫັນເອົາວຽກງານກິລາ-ກາຍະກຳລົງສູ່ທ້ອງຖິ່ນ ເພື່ອພັດທະນາຊັບພະຍາກອນມະນຸດໃຫ້ມີຄວາມເຂັ້ມແຂງ, ມີພະລານາໄມສົມບູນ, ປຸກລະດົມຊຸກຍູ້ທົ່ວສັງຄົມ, ໂດຍສະເພາະແມ່ນເຍົາວະຊົນຊາວໜຸ່ມ ແລະ ທຸກຊັ້ນຄົນໃຫ້ຫັນມາຫລິ້ນກິລາຢ່າງກວ້າງຂວາງ ເພື່ອຫຼີກຫ່າງຈາກສິ່ງເສບຕິດອື່ນໆ ທີ່ເປັນປະກົດການຫຍໍ້ທໍ້ໃຫ້ແກ່ສັງຄົມ.
ໂອກາດທີ່ມີຄວາມໝາຍທ່ານຮອງນານົກ ຍັງໄດ້ເປັນກຽດ ລັ່ນຄ້ອງ 9 ບາດ ແລະ ໂຍນລູກບຸ່ນເພື່ອເປັນສັນຍາລັກເປີດການແຂ່ງຂັນກິລາເປຕັງທົ່ວປະເທດ ຊີງຂັນລະດັບຊາດ ຄັ້ງທີ II ທີ່ແຂວງບໍລິຄຳໄຊຢ່າງເປັນທາງການ.
ຂ່າວ-ພາບ : ວຽງສະຫວັນ

 

ຄັງປັນຍາລາວ

khangpanyasize00

ຖານຂໍ້ມູນການຮຽນການສອນ ຄັງປັນຍາລາວ

ຍຸດທະສາດ ດິຈິຕອນສໍາລັບການສຶກສາ2025-2035
ພາສາລາວ
Digital Strategy for Education Lao PDR
ພາສາອັງກິດ
ຍຸດທະສາດ ແລະ ແຜນພັດທະນາ ວິທະຍາສາດ
ເຕັກໂນໂລຊີນະວັດຕະກຳແຫ່ງຊາດ 2026-2040

🔔 ແຈ້ງການເພີ່ມທະວີແກ້ໄຂບັນຫາ ຜົນກະທົບຈາກລາຄານໍ້າມັນເຊື້ອໄຟ ສະບັບເລກທີ 1109/ຫກ ລົງວັນທີ 17 ມີນາ 2026

🔔 ແຈ້ງການປັບອັດຕາກິນຢູ່-ພັກເຊົາ ສໍາລັບພະນັກງານທີ່ເຂົ້າຮ່ວມກອງປະຊຸມ ຂອງບັນດາໂຄງການ ທີ່ ອົງການຈັດຕັ້ງສາກົນທີ່ບໍ່ສັງກັດລັດຖະບານ (ອສບລ) ໃຫ້ການຊ່ວຍເຫຼືອ ຢູ່ ສປປ ລາວ

♦ ຫ້ອງການປະສານງານສາກົນເພື່ອການສຶກສາ, ກົມແຜນການ ແລະ ການເງິນ ມີຈຸດປະສົງຂໍລົງປະກາດເຊີນຜູ້ ສົນໃຈ ເພື່ອດໍາເນີນການສົມທຽບລາຄາການຈັດພິມປຶ້ມຈໍານວນ 1 ລາຍການ ສະໜອງ ໃຫ້ກົມຈັດຕັ້ງ, ກະຊວງສຶກສາທິການ ແລະ ກິລາ. ພາຍໃຕ້ ໂຄງການກອງທຶນຮ່ວມມືສາກົນເພື່ອການສຶກສາໄລຍະສາມ (GPE III-LEAP), ກະຊວງສຶກສາທິການ ແລະ ກິລາ (Credit No. 6854 - LA).  ໃນວັນທີ 6 ສິງຫາ -9 ກັນຍາ 2026, ດັ່ງລາຍລະອຽດໄດ້ຄັດຕິດເອກະສານປະກາດມາພ້ອມນີ້ (1 ສະບັບ) ຜູ້ທີ່ສົນໃຈ ສາມາດຕິດຕໍ່ພົວພັນໄດ້ທີ່::
ໂທ: +856 21 243672 ຫລື 020 5459 5936
e-mail: This email address is being protected from spambots. You need JavaScript enabled to view it., cc This email address is being protected from spambots. You need JavaScript enabled to view it.  (1 ສະບັບ)⇒ ເອກກະສານຄັດຕິດ