whatsapp_image_2024-09-10_at_14.21.25_5ed63d2d.jpg

 ວິດີໂອພັດທະນາຄູ ບົດເລື່ອງ 2 ເສັ້ນທາງ

Picture1

 

 

 

ຂ່າວການເຄື່ອນໄຫວ Hits: 366

ນັກສຶກສາທິດສະດີຂັ້ນຕົ້ນ ຊຸດທີ III ສສກ ມອບອຸປະກອນການສຶກສາ-ກິລາ ໃຫ້ໂຮງຮຽນ ມ.ຕົ້ນ ຫ້ວຍງາມ ເມືອງວັງວຽງ ມູນຄ່າ 10 ລ້ານກີບ

 

ເນື່ອງໃນໂອກາດເຄື່ອນໄຫວທັດສະນະສຶກສາ ຢູ່ເມືອງວັງວຽງ ແຂວງວຽຈັນ ໃນລະຫວ່າງວັນທີ 30-31 ມີນາ 2026, ຂະບວນນັກສຶກສາທິດສະດີການເມືອງຂັ້ນຕົ້ນ ລະບົບ 3 ເດືອນ ຊຸດທີ III ຂອງກະຊວງສຶກສາທິການ ແລະ ກິລາ ຈຳນວນ 63 ສະຫາຍ, ຍິງ 23 ສະຫາຍ ລວມທັງຄະນະນຳພາ ທັງໝົດ 70 ກວ່າສະຫາຍ ໄດ້ໄປມອບເຄື່ອງຊ່ວຍເຫຼືອໂຮງຮຽນມັດທະຍົມສຶກສາຕອນຕົ້ນ ຫຼື ມ.ຕົ້ນ ຫ້ວຍງາມ, ເປັນກຽດມອບໂດຍ ສະຫາຍ ປອ ພອນສະຫວັນ ວົງສາຄຳຜຸຍ ຮອງເລຂາຄະນະພັກຮາກຖານ, ຮອງຜູ້ອຳນວຍການສະຖາບັນພັດທະນາການບໍລິຫານການສຶກສາ ທັງເປັນຫົວໜ້າຄະນະນຳພາທັດສະນະສຶກສາ ແລະ ກ່າວຮັບແມ່ນ ສະຫາຍ ວຽງຊັນ ໄຊຊະນະສັກ ຜູ້ອຳນວຍການໂຮງຮຽນມັດທະຍົມສຶກສາຕອນຕົ້ນຫ້ວຍງາມ, ມີ ສະຫາຍ ປທ ສີຈັນ ສູນດາລາ ຮອງຫົວໜ້າຄະນະປັດຊະຍາ ສະຖາບັນການເມືອງ ແລະ ການປົກຄອງແຫ່ງຊາດ ພ້ອມດ້ວຍຜູ້ຕາງໜ້າຈາກົມຈັດຕັ້ງ ແລະ ພະນັກງານ ກະຊວງສຶກສາທິການ ແລະ ກິລາ, ພະນັກງານ, ຄູ-ອາຈານ ແລະ ນ້ອງນັກຮຽນເຂົ້າຮ່ວມເປັນສັກຂີພິຍານຢ່າງພ້ອມພຽງ.
ໂອກາດນີ້, ສະຫາຍ ປອ ພອນສະຫວັນ ວົງສາຄຳຜຸຍ ໄດ້ກ່າວມີຄຳເຫັນວ່າ: ສຳລັບເຄື່ອງທີ່ນຳມາມອບໃນຄັ້ງນີ້ ປະກອບມີ ຕູ້ນ້ຳເຢັນ-ນ້ຳຮ້ອນ 2 ໜ່ວຍ, ອຸປະກອນການສຶກສາ ແລະ ອຸປະກອນກິລາ ຈຳນວນໜຶ່ງ ລວມມູນຄ່າ 10.000.000 ກີບ ເຊິ່ງເຄື່ອງດັ່ງກ່າວແມ່ນໄດ້ຈາກການປະກອບສ່ວນຂອງນັກສຶກສາທິດສະດີການເມືອງຂັ້ນຕົ້ນ ແລະ ຮ້ານຂາຍເຄື່ອງກິລາ ດີພີ ສະປອດ ນະຄອນປາກເຊ ແຂວງຈຳປາສັກ ເຖິງວ່າຈະມີຈຳນວນບໍ່ຫຼາຍ ແຕ່ພວກເຮົາກໍມອບໃຫ້ດ້ວຍໃຈ ເພື່ອປະກອບສ່ວນໃຫ້ໂຮງຮຽນມີຕູ້ນ້ຳເຢັນ-ນ້ຳຮ້ອນໄວ້ໃຊ້ ແລະ ອຸປະກອນການສຶກສາ-ກິລາ ໄວ້ນຳໃຊ້ເຂົ້າໃນການຮຽນການສອນ ແນໃສ່ຈັດຕັ້ງປະຕິບັດຫຼັກສູດການຮຽນການສອນໃຫ້ຄົບຕາມ 3 ລັກສະນະ ແລະ 5 ຫຼັກມູນການສຶກສາ ທີ່ກະຊວງສຶກສາທິການ ແລະ ກິລາ ວາງອອກ ໃຫ້ປະກົດຜົນເປັນຈິງເທື່ອລະກ້າວ.
ໂອກາດດຽວກັນ, ສະຫາຍ ວຽງຊັນ ໄຊຊະນະສັກ ໄດ້ຕາງໜ້າຄະນະພັກ, ຄະນະນຳ, ພະນັກງານ, ຄູ-ອາຈານ ແລະ ນ້ອງນັກຮຽນທັງໝົດ ສະແດງຄວາມຂອບໃຈ ແລະ ຮູ້ບຸນຄຸນເປັນຢ່າງສູງຕໍ່ຄະນະນັກສຶກສາທິດສະດີການເມືອງຂັ້ນຕົ້ນ ຊຸດທີ III ໂດຍສະເພາະແມ່ນ ສະຫາຍ ປອ ພອນສະຫວັນ ວົງສາຄຳຜຸຍ ຮອງເລຂາຄະນະພັກຮາກຖານ, ຮອງຜູ້ອຳນວຍການສະຖາບັນພັດທະນາການບໍລິຫານການສຶກສາ ທັງເປັນຫົວໜ້າຄະນະນຳພາທັດສະນະສຶກສາ ທີ່ໄດ້ນຳເອົາເຄື່ອງຈຳນວນດັ່ງກ່າວມາມອບໃຫ້ກັບໂຮງຮຽນຂອງພວກເຮົາ ແລະ ຂໍສັນຍາວ່າຈະນຳໃຊ້ເຄື່ອງຈຳນວນນີ້ໃຫ້ເກີດຜົນປະໂຫຍດສູງສຸດ ພ້ອມຫວັງເປັນຢ່າງຍິ່ງວ່າຈະໄດ້ຮັບການຊ່ວຍເຫຼືອຈາກບັນດາທ່ານຕື່ມອີກໃນອະນາຄົດ.
ຢ່າງໃດກໍຕາມ, ພາຍຫຼັງສຳເລັດພິທີມອບເຄື່ອງແລ້ວ, ຂະບວນນັກສຶກສາດັ່ງກ່າວ ຍັງໄດ້ໄປທັດສະນະສຶກສາຢູ່ສະຖານທີ່ທ່ອງທ່ຽວສຳຄັນຂອງເມືອງ ເປັນຕົ້ນແມ່ນ ຖ້ຳນາງຟ້າ, ຕາດແກ້ງຍຸ້ຍ ແລະ ຖ້ຳລົມ ອີກດ້ວຍ.
660917590_122122131231228259_6311668013003117344_n.jpg
 
ຂ່າວໂດຍ: ລູກນ້ຳເຊ ອິນທະດາລິນ
ພາບໂດຍ: ນັກສຶກສາທິດສະດີການເມືອງຂັ້ນຕົ້ນ ຊຸດທີ III ສສກ

 

ຄັງປັນຍາລາວ

khangpanyasize00

ຖານຂໍ້ມູນການຮຽນການສອນ ຄັງປັນຍາລາວ

ຍຸດທະສາດ ດິຈິຕອນສໍາລັບການສຶກສາ2025-2035
ພາສາລາວ
Digital Strategy for Education Lao PDR
ພາສາອັງກິດ
ຍຸດທະສາດ ແລະ ແຜນພັດທະນາ ວິທະຍາສາດ
ເຕັກໂນໂລຊີນະວັດຕະກຳແຫ່ງຊາດ 2026-2040

🔔 ແຈ້ງການເພີ່ມທະວີແກ້ໄຂບັນຫາ ຜົນກະທົບຈາກລາຄານໍ້າມັນເຊື້ອໄຟ ສະບັບເລກທີ 1109/ຫກ ລົງວັນທີ 17 ມີນາ 2026

🔔 ແຈ້ງການປັບອັດຕາກິນຢູ່-ພັກເຊົາ ສໍາລັບພະນັກງານທີ່ເຂົ້າຮ່ວມກອງປະຊຸມ ຂອງບັນດາໂຄງການ ທີ່ ອົງການຈັດຕັ້ງສາກົນທີ່ບໍ່ສັງກັດລັດຖະບານ (ອສບລ) ໃຫ້ການຊ່ວຍເຫຼືອ ຢູ່ ສປປ ລາວ

♦ ຫ້ອງການປະສານງານສາກົນເພື່ອການສຶກສາ, ກົມແຜນການ ແລະ ການເງິນ ມີຈຸດປະສົງຂໍລົງປະກາດເຊີນຜູ້ ສົນໃຈ ເພື່ອດໍາເນີນການສົມທຽບລາຄາການຈັດພິມປຶ້ມຈໍານວນ 1 ລາຍການ ສະໜອງ ໃຫ້ກົມຈັດຕັ້ງ, ກະຊວງສຶກສາທິການ ແລະ ກິລາ. ພາຍໃຕ້ ໂຄງການກອງທຶນຮ່ວມມືສາກົນເພື່ອການສຶກສາໄລຍະສາມ (GPE III-LEAP), ກະຊວງສຶກສາທິການ ແລະ ກິລາ (Credit No. 6854 - LA).  ໃນວັນທີ 6 ສິງຫາ -9 ກັນຍາ 2026, ດັ່ງລາຍລະອຽດໄດ້ຄັດຕິດເອກະສານປະກາດມາພ້ອມນີ້ (1 ສະບັບ) ຜູ້ທີ່ສົນໃຈ ສາມາດຕິດຕໍ່ພົວພັນໄດ້ທີ່::
ໂທ: +856 21 243672 ຫລື 020 5459 5936
e-mail: This email address is being protected from spambots. You need JavaScript enabled to view it., cc This email address is being protected from spambots. You need JavaScript enabled to view it.  (1 ສະບັບ)⇒ ເອກກະສານຄັດຕິດ